mere khusk kheton ko barsaat de
tu pedon ko phal, phuul aur paat de
jo chu le dilon ko vahi baat de
hamen toh purani hikayat[kahaniyan] de
farishte fizaon mein phirne lagen
muhbbat ki hum sab ko saughat de
teri azmaton[mahaanta] ko munvvar[parkashit] karen
hamen chand aise bhi lamhaat de
lahu rang roti hui aankh ko
kabhi muzd-e-marg-e-aafaat[sankant ka ant ka sandesh] de
tu aafaak-e-inkaar mismaar kar
hamen ab toh aadab-e-asbaat de
zamiinron mein kandile-qurbat jala
umango ko ulfat ki aadat de
No comments:
Post a Comment