Wednesday, July 22, 2009

qaraar hizr mein aaya

qaraar hizr mein aaya sukoon, dard ke saath
bada ajeeb-sa rishta hai ek fard ke saath
tulu'a hota hai din iss liye ki dhoondh bhadhe
har ek raat hai mansoob mahe-zard[peela chand] ke saath
simat raha hai ilaka hamari vehshat ka
hai etraaf hamen isska ranj-o-dard ke saath
ussi ki shart pe tai baaqi ka safar hoga
ye ahd kal hi kiya raste ki gard ke saath
hai koi jo kabhi puuche ye jaa ke suraj se
ki aur rehna hai kab tak hawa-e-sard ke saath

No comments:

Post a Comment

wel come