tujhse ab aur mohabbat nahin ki ja sakti
khud ko itni bhi aaziyat nahin di ja sakti
jante hain ke yaqeen toot raha hai dil par
phir bhi ab tark-e-wehshat nahin ki ja sakti
hubs ka shehr hai aur iss mein kisi bhi surat
saans lene ki sahoolat nahin di ja sakti
roshni ke liye darwaza khula rakhna hai
shab se ab koi ijazat nahin li ja sakti
ishq mein hizr ka aazaar toh de rakha hai
iss se badh kar toh ray’aayat nahin di ja sakti
No comments:
Post a Comment