bhoole se kabhi unnki nawazish nahin hogi
khudaar hain humse bhi guzarish nahin hogi
hum woh hain jo har dard chupa lete hain dil mein
humse kabhi zakhmon ki numaaish nahin hogi
iss dil mein kisi aur ka gham tere allawa
yeh zurm hai humse toh yeh saazish nahin hogi
likhi hai ghazal apni tamanna ke lahu se
ky gham hai jo sheron ki sataaiish nahin hogi
do ghoont mohbbat ki sharaabon ke piye kya
waaiz ne kaha aap ki bakshish nahin hogi
iss dil mein faqat aarzu-e-yaar basi hai
ab humse kisi aur ki khwahish nahin hogi
No comments:
Post a Comment