mujhe bhulaye kabhi yaad kar ke roye bhi
vo apne aap ko bikhraaye aur paroye bhi
shumar ho na sake hum chamkne walon mein
badan bhil malte rahe, roz kapde dhoye bhi
bohat ghubaar bhara tha dilon mein dono ke
magar vo ek hi bistar pe raat soye bhi
bohat dinon se nahaye nahi hain aangan mein
kabhi toh raah ki baarish hamen bhigoye bhi
yeh tumse kis ne kaha raat se main darta hun
zaroor aaye mere baazoon mein soye bhi
yaqiin jaaniye ehsaas tak na hoga hamen
nasoon mein suuiyan koi agar chabhoye bhi
No comments:
Post a Comment