kahin ummid si hai dil ke nihan-khane mein
abhi kuch waqt lagega isse samjhaane mein
mausam-e-gul ho ki patjhad ho bala se apni
hum ki shamil hain na khilane mein na murjhane mein
humse makhfi nahin kuch rah-guzar-e-shaunq ka haal
humne ik umar guzari hai hawakhwaane mein
hai yunhi ghumate rehne ka maza hi kuch aur
aisi lazzat na pahunchane mein na reh jaane mein
naye diwanon ko dekhen toh khushi hoti hai
hum bhi aise hi thay jab aaye thay viraane mein
mausamon ka koi mehman ho toh uss se puchho
kitne patjhad abhi baaqi hain bahaar aane mein
No comments:
Post a Comment