shab-e-hizran ki aziyyat ki khabar kis ko hai
meri gumnaam muhabbat ki khabar kis ko hai
kis ko ehsaas meri shedat-e-jazbaat ka hai
meri halat meri wehshat ki khabar kis ko hai
kaun viraan makanon ki khabar rakhta hai
meri ujdi hui halat ki khabar kis ko hai
maine chup chap muhabbat ke sitam jhaile hain
meri iss darja sharaafat ki khabar kis ko hai
kaun aayega ab aaye dil tujhko tasalli dene
teri udas tabiyat ki khabar kis ko hai.....!
No comments:
Post a Comment