shehr-e-junoon mein chal meri mehroomion ki raat
uss sheher mein jahan tere khoon se hina bane
yun raigaan na jaaye teri aah-e-neem-shab
kuch jumbish-e-naseem bane, kuch dua bane
iss raat din ki gardish-e-be_sood ke iwaz
koi mehwar-e-fikr koi zaavia bane
ek samt intaha-e-waqt se namood ho
ek ghar deyar-e-deeda-o-dil se juda bane
ek dastan-e-qarb kam aamoz ki jagah
teri hazeematon se koi waaqia bane
tu dhoondne ko jaaye tadapne ki lazzaten
tujhko talash ho keh koi bewaffa bane
No comments:
Post a Comment