kise khabar thi tujhe iss tarah sajaunga
zamana dekhega aur main na dekh paaunga
hayat-o-maut, firaq-o-wisal sab yakja
main ek raat mein kitne diye jalaaunga
pala padha hun abhi tak innhi andheron mein
main tez dhoop se kaise nazar milaaunga
mere mizaaj ki yeh maadraana fitrat hai
sawere saari aziyat main bhool jaauga
tum ek pe'd se vaabasta ho magar main toh
hawa ke saath bohat duur duur jaunga
mera yeh ahed hai aaj shaam hone tak
jahan se rizq likha hai wahin se laaunga
No comments:
Post a Comment