Saturday, July 18, 2009

sheen kaaf nizaam ki shayyiri

dam ghut raha hai raat din ki sard jang mein
baahar nikaal de mujhe thandi surang se
ik cheekh dab ke reh gayi aafaaq ke qareeb
niklega pa-e-pheel[haathi ka paanv] kya dahne-nihang[magarmach ka munh] se
mumkin hai khaaq-e-pa ka kare vo bhi intzaar
milta hai usska rang bhi pathar ke rang se
chakh lun, ye keh ke chaat gaya raushni tamaam
vo saanp marr sakega na teg-o-tufang[talwar-bandookh] se
khamosh bezuban-sa, main dekhta raha
sharma rahi thi dhuup bhi chehron ke rang se
vo haath dho na baithe basaart[drishti] se ek din
jo khelta hai halq-e-ashqaale-rang[rango ki shakl keg here] se
hosho-hawas ab ke subaksar[sharminda] huye ‘nizaam’
aawaz jaane kaisi nikalti hai chang se

No comments:

Post a Comment

wel come