Saturday, July 4, 2009

zindgi yun mujhe awaaz na de ruk ruk ke

zindgi yun mujhe awaaz na de ruk ruk ke
main musafir hoon, musafir ka bharosa kaisa
chand lamhe main thehr jaaon magar darta hoon
tu mujhe qaid na kar daale innhi lamhon mein
aur phir ho ke aseer-e-gham-e-janaan ek din
bhool jaaon ke meri zeest ka haasil kya hai
cheen kar mujhse mera shauq-e-junoon josh-e-junoon
jeete jii maar hi daale na yahi darta hoon
kaun jaane ke kahan rabta toote tujhse
kaun jaane ke kahan maut se ho jaaye visaal
phir bhala teri sada pe main rukon bhi kaise
mujhko jaana hai bohat duur teri sarhad se
duur itna ke koi faasla baaqi na rahe
saath guzre huye lamhon ki qasam hai tujhko
zindagi yun mujhe awaaz na de ruk ruk ke
main musafir hoon musafir ka bharosa kaisa

No comments:

Post a Comment

wel come