yeh jo hum mein, tum mein nibah hai

woh nazar se duur toh hain magar
yeh ajeeb surat-e-haal hai
ham'ah waqt pesh-e-nazar bhi hain
na firaq hai na wasaal hai
yeh tumhari talkh navaiyan
koi aur seh ke dikha toh de
yeh jo hum mein, tum mein nibah hai
mere hausle ka kamaal hai
jo guzar rahi hai guzaar do
na bura kaho na gila karo
jo tumhara haal hai dosto
wahi saare shehr ka haal hai
main kahan se laaon vo roshni
jo kisi ke shehr mein luut gayi
vo kisi ka shehr bhi luut gaya
mujhe isska aur malaal hai
tere mushware ke khalus par
mujhe tark-e-ishq qabool hai
magar ek baat hai hum-nasheen
meri zindagi ka sawaal hai !!!!!!!