zakhm jhele daagh bhi khaaye bohat
dil laga kar hum toh pachtaaye bohat
dair se suu-e-haram aaya na tuk
hum mizaaj apna idhar laaye bohat
phuul, gul, shams-0-qamar saare hi thay
par hamen unn mein tum hi bhaaye bohat
gar bukaa iss shor se shab ko hai toh
ovenge sone ko ham_saaye bohat
meer se poocha jo main aashiq ho tum
ho ke kuch chupke se sharmaye bohat
No comments:
Post a Comment