shukriya tera mera saath chod jaane ko

lo mil gaya zakhm, umr bhar rulane ko
shukriya tera, mera saath chod jaane ko
toote sapne, toota dil, rishta bhi toot gaya
soch rahi hu, kya reh gaya, ab ye jiwan bitane ko
yaadon ke ye saaye, kyun reh jaate hai
pal pal armaanon ko, iss kadar tadpaane ko
din mein hosh nahi, raaton ko neend nahi
ladte hai teri yaadon se, tujhko bhulane ko

shukriya shukriya iss mod pe laane wale

khauff-e-duniya se mere paas na aane wale
jaan rakhte hain hatheli pe nibhane wale
meri ruswai mein gairon ka koi dosh nahi
iss mein shamil hain mere apne chahne wale
kitna nadaan hoon iss aas pe zinda hoon
laut aayenge mujhe chod ke jaane wale
ab kahon tujhko main 'mohsin' toh bhala kaise kahoon
kar ke ehsaan sar-e-aam jatane wale
ab toh rasta hai na manzil hai na shanasa hai koi
shukriya shukriya iss mod pe laane wale

auro se uljhte rehna

usski aadat wohi har baat adhori karna
aur phir baat ka mefhum badalte rehna
aag se seekh liya hai tareeka humne
bujh bhi jana toh badi der sulagte rehna
jaane kis umar mein jaayegi aadat apni
roothna uss se toh auro se uljhte rehna

.... aur khaas bhi hai

tu duur hai mujhse, par paas bhi hai
teri kami mein kahin tera ehsaas bhi hai
tujhse dost hain lakhon, jahan mein mere
par tu dost bhi hai aur khaas bhi hai
tune khushiyan mujhe itni di hain ke aaj
tujhe khone ka dil mein ehsaas bhi hai
khuda ne yun nawaza, teri dosti se mujhe
ke mujhe khud pe gumaan hai aur naaz bhi hai

jaane kyun

jaane kyun main aaj bhi dua karta hoon usski khushi ke liye
ae kaash ! woh lauta de mere woh sab beete din meri khushi ke liye
koi ja kar bataye usse koi marta nahin kisi ke liye
thay aur bhi raaste saath nibhane ke liye
kyun uss ne chuna raasta sirf judai ke liye
woh hota hai dheere dheere mujhse duur, qareeb main jitna aana chaha
uss ne ek raah khuli na rakhi apni vapsi ke liye
maana ke meri qismat ne kiya mujhse duur tumse
kya tumhare haathon ki lakeiron mein likha tha mujhse juda hone ke liye
ab bhi hai mere dil mein jazbaat najaane kis tarah
achcha hi kiya tha maine apni muhbbat ke liye

ye achcha hua

tumne dil ki baat keh di aaj ye achcha hua
hum tumhen apna samjhte thay bada dhokha hua
jab bhi humne kuch kaha usska asar ulta hua
aap shayad bhulte hain badha aisa hua
aap ki aankhon mein ye aansu kahan se aa gaye
hum toh diwane hain lekin aapko ye kya hua
ab kisi se kya kahen 'iqbal' apni dastan
bas khuda ka shukr hai jo bhi hua achcha hua

kuch bhi toh nahin waisa ...

kuch bhi toh nahin waisa ...
jaisa tujhe socha tha
jitna tujhe chaha tha ...

socha tha tere lab par kuch har duaon ke
kuch phool wafaaon ke
mehakeinge meri khatir
kuch bhi toh nahin waisa jaisa tujhe socha tha

mehsoos ye hota hai dukh jhele thay jo ab tak
benaam musaafat mein
likhne ki mohbbat mein
padhne ki zaroorat mein
be_sood riazat thi
be_faiz ibaadat thi
jo khwab bhi dekhe thay inn jaglti aankhon ne
sab khaam khayyali thi

phir bhi tujhe pane ki dil ke kisi goushe mein
khwahish toh bachaa li thi
lekin tujhe pa kar bhi aur khud ko ganwa kar bhi
iss habs ke mausham ki khidki se hawa aayi
na phool se khushbu ki koi bhi sada aayi
ab neend hai aankhon mein
na dil mein woh pehli si taza sukhan aaraai
na lafz mere nikle na harf-o-maani ki
danish mere kaam aayi
nadeeda rafaqat mein jitni bhi aziyaat thi
sab mere hi naam aayi

kuch bhi toh nahin waisa
jaisa tujhe socha tha

ik zara dil ke qariib aao toh kuch chaiin pade

ik zara dil ke qariib aao toh kuch chaiin pade
jaam ko jaam se takaraao toh kuch chaiin pade
baithe baithe toh har mauj se dil dahalega
badke tufan se takrao toh kuch chaiin pade
jii ulajhta hai nagma-e-rangiin sun kar
geet ek dard bhara gaao toh kuch chaiin pade
daag ke shair jawani mein bhale lagte hain
meer ki koi gazal gaao toh kuch chaiin pade
yaad-e-ayaan mein guzishtaan se ijaazat le kar
'tarz' kuch der ko soa jaao toh kuch chaiin pade

qarib maut khadi hai zara thahar jaao

qarib maut khadi hai zara thahar jaao
qaza se aankh ladi hai zara thahar jaao
thaki thaki si fazaayen bujhe bujhe taare
badi udaas ghadi hai zara thahar jaao
nahin ummid ki hum aaj ki sahar dekhen
ye raat hum pe kadi hai zara thahar jaao
abhi na jaao ki taaron ka dil dhadakta hai
tamaam raat padi hai zara thahar jaao
phir iss ke baad kabhi hum na tumko rokenge
labon pe saans adii hai zara thahar jaao
dam-e-firaq mein jii bhar ke tumko dekh toh loon
ye faisle ki ghadi hai zara thahar jaao

tumhen mujhse ab vo muhbbat nahin ....

tumhe yaad karne ki fursat nahi hai
bhula doon tumhen mujh mein himmat nahi hai
meri aankhon se jaane kyun lagta hai humko
tumhen ab vo mujhse mohbbat nahin hai
meri ankhon mein pehle jo aate thay aansu
tumhen bhi sang apne rulate thay aansu
ab tere gham mein har waqt behte hain aansu
teri nazron mein ab innki kimat nahi hai
tumhen mujhse ab vo muhbbat nahi hai ... laakh
masrufiyat mein bhi tum khat thay likhte, har ek
harf se bas mujhe tum thay dekhte, ab na dikhta koi
aks na koi khat
ae sanam naam iss ka toh chahat nahin hai, tujhe mujhse ab vo
mohbbat nahin hai ...
tera pyar mujh par tha ehsan jaana, mujhko bhulana hai asaan maana, na karega
pareshan bas itna tu keh de
tumhen ab hamari zarorat nahin hai, tumhen
mujhse ab vo mohbbat nahin hai ...
karu yaad ek din jab na hoti thi baatein, na dhalte thay din na kat'ti thi raatein,
har safar ab hai tanha
aur khamoshi hai qismat, tere lafzon se koi shikayat nahin , tumhen mujhse ab vo muhbbat nahin ....

fard-e-amal siyaah kiye ja raha hoon main

dil mein kisi ke raah kiye ja raha hoon main
kitna hasiin gunah kiye ja raha hoon main
duniya-e-dil tabaah kiye ja raha hoon main
sarf-e-nigah-o-aah kiye ja raha hoon main
fard-e-amal siyaah kiye ja raha hoon main
rehmat ko bepanah kiye ja raha hoon main
aisi bhi ik nigah kiye ja raha hoon main
zarron ko mahar-o-maah kiye ja raha hoon main
mujhse lage hain ishq ki azamat ko chaar chaand
khud husn ko gawaah kiye ja raha hoon main
masoomi-e-jamaal kobhi jis pe rashk ho
aise bhi kuch gunah kiye ja raha hoon main
aage qadam badhayen jinhen sujhata nahin
roshan chirag-e-raah kiye ja raha hoon main
tnaqeed-e-husn maslahat-e-khaas-e-ishq hai
ye zurm gaah-gaah kiye ja raha hoon main
gulshan_parast hoon mujhe gul hi nahin aziiz
kanton se hii nibah kiye ja raha hoon main
yun zindgi guzaar raha hoon tere begaiir
jaise koi gunah kiye ja raha hoon main
mujhse ada hua hai 'jigar' justju ka haq
har zarre ko gawah kiye ja raha hoon main

vo majboori nahi thi yeh adakari nahi hai

vo majboori nahi thi yeh adakari nahi hai
magar dono taraf pehli se sar _shari nahi hai
bahane se usse bas dekh aana pal do pal ko
yeh fard-e-zurm hai toh aankh inkaari nahi hai
main teri sard moheri se zara bad dil nahi hoon
mere dushman tera yeh var bhi kari nahi hai
main usske qaol par iman la kar khauf main hoon
kahin zalim ke lehje main ahyaari tu nahi hai
paltne ka irada ho sake toh tum bhi kar lo !
yeh bazi aaj tak dil ne kabhi haari nahi hai
jahan ik roz khil jaayen hamare naam ke phool
bhare gulshan main kya aisi koi kayari nahi hai
bichadne wale itne ho gaye hain shahr dar shahr
ke baqi ab kisi ghar main azadari nahi hai

paida raah-e-khaloos main dushwariya na kar

paida raah-e-khaloos main dushwariya na kar
chahat nahi tu humse ada_kariyan na kar
lafzon se khelne ki zaroorat nahi tujhe
sada dilon ke saath yeh fan_kariyan na kar
jinse nahi lagao unhein munh bhi mat laga
bewajah har dukan se kharidariyan na kar
tu shakh-e-gul hai koi amar_bail toh nahi
wabasta har shajar se waffa_dariyan nah kar
iss bheed se pade bhi hai abad khalq-e-shair
apne hi doston ki taraf dariyan na kar
iss shugal-e-be_jawaz se kya fayda tujhe
dil mat dukha kisi ka dil azaariyan na kar
taza hai dil pe daag agar pehli chot ka
phir dosri shikast ki tayaarian na kar

mai pila kar aapka kya jaayega

mai pila kar aapka kya jaayega
jaayega iimaan jiska jaayega
dekhkar mujhko vo sharma jaayega
ye tamasha kis se dekha jaayega
jaauun buutKhaane se kyun kaabe ko main
haath se ye bhi thiknaa jaayega
qatl ki jab ussne dii dhamki mujhe
keh diya maine bhi dekha jaayega
pii bhi le do ghuunt zaahid pii bhi le
maikade se kaun pyasa jaayega

tera kya bana

tujhe zindgi ka shaoor tha tera kya bana
tu khamosh kyun hai mujhe bata tera kya bana
vo jo naseeb se teri jang thi meri bhi thi
main toh kamyaab na ho saka tera kya bana
nayi manzilon ki talaash thi so bichad gaye
main bichad ke tujhse bhatak gaya tera kya bana
main muqable mein shareek tha faqt iss liye
koi mujhse aa ke puchta tera kya bana
mujhe ilm tha ke shikast mera naseeb hai
tu umeedvaar tha jeet ka tera kya bana

woh shaks baqi hai

ulat palat gayee duniya woh zalzale aaye
magar kharaba-e-dil main woh shaks baqi hai

ae kaash ke yeh silsila kabhi munqata na ho

ae kaash ke yeh silsila kabhi munqata na ho
kaise jiyenge tujhsa koi dilruba toh ho
milte hain roz kitne saaye musafaton mein
lekin kisi mein tujhsa koi shaaiba toh ho
nazuk hai har kali par khuboyian juda hain
ehl-e-chamn mein tujhsa koi zaiqa toh ho
mand lag rahe hain sab jhilmilate taare
kahin inn mein husan tujhsa koi mulahiza toh ho
khwab-o-khayal mein sheki aaye ho tum
iss awargi mein tujhsa koi aasra toh ho

saja ke sar pe sitaron ka taaj rakhta hai !

saja ke sar pe sitaron ka taaj rakhta hai !
zameen pe bhi woh falak ka mazaj rakhta hai

sanwarne wale sada aaine ko dhundte hain
bichar ke bhi woh meri ihteyaj rakhta hai ?

hum uss ke husan ko taskhir kar ke dekhain gaye !
jabeen pe kaon shikan ka kharaj rakhta hai ?

khafa sahi woh sakhawat sarshat jab bhi mile !
bharam aana ka mohabat ki laaj rakhta hai

saba kharam khazan pairhan bahar badan
woh muasamoon ka ajab imtezaaj rakhta hai

chura ke ankh se kuch khawab rakh liye mohsin
kisaan jaise bacha kar anaaj rakhta hai

roshan jamaal-e-yaar se hai anzumn tamaam

roshan jamaal-e-yaar se hai anzumn tamaam
dehaka hua hai aatish-e-gul se chamn tamaam
hairat ghuroor-e-husn se shokhi se iztaraab
dil ne bhi tere seekh liye hain chalan tamaam
Allah-re jism-e-yaar ki khoobi ke khud-ba-khud
rangeeniyon mein doob gaya pairahan tamaam
dekho toh chasm-e-yaar ki jaadu nigahiyan
behosh ek nazar mein hui anzumn tamaam
sheerini-e-naseem hai soz-o-gudaaz-e-meer
hasrat tere sukhan pe hai lutf-e-sukhan tamaam...

sarv-o-saman bhi

sarv-o-saman bhi, mauj-e-naseem-e-sahar bhi hai
ae gul tere chaman mein koi chasm-e-tar bhi hai ?
kuchh der pii le kakul-o-aariz ki chhaaon mein
jaadu-e-shaam bhi hai, fusoon-e-sahar bhi hai
duniya sune toh qissa-e-gham hai bohot taveel
haan tum suno toh qissa-e-gham mukhtasar bhi hai
ab shayaran-e-hind mein jazbi, jigar ke baad
ye sochta hoon main koi saahib nazar bhi hai...

humko junoon kya sikhlate ho

humko junoon kya sikhlate ho, hum thay pareshan tumse ziyada
chaak kiye hain humne azizon, char girehbaan tumse ziyada
chaak-e-jigar mohtaaj-e-rafoo hai, aaj toh daaman sirf lahoo hai
ek mausam tha humko raha hai shauq-e-baharan tumse ziyada
ehd-e-wafa yaaron se nibhayen, naaz-e-harifan hans ke uthayen,
tab humen armaan tumse siva tha, ab hain pasheman tumse ziyada
jao tum apne baam ki khatir, saari lauwen shamon ki katar lo,
zakhm ke mahar-o-mah salamat, jashn-e-chiraghan tumse ziyada
hum bhi hamesha qatl huye, aur tumne bhi dekha door se lekin,
ye na samjhna humko hua hai jaan ka nuksaan tumse ziyada
zanjeer-o-deewar hi dekhi tumne toh majrooh, magar hum
kucha kucha dekh rahe hain aalam-e-zindan tumse ziyada

aaj ussi ke saamne hoon

ae junoon kuchh toh khule aakhir main kis manzil mein hoon
hoon jawaar-e-yaar[under protection of lover] mein ya koocha-e-qaatil mein hoon
pabajola apne shaanon par liye apni saleeb,
main safeer-e-haq[truth] hoon lekin nargha[rank]-e-baatil[evil] mein hoon
jashn-e-farda[celebration of tomorrow ] ke tasavvur se lahoo gardish mein hai
haal mein hoon aur zinda apne mustaqbil mein hoon
dam bakhud[without breath] hoon ab sare maqtal[place of slaughter / execution] ye manzar dekh kar
main ke khud maqtool hoon lekin saf-e-qaatil[rank of killer] mein hoon
ek zamana ho gaya bichhde huye jis se suroor
aaj ussi ke saamne hoon aur bhari mehfil mein hoon

shayar-e-fitrat hoon main

shayar-e-fitrat hoon main, jab fikr farmata hoon main
ruuh ban kar zarre-zarre mein samaa jaata hoon main
aa ke tujh bin iss tarah ae dost ghabrata hoon main
jaise har sheh mein kisi sheh ki kami paata hoon main
haaye ri majburiyan, tark-e-mohbbat ke liye
mujhko samjhate hain vo aur unnko samjhata hoon main
meri himmat dekhna, meri tabiyat dekhna
jo sulajh jaati hai gutthi phir se uljhata hoon main
wah re shauq-e-shahadat, ku-e-qaatil ki taraf
gungunata, raqs karta, jhumta jaata hoon main
teri mehfil tere jalwe, phir taqaza kya zaroor
le utha jaata hoon zaalim, le chala jaata hoon main
ek dil hai aur tufan-e-hawadis ae jigar
ek sheesha hai ke har patthar se takrata hoon main

kahin dukhon ka tazkara

kahin dukhon ka tazkara kahin ghamon ki dastan
main roa diya hayaat ki katab dekhte huye

guftagu ke lamhon mein

guftagu ke lamhon mein
dekh hi nahi pate
hum tumhare chehre ko
tum humari ankhon ko
aaj aisa karte hain
chashm-o-lab ko padhte hain
baat chod dete hain

teri zulf bhi toh bikhar gayi

mujhe zabt-e-gham ka na de sabak
zara apne haal par kar nazar
meri uljhano ke khayal se
teri zulf bhi toh bikhar gayi

rokta hai gham-e-izhaar se pindaar mujhe

rokta hai gham-e-izhaar se pindaar mujhe
mere ashkon se chhupa le mere rukhsar mujhe
dekh ae dasht-e-junoon bhed na khulane paaye
dhoondhane aaye hain ghar ke dar-o-diwar mujhe
sii diye hont ussi shaks ki majboori ne
jis ki qurbat ne kiya maharam-e-asraar mujhe
meri ankhon ki taraf dekh rahe hain anzuum
jaise pehchan gayi ho shab-e-bedaar mujhe
jins-e-viraani-e-sahara meri dukaan mein hain
kya kharidega tera shahr ka bazaar mujhe
jaras-e-gul ne kai baar bulaya lekin
le gayi raah se zanjiir ki jhankaar mujhe
naavak-e-zulm utha dashna-e-andoh sambhaal
lutf ke khanjar-e-benaam se mat maar mujhe
saari duniya mein ghani raat ka sanaata tha
sehan-e-zindaan mein mile subah ke asaar mujhe

iid ka din hai

charaag dil ke jalaao ki iid ka din hai
tarane jhoom ke gaao ki idd ka din hai
gamon ko dil se bhulaao ki idd ka din hai
khushi se bazm sajaao ki iid ka din hai
huzoor usski karo ab salaami ki dua
sar-e-namaaz jhukaao ki idd ka din hai
sabhi muraad ho poori har ek sawali ki
dua ko haath uthao ki idd ka din hai

shaam ke saanvle chehre ko nikhara jaaye

shaam ke saanvle chehre ko nikhara jaaye
kyon na saagar se koi chaand ubhara jaaye
raas aaya nahin taskeen ka saahil koi
phir mujhe pyaas ke dariya mein utaara jaaye
meharbaan teri nazar, teri adaayen qatil
tujhko kis naam se ae dost pukara jaaye
mujhko dar hai tere vade pe bharosa karke
muft mein ye dil-e-khushafaham na maara jaaye
jiske dam se tere din raat darakhshaan thay 'qateel'
kaise ab usske bina waqt guzara jaaye

tujhe bhula ke mujhe yaad kuch raha hi nahi

tujhe bhula ke mujhe yaad kuch raha hi nahi
ke jaise sare jahan main kuch aur tha hi nahi
khat unn ke naam mohata ka likh ke yaad aaya
sanam ke ghar ka mere pass toh pata hi nahi
gale laga ke har ek shaks roa pade lekin
hamare dil ka koi haal janta hi nahi
diyar-e-ishq main rakhte huye qadam socho
ke uss gali se palatne ka rasta hi nahi
yeh kaise keh doon ke acha hai zindagi ke liye
tamaam umar sakoon jab mujhe mila hi nahi
hamare gham mein woh aansu baha raha tha kyun
yeh raaz dil pe humare abhi khula hi nahi
woh kab se chod ke mujhko chala gaya
pe aisa lagta hai jaise ke woh gaya hi nahi

azmat-e-zindagi ko bech diya

azmat-e-zindagi ko bech diya
hamne apni khushi ko bech diya
chashm-e-saaqi ke ik ishare pe
umr ki tishnagi ko bech diya
rind jaam-o-subu pe hansate hain
shekh ne bandgi ko bech diya
rah_guzaron pe lut gayi raadha
shaam ne baansurii ko bech diya
jagmagate hain vahashaton ke dayar
aql ne aadmi ko bech diyaa
lab-o-rukhsar ke ivaz hamne
sitvat-e-khusravi ko bech diya
ishq beharuupiya hai ae 'sagar'
aap ne sadgi ko bech diya

meri aawargi

phirte hain kab se dar_ba_dar ab iss nagar ab uss nagar
ek dusre ke hamsafar main aur meri aawargi
na aashna har rahguzar na meharban hai ek nazar
jaayen toh ab jaayen kidhar main aur meri aawargi
ham bhi kabhi aabad thay aise kahan barbaad thay
bifikr thay aazad thay masruur thay dilshad thay
vo chaal aisi chal gaya ham bujh gaye dil jal gaya
nikle jala ke apna ghar main aur meri aawargi
vo mah-e-vash vo mah-e-ruuh vo mah-e-kaamil hu_ba_hu
thiin jiski baaten ku_ba_ku uss se azab thi guftgu
phir yun hua vo kho gayi aur mujhko zid si ho gayi
layenge ussko dhundh kar main aur meri aawargi
ye dil hi tha jo seh gaya vo baat aisi keh gaya
kehne ko phir kya reh gaya ashkon ka dariya beh gaya
jab keh kar vo dilbar gaya tere liye main marr gaya
rote hain ussko raat bhar main aur meri aawargi
ab gham uthaayen kis liye ye dil jalaayen kis liye
aansu bahayen kis liye yun jaan gavayen kis liye
pesha na ho jis ka sitam dhuundenge ab aisa sanam
honge kahin toh kaargar main aur meri aawargi
aasar hain sab khot ke imkaan hain sab chot ke
ghar bandh hain sab kot ke ab khatm hai sab totake
qismat ka sab ye khel hai andher hi andher hai
aise huye hain be_asar main aur meri aawargi
jab ham_dam-o-ham_raaz tha tab aur hi andaz tha
ab soz hai tab saaz tha ab sharm hai tab naaz tha
ab mujhse ho toh ho bhi kya hai saath vo toh vo bhi kya
ek behunar ek besabar main aur meri aawargi

khuda mere saath hai

toote huye dilon ki dua mere saath hai
duniya teri taraf hai khuda mere saath hai
aawaz ghunghruuon ki nahin hai toh kya hua
saagar ke tootne ki sada mere saath hai
tanhai kisko kehte hain mujhko pata nahin
kya jaane kis hasiin ki dua mere saath hai
paimana saamne hai toh kuch gham nahin 'nizam'
ab dard-e-dil ki koi dawa mere saath hai

chal chalan bura nahi

auron se hai milan zaroor, pojta sirf tujhko hai
jaan! tere qateel ka chal chalan bura nahi

aa jaayen ham nazar

aa jaayen ham nazar jo koi dam bahut hai yaan
mohlat basan-e-barq-o-sharaar kam bahut hai yaan
yak lehza siina kobii se furasat hamen nahin
yaani ki dil ke jaane ka maatam bahut hai yaan
ham raharavan-e-raah-e-fana der reh chuke
waqfa basan-e-subah koi dam bahut hai yaan
haasil hai kya sivaye tarai ke dahar mein
uth aasman tale se ke shabnam bahut hai yaan
iss buutkade mein maani ka kis se karen savaal
aadm nahin surat-e-adam bahut hai yaan
ajaaz-e-isavii se nahin bahas ishq mein
teri hi baat jaan-e-mujassim bahut hai yaan
mere hilaak karne ka gham hai abas tumhen
tum shaad zindagani karo gham bahut hai yaan
shayad ke kaam subah tak apnaa khinche na 'meer'
ahwal aaj sham se darham bahut hai yaan

khusboo hai yaar ki

aati bahot qareeb se khusboo hai yaar ki
jaari idhar udhar hi kahin daur-e-jaam hai

sapna sa kanpta tha

sari raat sote main muskara raha tha woh
jaise koi sapna sa kanpta tha honton par

ho ghazal aur ashkana ho

ho ghazal aur ashkana ho
dil sambhalne ka kuch bahana ho
aur kya chahiye zamane ko
kehne sunane ka ek fasana ho
zindgi nazar karna padti hai
ek lamha agar churana ho
hum jo kehte hain kar guzarte hain
soch lena agar azmana ho
dushmani bhi hamen ganwara hai
shart ye hai ke mukhlisana ho

saari baat

apnapan bhi aise beganepan mein hai
poora aalam ek diwanepan mein hai
ye jo tum se main anjaan bana phirta hoon
saari baat issi anjanepan mein hai ....

tere dil mein

mujhse milte huye yeh bhi toh socha hoga
main tere dil mein sama sakta hoon dhadkan ki tarah

hum dono

yeh lag raha hai sitaron ki chal se ke falak
koi azaab meri khak par utaarega
ishq kaisa kahan ka ahed farad
ghar basaye huye hain hum danoo'n

tera kya bana

tujhe zindgi ka shaoor tha tera kya bana
tu khamosh kyun hai mujhe bata tera kya bana
vo jo naseeb se teri jang thi meri bhi thi
main toh kamyaab na ho saka tera kya bana
nayi manzilon ki talaash thi so bichad gaye
main bichad ke tujhse bhatak gaya tera kya bana
main muqable mein shareek tha faqt iss liye
koi mujhse aa ke puchta tera kya bana
mujhe ilm tha ke shikast mera naseeb hai
tu umeedvaar tha jeet ka tera kya bana

jis tarah chahen karam farmayiye

jis tarah chahen karam farmayiye
dil mein rahiye dard bante jaaiye
sochiye toh husn kaafir kuch nahi
dekhiye aur dekhte raha jayiye
ho chuki taskeen kyun samjhaiye
aap ko jaana hai achcha jayiye
unnka ghar aur sirf unnke ghar
jayiye aur bin bulaye jayiye

ramzaan

bezubanon ko jab vo zuban deta hai
padhne ko phir vo quran deta hai
bakshne pe aata hai jab vo ummat ke gunahon ko
tohfe mein gunahgaron ko ramzaan deta hai

lakhnau wale

juda rehta hun main tumse toh dil betaab rehta hai
chman se duur rehke phool kab shaadab rehta hai
hajaaron bastiyan aa jayengi toofan ki jad mein
meri aankhon mein ik aansu nahi sailaab rehta hai
badi mushkil se aate hai samjh mein lakhnau wale
dilon mein faansle lab pe magar adaab rehta hai

bhagwan tujhe main khat likhta, par tera pata mallum nahin

bhagwan tujhe main khat likhta, par tera pata mallum nahin
buron ki jeet duniya mein, bhalaai thokarein khaaye
yahan kya ho raha maalik, ye kaise koi batalaye
roa roa likhta jag ki bipata, par tera pata mallum nahin

duniya mein tujhe bura lage ya bhala lage, teri duniya apne ko jammi nahin
kuch kehte huye darr lagta hai yahan, dushton ki kuch kammi nahin maalik
maalik tujhe main sab kuch samjhaata, par tera pata mallum nahin

mallum nahin mere sar pe dukhon ki gathari hai, raaton ko nahin main sota hun
kahin jaag uthe na padosi iss liye zor se nahin main rota hun
tere saamne baith ke main rota par, tera pata mallum nahin

nahin kuch kahun toh duniya kehti hai aansu na baha bakwaas na kar
aisi duniya mein mujhe rakh ke maalik, mera satyaanaas na kar
tere paas main khud hi aa jaata, par tera pata mallum nahin

vo kuch iss ada se milta hai

vo kuch iss ada se milta hai
dard jaise dawa se milta hai
be-muravvat sahi pa' kya kijiye
dil ussi bewaffa se milta hai
phail jaati hai aag jangle mein
jab bhi shola hawa se milta hai
hai vo aaludgi fazaon mein
zehar humko hawa se milta hai
usski athkheliyon ka kya kehna
khwab mein bhi ada se milta hai
har kali ko mijaaz sharmila
teri sharm-o-hayya se milta hai
zindgi mein sukoon mujhko 'zaheen'
jaane kiski dua se milta hai

koi tumsa na humsafar hoga

koi tumsa na humsafar hoga
jo mere gham se bekhabar hoga
tumko ye bhi khabar nahin shayad
tere bin koi deeda-tar hoga
zindgi chaar din ki hai phir tu
gham ka qissa bhi mukhtsar hoga
koi dega meri waffa ka sila
koi toh yaan pe maatbar hoga
iss jahan ka nahin hai vo shayad
chaand ka ghar bhi chaand par hoga
kaala til hai jo tere gaalon par
koi jaduu na kaargar hoga
teri chahat mein koi hoga 'seraj'
koi tera bhi muntazar hoga !

meri nakaami

dil mein nakaam hasratein le kar
apne seene mein chahatein le kar
jaane kitni umange saath liye
jaane kitne hi khwab saath liye
apni manzil talaash karne ko
chal diye besabab usse paane
vaada ussne kiya tha milne ka
vo chali aayi mujhse milne; magar
apne dil mein dabaye pyar mera
usska milna bhi aisa milna tha
gaiir se jaise koi milta hai
sochta tha ki uss se mil ke sabhi
zakhm apne tamaam bhar lunga
dil ka har dard ab milta lunga
vo mera zakhm bhar na paayi koi
dard dil ka mita na paayi koi
darr lage hai samaj se ussko
jhoothe reeti-riwaaz se ussko
aaj samjha hun pyar ki aukaat
pyar darta hai duniyadaari se
main ye kehta hun tumse ae logo
darr hai dil mein samaj tumko
jhoothe reeti-riwaaz ka tumko
toh ye bhoole se pyar mat karna
kyunki dil tuut'te hain pyar bhare
aur ab kya sunaaun main tumko
main chala aaya apne khwab liye
apni nakaam hasratein le kar
ussko illzam bhi toh doon kaise
vo mera pyar hai; meri jaan hai
vo meri dhadkanon mein; meri saanson mein
mere dil mein basi rahegi sada
jaise khushboo basi hai phoolon mein

har maslaa 'masal' se maslaa nahin jaata

har maslaa
'masal' se
maslaa nahin jaata
ho chaukhat pe sailaab
toh uss se lada nahin jaata

jab se suna
ki lakeeiron mein takdeer hai meri
mere haathon se
mera haath
mala nahin jaata

samandar mein mandir
kahin chhupa hai jaroor
bina juute utaare
uss mein utra nahin jaata

jab bhi sanwarti hain
bohat bhigadti hain julfein
kehin hain
kyun azad hamen rakha nahin jaata ?

mujhe hoti samjh
toh tumhen na batata ?
ki kuch hoti hai baatein
jinhen kaha nahin jaata !!

kai roz ho chuke hain mujhe apna ghar sajaaye

meri soch hai adhoori mere lafz hai paraaye
veh ghazal kahan se laaon jo tumhen pasand aaye ..
mere pyar ke bharam ko mere dastan-e-gham ko
kai log sun ke roye kai log muskuraaye ..
mere paas kuch dinon se mera aaiina nahin hai
kai roz ho chuke hain mujhe apna ghar sajaaye ..
kahin raaste mein uss ne mera haath choo liya tha
toh kalaaiyon ke kangan kai roz khankhanaaye ..
meri yeh tamnna 'bedil' kabhi ho saki na poori
ki main rooth jaaon jab bhi mujhe aa ke vo manaaye ..

mere hi lahu par

mere hi lahu par guzar auqaat karo ho
mujhse hi amiiron ki tarah baat karo ho
din ek sitam ek sitam raat karo ho
vo dost ho dushman ko bhi maat karo ho
ham khaaq_nashin tum sukhan_aaraai sar-e-baam
paas aa kar milo duur se kya baat karo ho
ham ko jo milaa hai vo tumhin se toh mila hai
hum aur bhula den tumhen kya baat karo ho
yun toh munh pher ke dekho bhi nahin ho
jab waqt pade hai toh madarat karo ho
na daman pe koi chiint na khanjar pe koi daag
tum qatl karo ho ke karaamaat karo ho
bakne do 'aajiz' ko jo bole hai bake hai
diwana hai diwane se kya baat karo ho

Ye soch ke milna

Ye soch ke milna ki jab miloge use,
Wo kuchh na kahega to kya kahoge use !
vo aayega toh apne aap mein kab aaoge tum,
vo chala gaya toh juda kis tarah karoge usse !
abhi dhoop hai jitna jii chahe dekh lo ussko,
chirag le ke kahan dhoondhte firoge usse !
vo raushni ki tarah, haath kaise aayega,
tamaam umra faqat dekhte rahoge usse !!

waise hi ...

tujhe hai mashq-e-sitam ka malaal, waise hi ...
hamari jaan hai, jaan par wabal, waise hi ...
chala tha zikr zamane mein bewaffai ka ...
so aa gaya tha tumhara khayal, waise hi ...
hum aa gaye hain teh-e-daam, usski qismat hai ...
wagrna ussne toh phenka tha jaal, waise hi ...
zamana humse bhala dushmani bhi kya karta ...
tu kar gaya hamen payemal, waise hi ...
mujhe bhi shonq na tha dastan sunane ka ...
faraz uss ne bhi pucha tha haal, waise hi ...

shabnam nahin mili

shabnam nahin mili na gire aasmaan ke phool
chadhti jawani sookh gaye gulsitaan ke phool
hum adhkhile rahe ke bahaaren nahin milin
ab kaise muskarayen ke hain hum khizaan ke phool
sookhe huye gulaab mile jab khuli kitaab
yun dil ke mere paas rahe mehrbaan ke phool
aansoo hamare hain ke sitare chamak gaye
dekho rukh-e jamaal par ye kahkashaan ke phool
raah-e adab pe chal diye le kar chiragh-e noor
sozaan hain rahguzar mein mere karwan ke phool
phoolen phalen mahakte rahen subho shaam roz
khushboo bikheren duniyan mein Hindostaan ke phool
hum phir kahenge tumse kisi roz aaye 'seraj'
hote nahin hain khatm meri dastan ke phool !

kitna dushwaar tha

kitna dushwaar tha,duniya !...ye hunar aana bhi;
tujhse hi fasla rakhna....tujhe apnana bhi..
kaisi aadaab-e-numaaish ne lagaayeen shartein;
phool hona hi nahin....phool nazar aana bhi.
dil ki bigdi huyi aadat se... ye... ummid na thi;
bhool jaayega.... ye ek din.... tera yaad aana bhi.
jaane kab ....shahr ke raston ka badal jaaye mizaaj;
itna aasan toh nahin....laut ke ghar aana bhi.
aise rishte ka bharm rakhna koi khel nahin;
tera hona bhi nahin...aur...tera kehlana bhi.
khud ko pahchan ke dekhe toh... zara.. ye dariya;
bhool jaayega .....samandar ki taraf ....jaana bhi.
jaan-ne waalon ..ki iss bheed se ...kya hoga 'waseem;
iss mein... ye dekhiye....koi....mujhe pahchana bhi........

ek tamanna hai

ek tamanna hai fakat mujh pe meharban raho
tum kisi aur ko dekho to bura lagta hai
Mery chahat ka takaza hai mere sath raho
ghair ka hath jo thamo tu bura lagta hai
Arzo hai tere her roop ko her pal dekhon
tum mere pas sey utho tu bura lagta hai
Roz-e-shab aaj b perwa hai tumhari mujh ko
tum kisi aur ko socho tu bura lagta hai
Ye mery rooh tarasti hai tumhari khushbo ko
tum kahin aur ja k mehko to bura lagta hai

jo bhi dukh yaad na tha yaad aaya

jo bhi dukh yaad na tha yaad aaya
aaj kya jaaniye kya yaad aaya
phir koi haath hai dil par jaise
phir tera ahd-e-waffa yaad aaya
jis tarah dhund mein lipte huye phool
ek ek naqsh tera yaad aaya
aisi majbuuri ke aalm mein koi
yaad aaya bhi toh kya yaad aaya
ae rafiq sar-e-manzil jaakar
kya koi aablaapa[paer ke chhale] yaad aaya
yaad aaya tha bichadna tera
phir nahin yaad ke kya yaad aaya
jab koi zakhm bana daag bana
jab koi bhool gaya yaad aaya
ye muhbbat bhi hai kya rog 'faraz'
jisko bhuule vo sada yaad aaya

ramzaan

bezubanon ko jab vo zuban deta hai
padhne ko phir vo quran deta hai
bakshne pe aata hai jab ummat ke gunahon ko
tohfe mein gunahgaron ko ramzaan deta hai

lahu behta hua dekha

lahu behta hua dekha toh peena choot jayega
mere jaisi ghazal mat keh pasiina choot jayega
tumhari bewaffai toh hamen manzoor hai lekin
tumhare saath rehne se madiina choot jayega
hamen ae maut thode din ki mohlat chahiye tujhse
nahin toh humse rozo ka mahina choot jayega

yeh pagali

har ek awaaz ab urdu ko fariyaadi batati hai
yeh pagali phir bhi ab tak khud ko shezadi batati hai
kai baatein muhbbat sab ko buniyaadi batati hai
jo pardaadi batati thi vahi daadi batati hai
jahan pichle kai barson se kaale naag rehte hain
vahan ek ghonsla chidyon ka tha daadi batati hai
abhi tak yeh ilaaka hai ravadaari ke qabze mein
abhi firqaparasti kam hai abaadi batati hai
yahan viraaniyon ki ek muddat se hukumat hai
yahan se nafratein guzri hai barbaadi batati hai
lahu kaise bahaya jaaye yeh leader batate hain
lahu ka zayeka kaisa hai yeh khaadi batati hai
gulaami ne abhi tak mulaq ka peecha nahin choda
hamen phir qaid hona hai yeh azaadi batati hai
garibi kyun hamaare shehr se bahar nahin jaati
amiir-e-shehr ke ghar ki har ek shadi batati hai
main unn ankhon ke maikhane mein thodi der baitha tha
mujhe duniya nashe ka aaj tak aadi batati hai

zindgi ka surag

dard bhari zindgi ka surag dhoondhta hun
andhera bohat hai ek chiraag dhoondhta hun
banaya tha tamasha zindgi ka iss tarah
ki unn meharbanon mein ilaaz doondhta hun
koi inn andheron mein mere dil ka chirag jala de
main apne badnaseebi ka raaz dhoondhta hun
hasrat ka aaiina uss pathar dil ne tod diya
sheeshon ke unn tukdon mein main apna aaj dhoondhta hun
maazi ke talakh lamhon ne mujhe jhulsa diya
dil ko behalaane ka hasin khwaab dhoondhta hun

zindgi

zamana hum diwano se uljhana chhod de
zindgi humse ulajh kar aaj tak mushkil mein hai

tu kya gaya

tu kya gaya ki sabki nighaein badal gayi
sunta hun apne baare mein raayein nayi nayi

vo shaks

ab toh iss raah se vo shaks guzarta bhi nahin
ab kis ummid pe darwaaze se jhaanke koi

zid

agar ye zid hai ki mujhse dua salaam na ho
toh aisi raah se guzaro jo raah-e-aam na ho

bas ik qadam pada tha galat

bas ik qadam pada tha galat, raah-e-shonq mein
manzil tamaam umar hamen dhoondhti rahi

rakhshe-umr

rau mein hain rakhshe-umr kahan dekhiye thame
ne haath baagh par hain na pa hain raqaab mein

qadar insan ki

qadar insan ki ghat ghat ke yahan tak pohnchi
ab toh qeemat mein riayat bhi nahi kar sakte

ishq ki aisi rivayat

dil toh rota rahe aur aankh se aansu na bahe
ishq ki aisi rivayat ne dil tod diya

rukh hawaon ke

rukh hawaon ke dekhta hun main
rakh ke apne makan ki buniyaad

rukuaa

rukuaa[letter] chori se usse bheja hai anjaan ke haath
kaisi ruswai ho, padh jaaye jo darbaan ke haath

hum milenge qayamat mein

main jo kehta hun ki hum milenge qayamat mein tumhen
kis ruaanat[pride] se vo kehte hain ki hum hoor nahin

ye ruquaa kya

ye ruquaa[namaz ke liye jhukna] kya, ye qayaas kya, ye sajood kya, ye salaam kya
faqat ik fareb-e-niyaaz hai, jo na mehviyat ho namaaz mein

ye ilm ka sauda

ye ilm ka sauda, ye risaale, ye kitaaben
ik shaks ki yaadon ko bhulane ke liye hain

hum bhi sunate

haal-e-dil hum bhi sunate lekin
jab vo rukhsat hua tab yaad aaya

maut aayi thi

mere hote rishta qayam kar liya kyun gaiir se
maut aayi thi mujhe, kya marr gaya tha, main na tha

ruswa kiya hai

main zindgi ka bojh liye doob toh gaya
ruswa kiya hai laash ne paani pe tair kar

na wasaail na zaraaye

na wasaail, na zaraaye, na marasim, na rasuukh
kis tarah kaam tera, ae dil-e-nakaam bane

ruu-e-sukhan

ruu-e-sukhan kisi ki taraf aur nazar kahin
main unnke dekhne ki ada dekhta raha

rudaad-e-gham

na kyun ho iss ada par ishq ki khuddariyan sadqe
unnhen rudaad-e-gham sun sun ke hairat hoti jaati hai

ruuhfarsa khabar

dil, ki guzre dinon ka tha maara hua,
aane wale dinon se bhi darne laga
roz dashti hai ek ruuhfarsa[painful] khabar
roz suraj mujhe qatl karne laga

yaad-e-jaana

yaad-e-jaana bhi azab ruuhfiza aati hai
saans leta hun toh zannat ki hawa aati hai

ruuh zahid ki

maikade mein ruuh zahid ki kahin aati na ho
kal toh ek saagar tha gayab aaj ek bottal gayi

kis munh se

kis munh se apne aap ko kehta hai ishqbaaz
ae ruusiyah[paapi] tujhse toh, ye bhi na ho saka

rushnaas

thakan se apni zara rushnaas[jaankaar] hone de
vo apne saaye se lipatega aur roa lega

ru-ba-ru

kisi din mujhko mere ru-ba-ru la
izafa kar meri hairaniyon mein

umiide-ruunumai

unnse umiide-ruunumai hai
kya nigahon ki maut aayi hai

kal tak

kal tak kitne hamgame thay ab kitni khamoshi hai
pehle duniya thi ghar men ab duniya se ruuposhi[munh chupana] hai

ashiqon ka qatal

gin gin ke roz karte hain vo ashiqon ka qatal
har roz unnke kuuche mein roz-e-shumaar hai

roz_afzuu

taraaqi par hai roz_afzuu khalish dard-e-muhbbat ki
jahan mehsuus hoti thi vahan maloom hoti hai

resha resha

sabhi hain paara paara, resha resha
pada hai kin girebaano ko seena

mere ahbaab se

mera maazi mere ahbaab se chhupata kaise
zakhm hi zakhm jo thay zism mein rozan[hole] ki tarah

rozgaar ke vaar

'zafar' ne kaise sahe honge rozgaar ke vaar
ye aadmi toh bada dhaan-paan lagta hai

khwab

jis tarah khwab mere ho gaye reza reza
iss tarah se na kabhi toot ke bikhre koi

surat teri dikha ke

surat teri dikha ke kahunga ye roz-e-hashr
aankhon ka kuch gunah, na dil ka qasoor tha

rozirasan hain shahr

phutpath par jo laash padi hai ussi ki hai
jis shaks ko yaqiin tha ki rozirasan[daily bread] hain shahr

ek uljhan sii

ajnabi logon mein ho tum aur itni door ho
ek uljhan sii raha karti hai rozana hamen

kya hamari namaaz

kya hamari namaaz, kya roza
baksh dene ke sau bahane hai

raub-o-daabe husn se

sii diye hain hont sab ke raub-o-daabe husn se
dekhna hai uss gali mein ja ke lab kholega kaun

barsaat ki awaaz

kisne khola hai hawa mein gesuon ko naaz se
narm rau barsaat ki awaaz aati hai mujhe

ghar ye mera hai

na saayeban, na angan, na chhat, na raushandaan
aur uss pe jo sabko ladai ki ghar ye mera hai

raushan_zamiir

ae dosto main kya koi raushan_zamiir tha
pehchanta jo sabka naqaabon ke shehr mein

dil ho raushan

chehra raushan hua toh kya hasil
dil ho raushan toh koi baat bhi hai

bijliyan

kya bijliyan pohnch gayi apne maqam par
kyun mujhko ashiyan ki jagah roshni mili

khizan rasida

zamiin se jinki jadein[roots] raabta badha na saki
bahaar mein vahi podhe khizan rasida rahe

charcha

maine jiyaa jo husn ko bakshi usska toh koi ikr nahi
lekin ghar ghar mein charcha hai aaj teri ranaai[beauty] ki

ik shaks

thi vo ik shaks ke tasvvur se
ab vo ranaai-e-khayal kahan

budhape mein

pii le agar budhape mein thodi si ae 'riyaz'
duniya pukar uthe koi rana jawan hai

raad-e-aah

jo raad[bijli ki kadak]-e-aah mere dil se gar nikal jaave
phate zamin ka jigar aasman dehal jaave

hamgam-e-nazaa

hamgam-e-nazaa dekh rha hun zamal-e-dost
parde uthe hain, waqt hai raaz-o-niyaaz[secret love-talk] ka
aabaad

raaz-e-hayaat

ye bhi achcha hua tujh par na khula raaz-e-hayaat
saans kehte hain jise nashtar-e-jaan ho jaata

raaz-e-sarbasta

aaj bhi uthta hai reh reh kar mere dil mein sawaal
raaz-e-sarbasta[secrect] hai hasti, ya khuli tehriir hai

raazi-ba-raza

main vo majboor ki raazi-ba-raza[kisi aur ki ichcha par rehna] ho jaaun
tu agar baab-e-asar hai toh dua ho jaaun

raast bazi

issi ko kehte hain bartaav raast bazi[honest] ka
dikhai kuch diya aur baad mein tu kya nikla

dhun ke pakke

dhun ke pakke azm ke rasikh,[atal] marna khel samjhte hain
tumne dekha diwane kis shan se su-e-daar gaye

jeena bhi dushwar

jeena bhi dushwar tha jisko
maut bhi ussko raas na aayi

rasha badan mein

rasha badan mein, surkh hain aankhein,jabiin pe bal
aaye kahan se aag-babuula bane huye

jehan-o-dil

na jehan-o-dil pe agar chodta main apne nakuush
toh mere ahd ka raavi mujhe kahan likhta

raaz-e-ramisho-rang

hum samjhte hain raaz-e-ramisho[geet]-rang
jahid-e-paakbaz kya jaane

aahu-e-ramkhurda

aise aahu-e-ramkhurda ki vehshat khoni mushkil thi
sehar kiya, ezaaz kiya, jin logo ne tujhko raam[submissive] kiya

tere kuuche mein

lut gaya vo tere kuuche mein rakha jisne qadam
iss tarah ki bhi kahin raahzani hoti hai ?

luutne ka imkaan

rahbhar ne rahzan se badhai hai dosti
manzil pe aa ke luutne ka imkaan abhi se hai

yun bhi

zindgi yun bhi guzar hi jaati
kyun tera raah-guzar yaad aaya

mazhabo-millat se

kadeem mazhabo-millat se gar nahi taskiin
toh phir nayi koi raah-e-nazaat paida kar

safar

bhole raahi ko toh mil jayega rasta lekin
vo musafir jo bhola baithe safar ko apne

bhes badal kar

har qadam soch samjhkar hi thaana hoga
raahzan bhes badal kar huye raahib, yaaro

ahd-e-hazir

rahro[musafir] badle nazar aate hain, rahbhar badle
ahd-e-hazir ne har ik baab ke daftar badle

be-raahravi

qaumon ko gumraah kiya hai
shayar ki be-raahravi[travel] ne

manzil

mere rahbhar mujhko gumraah kar de
suna hai ki manzil qareeb aa rayi hai

marne ke baad

marne ke baad aaye hain ye raahbhar jahan
mera qayas hai ki chale thay yahin se hum

nayi chaal

har qadam jisko nayi chaal na chalni aaye
vo toh rahzan bhi nahin rahnuma kya hoga

dard-o-aalam

ranj-o-kalaq hai, dard-o-aalam hai, hasrat hai nakaami hai
duuri mein uss rahat-e-jaan ki kya kya beaarami hai

muhbbat kabhi na ho

kya ye bhi zindgi hai ki raahat kabhi na ho
aisi bhi toh kisi se muhbbat kabhi na ho

talash-e-rizaq

talash-e-rizaq mein beta gaya samandar paar
magar vo qarz ki saugaat ghar mein chhod gaya

rizaale-chaman

auron ki samat dekh ke chalna hai gumrahi
apni taraf rizaale[log]-chaman dekh kar chalo

teri nigah

dil se teri nigah jigar tak utar gayi
dono ko ik ada mein razamand kar gayi

armaan bhare dil

armaan bhare dil khaaq huye aur maut ke taalib jeete hain
andher pe iss duniya ke hamen, aati hai hansi aur riqqat[rona] bhi

shokhi-e-rindana

zahid ye meri shokhi-e-rindana dekhna
rehmat ko baaton-baaton mein behla ke pii gaya

rindan-e-badanosh

rindan-e-badanosh ki chhaagal utha toh la
baadebahaar daud ke baadal utha toh la

imaan

mujhe dairo-haram se vasta kya, rindamsharb hun
vahi imaan hai jo kuch kahe piiremugaan mera

khuda ka naam

na paimaane khanakte hain na daur-e-jaam chalta hai
nayi duniya ke rindon mein khuda ka naam chalta hai

namuuse-paimaine-muhbbat

khaaq mein namuuse-paimaine-muhbbat mil gaye
uth gayi duniya se raahorasme yaari, haaye haaye

larza-bar-andaam

ye maikhana hai zahid-achche achche ladkhada jaayen
yahan toh har riyazat larza-bar-andaam aati hai

riyaaz-e-dahar

aah kya aaye riyaaz-e-dahar mein, hum kya gaye
zindgi ki shaakh pe phoole-phale, murjha gaye

riyakaari ke sajde

riyakaari[dikhava] ke sajde shekh le baithenge maszid ko
kisi din dekhna ho kar rahegi sarnagu vo bhi

duniya mein riyakaar

rote hain magar aankh se aansu nahi behte
hum sa koi duniya mein riyakaar nahin hai

gunah

ae 'adam' sab gunah kar lekin
doston se riya ki baat na kar

rafaqat

zindgi mere bichadne ka na kar itna malaal
umr bhar maine tujhe apni rafaqat di hai

rifaate-daar

tumhare baam se ab kam nahi hai rifaate[bulandi]-daar
jo dekhna ho toh dekho nazar utha ke mujhe

rida chini mere sar se

rida chini mere sar se magar main kya kehti
kata hua toh na tha haath mere bhai ka

ghar tera

kya hai rizvaan[sawrg ka chokidaar] se ladai hogi
ghar tera khuld mein gar yaad aaya

pari ki zulf

pari ki zulf mein uljha, ya rishe[beard]-waaiz mein
dile-gariib hua lukma imtihanon ka

sahn-e-gulshan

rihaai ki khabar kisne udaai sahn-e-gulshan mein
asiraane-qafas se toh saba kuch aur kehti hai

miyad-e-qaid

zindgi do din ki hai, lambi hai miyad-e-qaid
aaj aaya hai qafas mein, kal riha ho jayega

paigham-e-haq

jisne diya zamane ko paigham-e-haq 'zafar'
masluub ho gaya vo risaalat[message] ke bawjuud

rishta-e-jaan

gar na mil sake moti dard ke samandar mein
apne rishta-e-jaan mein sang hi piro lenge

gham-e-firaq

gham-e-firaq ke qisse, nashaate-wasl ka zikr
rivayatan hi sahi, koi baat toh karte

hamare saath

bula rahe ho hamen bhi magar khayal rahe
hamare saath hamari rivayatein hogi

baat hai ruswai ki

kaise keh doon ki mujhe chhod diya hai ussne
baat toh sach hai magar baat hai ruswai ki

ishq

ishq dil mein rahe toh ruswa ho
lab pe aaye toh raaz ho jaaye

faash ho jayenge

faash ho jayenge sab zuhado-ibaadat ke ruumuz[secret]
waaiz-e-shahr ka ab chaak girebaan hoga

saaz-e-shikasta

vo nagma-e-andoh ruuba[le kar bhagne wala] maang rahe hain
ek saaz-e-shikasta se sada maang rahe hain

zurm

kehne ko aadmi ka hai rutba bada aziim
uss admi ki qadr magar zurm ho gayi

main chup hun

fiza uddas hai, ruut muzmahil hai, main chup hun
jo ho sake toh chala aa, kisi ki khatir tu

adab-e-muhbbat

muhbbat tujhko adab-e-muhbbat khud sikha degi
zara ahishta ahishta udhar ruzhaan[jhukaav] paida kar

nazar

nazar uss husn par thehre toh akhir kis tarah thehre
kabhi vo phool ban jaaye kabhi rukhsaar ho jaaye

sadaqat

khudi sukraat ki ho ya ki ho rudaad gandhi ki
sadaqat zindgi ke morche par haar jaati hai

haqiiqate-ruud-e-hayat

jahan bhi mauj liye ja rahi hai behta chal
tujhe haqiiqate-ruud-e-[river]-hayat kya mallum

ae naseem-e-karam

dil ko chhuna na ae naseem-e-karam
ab ye dil raqushe-haboob hua

lab-e-baam

na chaho dikhana jo tum ruu[face]-e-zeba
diya hi jalakar lab-e-baam rakh do

nashsha-e-zar

vo bhi kuch kam nahi hai rustam se
nashsha-e-zar ki jo tarang mein hai

marr na saka

teshe bagaiir marr na saka kohkan 'asad'
sargashta-e-khumaare-rusumo[customs]-kayood tha

tera maqaam

saare jahan ke dil mein tera maqaam nikla
tu humse bhi jayda ruswa-e-aam nikla

madde_nazar

ho agar madde_nazar ruhaniyat ka itirqa
arsh par udhta hua irfaan ka parcham mile

khud parasti

khud parasti mit gayi qadre-muhbbat badh gayi
maatme-ahbaab hai taleem-e-ruhani mujhe

tumhare jalwe se

tumhare jalwe se pyar karna gulo-saman ne mujhe shikhaya
tumhari ruuyat[dekhna] se pehle koi zamale-khatirnashin nahi tha

lamha lamha

waqiyaat ishq ka tha lamha lamha ek sadi
har nafas mein maine ik rumaan paida kar diya

paigham

rupesh hua sunte hi paigham hamara
dhoondho koi qasid ko ki ab tak toh yahi tha

ik gauhar

hua hai ruunuma khud hi sare-mizgan 'zameer' akhir
vo ik gauhar jo aankhon ke khazine mein bachaya tha

takdduus

kya khandaan ka apne tujhse kahen takdduus
ruuhul amin ik adna darban hai hamara

dasht-e-gurbat

dasht-e-gurbat mein rulaate hai hamen yaad aa kar
ae vatan, tere gulon-sumbuulo-raihaan kya kya

guftgu

guftgu rekhta[scattered] mein humse na kar
ye hamari zaban hai pyaare

lafzon ke regzaar

lafzon ke regzaar mein mafhoom kho gaye
sab baat tolte hain koi chaanta nahin

roz-e-raushan

siyah nagiine ban ke dashti hai kirane
yahan kya koi roz-e-raushan guzaare

roz-e-mehshar

kyun mujhse roz-e-mehshar[qaymat ka din] ban gaya
dil ke khaaksatar mein ik shola tha jo bhadka hua

roz-e_zaza

bana roz-e_zaza jiski saza ko
meri qadre-gunahgaari toh dekho

roz-e-awwal

roz-e-awwal se khuun barasta hai
aur abhi tak zamiin pyasi hai

mera afsana

silsile roze azal se hai barabar zaari
nahin maloom kahan tak mera afsana hai

tishnagi

kabhi rege-rawaan se pyas bujh jaati hain rahroo ki
kabhi dariya ke haathon tishnagi taqseem hoti hai

meri uddan

meri uddan waqt se aage thi roz-e-shab
bimaar daur de na saka mera saath bhi

roz-e-siyah

kisi ka kab koi roz-e-siyah saath deta hai
ki tariqi mein saaya bhi juda hota hai insan se

usska vaada

usska vaada hai shab ko aane ka
din ye roz-e-hisab jaisa hai

roz-e-shumaar

vo aur honge, qayamat se jo darre 'mansha'
har ik din yahan roze shumaar jaisa hai

ruuhul kuudus

paata hun uss se daad kuch apne qalaam ki
ruuhul kuudus[zabreel] agarche mera humzuban nahin

ronaq-e-bazm

dil-e-muztar se puuch ae ronaq-e-bazm
main khud aaya nahin, laaya gaya hun

chirag-e-ronaq-e-bazm

admi ke bas mein kya hai jo kisi qabil bane
vo jise chahe, chirag-e-ronaq-e-bazm

bimaar ka haal

unnke dekhe se jo aa jaati hai munh par ronaq
vo samjhte hain ki bimaar ka haal achcha hai

raushni

sochte kya ho mere ghar mein diya koi nahin
raushni ye aa rahi hai rozane-diwaar se

rozan-e-zindan

vehshat ka sabab rozan-e-zindan toh nahi hai
mahar-o-mah-o-anzuum ko bujh kyun nahin dete

kasrat-e-khaar-e-rahe-shonq

kasrat-e-khaar-e-rahe-shonq illahi, tauba
kahin pohnche toh nahi roz-r-rizwan[paradise's garden] ke qareeb

ruuh jhulse

ruuh jhulse toh hawayein mehke
jism pighle toh raugan ban jaaye

guuncha-o-shiisha-o-saagar

guuncha-o-shiisha-o-saagar hi pe maukoof nahin
dil ke naam aur bhi hai dil ke lakab[upadi] aur bhi hai

buuton ke naaz

lakdkobe[to kick]-hawadis ka tehmmul kar nahi sakti
meri taqat, ki zaamin thi buuton ke naaz uthane ki

makduur ho ke

makduur ho ke khaaq se puuchon ki ae laeem[miser]
tune vo ganj-haaye-giran_maya kya kiye

ek jashn

phir linon ne barpa kiya
phir yazeedon ke kuuche chamkne lage

ehsaan

ehsaan nakhuda ka uthaye meri bala
kashti khuda pe chhod doon, langar ko tod doon

bahane

hai 'bayaan' maane-e-taraqi kaun
uzan sab lang hai bahane ke

roshni

ye roshni jo andheron se ho ke aayi hai
na jaane kitna nichoda hai jugnuon ka lahu

hans ke farmaate hain vo dekh kar haalat meri

hans ke farmaate hain vo dekh kar haalat meri
kyon tum aasaan samajhte thay muhbbat meri
baad marne ke bhi chhodi na rafaqat meri
meri turbat se lagi baithi hai hasrat meri
maine aagosh-e-tasavvur mein bhi khencha toh kaha
pis gayi pis gayi bedard nazakat meri
aaiina subah-e-shab-e-wasl jo dekha toh kaha
dekh zaalim ye thi sham ko surat meri
yaar pahalu mein hai tanhaai hai keh do nikle
aaj kyon dil mein chhupi baithi hai hasrat meri
husn aur ishq ham_aagosh nazar aa jaate
teri tasviir mein khinch jaati jo hairat meri
kis dhitaai se vo dil chhiin ke kehte hain 'ameer'
vo mera ghar hai rahe jis mein muhabbat meri

karte hain vo iss tarha mere dil se ched chad

karte hain vo iss tarha mere dil se ched chad
katil kare hai jis tarha bismil se ched chad
leharon pe jinko jaan ke lale pade rahe
sahil par aa gaye hain toh sahil se ched chad
vo gul, khizan naseeb, jahannum raseed ho
gulshan mein jisne ki hai tere till se ched chad
laila ki deed ke liye baad-e-samoom bhi
karti hai badh ke parda mehmal se ched chad
lagta nahi hun moun, main raqeebon ke in dino
yeh umar ho toh, hoti hai mushkil se ched chad
khud hi mujhe vo bhej ke zindan mein, keh uthe
kis silsile mein hai yeh salasal se ched chad
fitrat mein ched chad hai sakoot ke iss qadar
magtal mein hai toh qatil-e-khanjr se ched chad

main usse kaise akela chod dun

main usse kaise akela chod dun iss raah mein
saath jo chalta raha majburiyon ke baad bhi
ban ke khushbo rach gaya hai yun mere ehsaas mein
duur ho paaya nahi woh duuriyon ke baad bhi
rafta rafta ussko bhi ye duniya_dari aa gayi
muskura ke woh mila hai ranjishon ke baad bhi
fasle kab kaam huye rabton ke baad bhi
ajnabi thay !
ajnabi hain !
dosti ke baad bhi.........

mujhe bhi uss kahani ka koi kirdaar rehne do

mujhe bhi uss kahani ka koi kirdaar rehne do
mehaz unn chaar panno mein mera sansaar rehne do
tarasho gairon ko itna ke kohenoor ban jaayen
hun patthar maamuli sa main mujhe bekaar rehne do
mujhe tum toot ke chaaho tumhe main toot ke chaahun
magar zismon ka jaaneman ye kaar-o-baar rehne do
hazaaron chahne wale tumhe nazron mein bhar lenge
meri gagar ye khaali hi zara sarkaar rehne do
main azm-e-aas ban kar teri khaatir toot'ta jaaun
gira kar phir nigahon se wohi sau baar rehne do
badhaao haath ke hum doob kar bhi paar lag jaayen
bhale jhoothe hi lekin wasl ke aasaar rehne do
bina jagd-o-jhed ke tum bhi toh na chahoge mujhko
so dariya beech koi ek toh mazdhaar rehne do

usse kehna...

usse kehna...
bazahir toh hawaein badli badli hain...
chaman bhi badla badla hai..

magar dil mein...
tumhari yaad ka mausam nahi badla...

teri chahat ke phoolon ki..
abhi khushbu nahi bikhri...

mere andar tumhari zaat ka..
ehsaas baaqi hai..

tumhare dam se..meri zindgi ki...
saans baaqi hai...

usse kehna...

ke mausam toh badalte rehte hain yunhi...
kabhi mausam badlne se...
yeh aankh num nahi hoti..
mohbbt kam nahi hoti..

usse keh dena...
usse keh dena...

yeh kaisi fitrat ki zabardasti hai

yeh kaisi fitrat ki zabardasti hai
zindagi ghatti hai toh umr badti hai
rubaru tasvir hi aaine mein dhalti hai
kis liye har gadi tu aaina badalti hai
hairaan hai ishraaq[dawn]khud apni visat par
dekh, kaise andheron se roshni ladti hai
lafz baratenge hum thoda peene ke baad
shayri khumaar me purjor nikalti hai
ab meri jaan chod de zidd tu bhi
teri zidd par ab jaan nikalti hai

ek bekasi hai hizr ke maaron ke saath saath

ek bekasi hai hizr ke maaron ke saath saath
tuuta hai mera dil bhi sahaaron ke saath saath
jii bhar ke dekhne bhi na paaye thay chhup gaye
armaan bhi hain udas nazaaron ke saath saath
dil mein vafuur-e-shauq ka tuufan liye huye
khamosh jagta hun sitaron ke saath saath
itni toh mahviyat ho tasavvur mein tere dost
khud ko bhi bhuul jaaun nazaron ke saath saath
'yahya' ye aag ishq ki phir bhi na bujh saki
hai dil mein ashq-e-gham bhi shararon ke saath saath

kharidaar dekh kar

kisi ki kya mazaal thi jo humko kharid sakta 'faraz'
hum toh khud hi bhik gaye kharidaar dekh kar

masjidon ke sahan tak jaana bahut dushvaar tha

masjidon ke sahan tak jaana bahut dushvaar tha
der se nikla toh mere raste mein daar tha
apne hi phailaao ke nashe mein khoya tha darakht
aur har mausam tahani par phalon ka baar tha
dekhte hi dekhte shaharon ki raunaq ban gaya
kal yahi chehra tha jo har aaiine pe baar tha
sab ke dukh sukh usske chehre pe likhe paaye gaye
aadmi kya tha hamare shahr ka akhbaar tha
ab mohalle bhar ke darwaazon pe dastak hai nasiib
ek zamana tha ke jab main bhii bahut khuddar tha
kaghazon ki sab siyahi baarishon mein dhul gayi
hamne jo socha tere baare mein sab bekaar tha

kathin hai zindgi kitni

kathin hai zindgi kitni
safar dushvaar kitna hai
kabhi paaon nahi chalte
kabhi manzil nahi milti
faqt isse guzaru toh
ye roz-e-shab nahi kat'te
ye kat'te thay kabhi pehle
magar haan ab nahi kat'te
main har dukh jhel sakta hun
main jaan par khel sakta hun
agar tu aaj hi kar de
muhbbat hamsafar meri
muhbbat hamsafar meri

khayal-o-khwab ki duniya se hum guzar bhi gaye

khayal-o-khwab ki duniya se hum guzar bhi gaye
jahan theharna tha humko, wahan thehr bhi gaye
hamare saath rahe zindgi ke hangame
jahan jahan se bhi guzre, jidhar jidhar bhi gaye
tere khayal ka dariya utar na paaya magar
tere khayal ke dariya mein hum utar bhi gaye
zamana laakh hamari mukhaalfat mein raha
jo kaam karna tha humko, woh kaam kar bhi gaye
mohbbaton mein lazim hai eitadaal ka rang
khaloos hadh se badha jab toh log darr bhi gaye
tumhara naam issi vaaste toh zinda hai
tumhare naam pe marna tha jinko marr bhi gaye
hum aise log 'munavar' kahan se ayenge
jo pastiyun mein rahe aur farz par bhi gaye

main har mukaam se guzra teri khushi ke liye

main har mukaam se guzra teri khushi ke liye
raha hun waqf hamesha faqat ussi ke liye
jo nagma khalaq hua saaz-e-zindgi ke liye
hain ussi ki saari dhunein apni aagahi ke liye
raah-e-waffa se guzarna koi mazak nahi
bohat khattan hai yeh manzil kisi aadmi ke liye
naqoosh chodta jaaon main aadmiyat ke liye
mera wajood zamane mein ussi ke liye
nigah jisko hai woh hum se dars-e-ibrat le
na jaane aaj ke mahool ko hua kya hai
taras raha hai har insan zindgi ke liye
yeh usski banda nawazi jo main pasand aaya
wagarna saari khudayi thi bandgi ke liye

tamam umar tarapte rahen kisi ke liye

tamam umar tarapte rahen kisi ke liye
aur apni maut bhi aaye toh bas ussi ke liye
jawaz-e-tark-e-talluq toh kuch na tha, phir bhi
bichad gaya hun main tujhse teri khushi ke liye
khula yeh bhed bhi, lekin tujhe ganwa ke khula
munafqat bhi zaroori thi dosti ke liye
woh be-khabar hi sahi mere haal se yaksir
mein muztarib hun magar aaj bhi ussi ke liye
agar tulo-e-sehar ka yaqeen ho mujhko
main dil ke saath hi jal jaaon roshni ke liye
zara unhen bhi kabhi dekh mere nabaz shannas
azaab sehte hain, jo jeete hain kisi ke liye

main der tak yunhi chalta raha

ajnabi shehr ke ajnabi raaste meri tanhai par muskurate rahe
main der tak yunhi chalta raha tum bohat der tak yaad aate rahe
zehar milta raha zehar peete rahe roz marte rahe roz jeete rahe
zindgi bhi hamen aazmati rahi aur hum bhi usse aazmate rahe
kal kuch aisa hua main bohat thak gaya iss liye sun kar bhi un-suni kar gaya
kitne yaadon ke bhatke huye karwaan dil ke zakhmon ke dar khatkhatate rahe
zakhm jab bhi koi zehan-o-dil pe laga zindgi ki taraf ek dareecha khula
hum bhi goya saaz ke taar hain chot khate rahe gungunate rahe

uss simat ko chele ho toh itna usse kehna

uss simat ko chele ho toh itna usse kehna
ab koi bhi nahi harf-a-tamnna usse kehna
tumne hi kaha tha toh yeqeen mujhko hua tha
chahat nahi hoti kabhi ruswa usse kehna
duniya to kisi haal mein jeene nahi deti
umeed pe kayam hai duniya usse kehna
zarkhkeiz zameenein kabhi banjer nahi hoti
dariya hi badal jaate hain rasta usse kehna
kuch log safar ke liye mozon nahi hote
kuch raste kat'te nahi tanha usse kehna

safar se laut aana chahta hun

safar se laut aana chahta hun
staaya hai gham-e-hasti ne itna
ke rone ka bahana chahta hun
jo tujhse mere dil ki baat keh de
ghazal aisi main kehna chahta hun
yunhi hathon mein mere hath rakhna
mein kuch din aur jeena chahta houn

ab toh gham ke sanjog achche lagte hain

ab toh gham ke sanjog achche lagte hain
ab toh mustakil rog achche lagte hain
koi wada na karo waffa ka mujhse
ab toh mujhe bewaffa log achche lagte hain

roz taaron ki numaish mein khalal padhta hai

roz taaron ki numaish mein khalal padhta hai
chand pagel hai andhare mein nikal pedta hai
unnki yaad aayi hai saanson zara ahista chalo
dhadkanon se bhi ibadet mein khalal padta hai.....

shayad aa jayega saaqi ko taras ab ke baras

shayad aa jayega saaqi ko taras ab ke baras
mil na paaya hai unn aankhon ka ras ab ke baras
aisi chaai thi kahan gham ki ghatayen pehle
haan mere diida-e-tar khoob baras ab ke baras
uff vo unn madh-bhari aankhon ke chhalakte huye jaam
badh gayi aur bhi piine ki hawas ab ke baras
pehle ye kab tha ki vo mere hain main unnka hun
unnki yaadon ne sataya hai toh bas ab ke baras

sham ho jaam ho subu bhi ho

sham ho jaam ho subu bhi ho
tujhko paane ki justju bhi ho
dil se dil ki kahaniyan bhi sune
aankhon aankhon mein guftgu bhi ho
jheel si gehri sabz aankhon mein
duub jaane ki aarzu bhi ho
sirf tere badan ki shama jale
aur andhera-sa chaar_su bhi ho

wohi gardishen wohi pech-o-khaam tere baad bhi

wohi gardishen wohi pech-o-khaam tere baad bhi
wohi hausle mere dam-ba-dam tere baad bhi
tere saath bhi meri har jaffa mujhe mautbir
tere saare gham mujhe mohtram tere baad bhi
tere gham si hai meri har khushi mein waqar sa
mere haal pe hain tere karam tere baad bhi
baare muztarib mere raste tere baad bhi
baare pur_sukoon hain mere qadam tere baad bhi
tere saath bhi meri har khushi tero muntzir
teri muntzir meri chashm-e-gham tere baad bhi
tere saath thi meri dastras mein jo roshani
faqat ek pal kabhi subah-e-dam tere baad bhi
tujhe jaan-e-gham jo kaha kabhi toh galat kaha
meri zindgi ke jawaan hain gham tere baad bhi
tujhe paas-e-ehad-e-waffa raha mere saath kab ?
mujhe jaan se badh kar tera bharm tere baad bhi
mere baad kitna hi roop tu ne badal liya
main wohi hun ab bhi teri qasam tere baad bhi
tu kisi ke qalb-e-aarzu mein toh dhal gaya
main na ho saka kabhi khud mein zum tere baad bhi
teri aahaton ka gudaaz tha mera humsafar
yahi ek gumaan mera hum qadam tere baad bhi
tu chala gaya sabhi qehqahon ko samet kar
mere paas hai mera zarf-e-gham tere baad bhi

dil kisi yaare bawaffa ki tarha

dil kisi yaare bawaffa ki tarha
bakhabar hai bohat khuda ki tarha
zindgi bhar tumhara naam mere
dil se nikla kisi dua ki tarha
maine har mod pe tujhe dhondha
judai ke shehr ki hawa ki tarha
umr bhar tera dukh uthaya hai
waqt ki di hui saza ki tarha
kuch nahi sujhta muhabbat mein
khauff aur gham ki inteha ki tarha

meri rooh ka pehla safar bhi tum

meri rooh ka pehla safar bhi tum
mera nasha aur meri sharaab bhi tum
mera khauf aur mere azaab bhi tum
mera weham-o-ghumaan yakeen bhi tum
mera har lafaz tum meri kitaab tum
mera dil me dhadakti dhadkan bhi tum
meri aankhu ki chamak bhi tum
mera yaar bhi tum mera pyaar bhi tum
mera ehsaas bhi tum meri waffa bhi tum
meri manzil bhi tum meri khushi bhi tum
meri rooh ka aakhri safar bhi tum

apni aaghosh mein ek roz chupa lo mujhko

apni aaghosh mein ek roz chupa lo mujhko
ghame duniya se meri jaan bacha lo mujhko
unnko de di hai isharon mein ijazat maine
maangne se na milon toh chura lo mujhko
apne saye se bhi ab to mujhe dar lagta hai
ho jo mumkin toh nigahon mein chupa lo mujhko
dil mein nakaam tamanna ka tufan sa hai
meri uljhan meri ghamon se nikaalo mujhko
innko likhna hai kisi roz apne dil me jaan
ham toh khud ke bhi nahi apna bana lo mujhko

bohat chup chup se rehte ho

bohat chup chup se rehte ho
na bante ho na sawarte ho
na koi baat karte ho
bhari mehfil me bhi aksar
hamesha khoye rehte ho
udaasi aankhon mein le kar
har ek chehre ko takte ho
jab koi yaad aata hai toh
thandi aah bharte ho
toh khul kar kyun nahi kehte
kisi se pyar karte ho
kahin dil chod aaye ho

mujhe tum yaad aate ho

mujhe tum yaad aate ho
kahin baarish baras jaaye
kahin dariya taras jaaye
kahin aa kar aasman thehre
tumhare aur mere darmiyan
aa kar khuda thehre
toh
uss lamhe meri zindgi mein
tum khuda ke baad aate ho
mujhe tum yaad aate ho
mujhe tum bohat yaad aate ho

kabhi bheed mein tanhai mein

kabhi bheed mein tanhai mein
kabhi apni hi parchai mein
kabhi yaad mein kabhi baat mein
kabhi apne hi khayaalat mein
kabhi halki si barsaat mein
kabhi roshaniyon ke shehr mein
kabhi andheri raahon mein
kabhi khud ko bhula kar
kabhi khud ko sata kar
zindgi ke har mod par
taqdiir ke har zor par
zindgi ke har lamhe mein
har qadam ke faasle par
maine tumhe yaad kiya
maine tumhen mehsoos kiya
maine sirf tumhen pyar kiya

ye zindgi tere saath ho

ye zindgi tere saath ho
ye aarzu din raat ho
main tere saath saath chalun
tu har safar mein mere saath ho
main kaanton par bhi chal padon
tere pyar ki jab barsaat ho
kabhi shaam dhale jab hum milen
na din dhale na raat ho
ye zindgi tere saath ho
ye aarzu din raat ho

shair ke parde mein maine gham sunaya hai bahut

shair ke parde mein maine gham sunaya hai bahut
marsiye ne dil ko mere bhi rulaayaa hai bahut
vaadi-o-kohasar mein rota hun dhaade maar-maar
dilbaraan-e-shahr ne mujhko sataya hai bahut
vaa nahin hota kisi se dil girifta ishq ka
zahira gham-giin usse rehna khush aaya hai bahut

dil ki aawaz

kaash dil ki aawaz mein aisa asar ho jaaye
jise hum yaad karte hai usse khabar ho jaaye

duniya ne zar ki khatir kya kuch nahi kiya

duniya ne zar ki khatir kya kuch nahi kiya
aur humne shairy ke siva kuch nahi kiya
gurbat mein bhi apne paas hai bhook-nang bhi
kaise kahen ussne ata kuch nahi kiya
chup-chap ghar ke sehan mein faqe bicha diye
rozi rasaan se humne gila kuch nahi kiya
pechle baras bhi boi thi lafazon ki khetian
ab ke baras bhi iss ke siva kuch nahi kiya
gurbat ki tez aag par aksar pakai bhook
khushhaliyon ke shehr mein kuch nahi kiya
basti mein khaak udai na sehra mein hum gaye
kuch din se humne khalq khuda kuch nahi kiya
maangi nahi kisi se bhi hamdardiyon ki bheek
'sajid' kabhi khilaaf-e-ana kuch nahi kiya

kaun kehta hai ke maut aayi toh mar jaunga

kaun kehta hai ke maut aayi toh mar jaunga
main toh dariya hun, samandar mein utar jaunga
tera dar chod ke main aur kidhar jaunga
ghar mein ghar jaunga, shehra mein bikhar jaunga
tere pehlo se jo uthunga, toh yeh mushkil hai
sirf ek shaks ko paunga, jidhar jaunga
ab tere shehr mein aaunga musafir ki tarah
saaya-e-abar ki manind guzar jaung
tera paimaan-e-waffa raah ki diwar bana
varna socha tha ke jab chahonga, marr jaunga
zindgi shamma ki manind jalaata hun 'nadeem'
bujh toh jaunga magar subah toh kar jaunga

main dil pe jabar karunga

main dil pe jabar karunga, tujhe bhula dunga
marrunga khud bhi tujhe bhi kadi saza dunga
yeh tergi mere ghar ka hi kyun muqaddar ho ?
main tere shehr ke saare diye bhuja dunga
waffa karunga kisi sogwaar chehre se !
purani qabar pe katbah naya saja dunga
issi khayal mein guzri hai shaam-e-dard aksar
ke dard hadh se badhega toh muskura dunga
badha rahi hain mere dukh, nishaniyan teri
main tere khat, teri tasveer tak jala dunga
bohat dino se mera dil udaas hai 'mohsin'
iss aaiine ko koi aks ab naya dunga

purasish-e-gham ka sukriya

purasish-e-gham ka sukriya, kya tujhe aagahi nahin
tere bagair zindgi dard hai, zindgi nahin
daur tha ek guzar gaya, nasha tha ek utar gaya
ab vo muqaam hai jahan sikva-e-berukhi nahin
tere siva karun pasand kya teri qayanaat mein
donon jahan ki neamatein, qiimat-e-bandagi nahin
laakh zamana zulm dhaaye, waqt na vo khuda dikhaye
jab mujhe ho yaqiin ki tu haasil-e-zindgi nahin
dil ki shaguftagi ke saath rahat-e-maikada gayi
fursat-e-maikashi toh hai, hasrat-e-maikashi gayi
zakhm pe zakhm kha ke jii, apne lahu ke ghuunt pii
aah na kar, labon ko sii, ishq hai dillagi nahin
dekh le khushk-o-zard phool, dil hai kuch iss tarah malool
jaise teri khizan ke baad, daur-e-bahaar hi nahin

main lehron mein bikharna chahta hun

main lehron mein bikharna chahta hun
samandar mein utarna chahta hun
bahaar-e-zindagi ka phool hun main
tere dil mein mehakna chahta hun
main dil hun surat-e-shama-e-mohabbat
main saari umar jalna chahta hun
anayat itni ki phoolon ne mujh par
mein kanton mein hi rehna chahta hun
tujhe pa kar hua mehsoos 'raahi'
main ab khud se bichadna chahta hon

jab nazar aap ki ho gayi hai

jab nazar aap ki ho gayi hai
zindagii zindagi ho gayi hai
baraha bar-khilaf-e-har-ummid
dosti dushmani ho gayi hai
hai vo takamiil purakariyon ki
jo meri sadgi ho gayi hai
teri har pursish-o-meharbani
ab meri bekasi ho gayi hai
bhuul baitha hai tu keh ke jo baat
vo meri zindgi ho gayi hai
bazm mein aankh uthane ki taqsiir
ae 'firaq' aaj bhi ho gayi hai

najaane ashq se aankhon mein kyun hai aaye huye

najaane ashq se aankhon mein kyun hai aaye huye
guzar gaya zamana tujhe bhulaaye huye
jo manzilen hain toh bas rah-ravaan-e-ishq ki hain
vo saans ukhadi hui paanv dagmagaye huye
na rah_zanon se ruke raste mohbbat ke
vo qafile nazar aaye lute lutaaye huye
ab isske baad mujhe kuch Khabar nahin unnki
gham aashana huye apne huye paraaye huye
ye iztiraab sa kya hai ki muddaten guzari
tujhe bhulaye huye teri yaad aaye huye

ab toh uth sakta nahin aankhon se baar-e-intzaar

ab toh uth sakta nahin aankhon se baar-e-intzaar
kis tarah kaate koi lail-o-nahaar-e-intzaar
unnki ulfat ka yaqiin ho unnke aane ki ummid
hon ye donon suuraten tab hai bahaar-e-intzaar
meri aahein na-rasaa meri duaaein na-qabuul
ya ilaahi kya karoon main sharmsar-e-intzaar
unnke khat ki aarzu hai unnke aamad ka khayal
kis qadar phela hua hai kaarobaar-e-intzaar

shaam ho yaa ki sahar yaad unhin kii rakh le

shaam ho yaa ki sahar yaad unhin kii rakh le
din ho ya raat hamen zikr unhin ka karana
kuch samjh mein nahin aata ki ye kya hai 'hasrat'
unnse milkar bhi na izhaar-e-tamnnaa karna

dekhna bhi toh unhen door se dekha karna

dekhna bhi toh unhen door se dekha karna
sheva-e-ishq nahin husn ko ruswa karna
ik nazar hi teri kaafi thi ki ae raahat-e-jaan
kuch bhi dushwar na tha mujhko shakeba karna
unnko yaan vaade pe aa lene de ae abr-e-bahaar
jis tarah chahna phir baad mein barsa karna
shaam ho ya ki sahar yaad unnhin ki rakh le
din ho ya raat hamein zikr unnhin ka karna
kuch samajh mein nahin aata ki ye kya hai 'hasrat'
unnse mil kar bhi na izhaar-e-tamnna karna

roshan jamaal-e-yaar se hai anjuman tamaam

roshan jamaal-e-yaar se hai anjuman tamaam
dehka hua hai aatish-e-gul se chaman tamaam
hairat guroor-e-husn se shokhi se iztaraab
dil ne bhi tere seekh liye hain chalan tamaam
allah re husn-e-yaar ki khuubi ke khud-ba-khud
ranginyon mein doob gaya pairhan tamaam
dekho toh husn-e-yaar ki jaadu nigahiyan
behosh ik nazar mein hui anjuman tamaam

tere bagaiir ye ab zindgi kahan guzre

tere bagaiir ye ab zindgi kahan guzre
qadam qadam pe tere saath ka gumaan guzre
ye din jo dheere se phisla toh shaam ka manzar
tere bagaiir udaasi ke darmiyan guzre
vo ashq hun ki sar-e-raah gir gaya tha kabhi
utha saka na koi kitne karwaan guzre
main khusk ho ke bikharta raha hun pairon mein
bohat zamana hua mujh pe kashtiyan guzre
tere badan ka aalaa_o ho meri saanson mein
kabhi vo lamha bhi ik baar jaan-e-jaan guzre
ye baat ab bhi nahin hai kisi se kahne ki
tamaam sajde tere dar se raayegan guzre

teri guftgu mein hai jo chaashni

teri guftgu mein hai jo chaashni jo tere labon mein halaavatein
na suroor vo fasl-e-bahar mein na gulon mein lataafatein
kahan reh gayin teri nighahtein vo saba kidhar ko nikal gayi
teri aahaton ko taras gayin mere zism-o-jaan ki samaatein
tere ang-ang amin loch hai mere dil ke soz-e-gadaaz ka
mere khoon-e-dil se raqam hui tere rang-o-buu ki hikayatein
meri chashm-e-gham dil-e-muzatarib gham-e-aarzu gham-e-justju
liye phir raha hun nagar nagar kisi meharbaan ki amanatein

ye shab-e-firaq ye bebasi

ye shab-e-firaq ye bebasi, hain qadam qadam pe udaasiyab
mera saath koi na de saka meri hasaratein hain dhuwan dhuwan
main tadap tadap ke jiya toh kya mere khwab mujhse bichhad gaye
main udaas ghar ki sada sahi mujhe de na koi tasaliyan
chali aisi dard ki aandhiyan mere dil ki basti ujad gayi
ye jo raakh-sii hai bujhi bujhi hain issi mein meri nishaniyan
ye fiza jo gard-o-gubaar hai meri bekasi ka mazaar hai
main vo phool hun jo na khil saka meri zindgi mein waffa kahan

ye kaun aa gayi dilruba mehki mehki

ye kaun aa gayi dilruba mehki mehki
fiza mehki mehki hawa mehki mehki
vo aankhon mein kaajal vo baalon mein gajra
hatheli pe usske hina mehki mehki
khuda jaane kis kis ki ye jaan legi
vo qaatil ada vo saba mehki mehki
savere savere ,ere ghar pe aayi
ae 'hasrat' vo baad-e-saba mehki mehki

shole hi sahi aag lagane ke liye aa

shole hi sahi aag lagane ke liye aa
phir tuur ke manzar ko dikhane ke liye aa
ye kis ne kaha hai meri taqadiir bana de
aa apne hi haathon se mitaane ke liye aa
ae dost mujhe gardish-e-haalat ne ghera
tu zulf ki kamali mein chhupane ke liye aa
diwar hai duniya isse raahon se hata de
har rasm muhbbat ki mitane ke liye aa
matlab teri aamad se hai daraman se nahin
'hasrat' ki qasam dil hi dukhane ke liye aa

hum unnse agar mil baithate hain

hum unnse agar mil baithate hain kya dosh hamara hota hai
kuch apni jasaarat hoti hai kuch unnka ishara hota hai
katne lagin raatein aankhon mein dekha nahin palkon pe aksar
kabhi shaam-e-gariban ka jugnu kabhi subah ka taara hota hai
hum dil ko liye har des phire iss jins ka gaahak mil na saka
ae banjaaro hum log chale hum ko toh khasara hota hai
hum apni zabaan se kuch bhi kahen shaayar hai khayalon se khelen
aa jaao toh baaham mil baithe kabhi hizr bhi payara hota hai
daftar se uthe kaife mein gaye kuch sher kahe kuch kaafi pii
puucha jo mu'ash ka 'insha ji' yun apna guzara hota hai

apne hamraah jo aate ho idhar se pehle

apne hamraah jo aate ho idhar se pehle
dasht padta hai miyaan ishq mein ghar se pehle
chal diye uth ke suu-e-shehr-e-waffa kuu-e-habiib
puuch lena tha kisi khaak basar se pehle
ishq pehle bhi kiya hizr ka gham bhi dekha
itne tadape hain na ghabraye na tarase pehele
jii pehalta hi nahin ab koi sa'at koi pal
raat dhalti hi nahin chaar pahar se pehle
hum kisi dar pe na thithake na kahin dastak dii
sainkdon dar thay meri jaan tere dar se pehle
chaand se aankh mili ji ka ujala jaga
humko sau baar hui subah sahar se pehle

aur toh koi bas na chalega

aur toh koi bas na chalega hizr ke baad dard ke maaron ka
subah ka hona dubhar kar den rasta rok sitaron ka
jhoothe sikon mein bhi utha dete hain aksar sachcha maal
shaklen dekh ke sauda karna kaam hain banjaaron ka
apni zuban se kuch na kahenge chup hi rahenge aashiq log
tumse toh itna ho sakta hai puchho haal bechaaron ka
ek zara sii baat thi jiska charcha pohncha gali gali
hum ghumnamon ne phir bhi ehsaan na maana yaaron ka
dard ka kehna chiikh uttho dil ka taqaza vaza'a nibhaao
sab kuch sehna chup-chap rehna kaam hai izzat-daaron ka

raat ke khwab sunaaye kisko

raat ke khwab sunaaye kisko raat ke khwab suhane thay
dhundhale dhundhale chehre thay par sab jaane pehchane thay
ziddi vehshi alhad chanchal miithe log rasiile log
hont unnke gazalon ke misare aankhon mein afsaane thay
ye ladki toh inn galiyon mein roz hi ghuuma karti thi
iss se unnko milana tha toh isske laakh bahaane thay
humko saari raat jagaaya jalte bujhte taaron ne
vehshat ki unwaan hamari inn mein se jo naar bani
dekhenge toh log kahenge 'insha' ji diwane thay

hain ghar ki muhaafiz meri dehki hui aankhein

hain ghar ki muhaafiz meri dehki hui aankhein
main taaq mein rakh aaya hun jalti hui aankhein
ik pal kisi mod pe rukne nahin deti
kaanton ki tarah zism mein chubti hui aankhein
raste mein qadam phoonk ke rakhna mere pyaro
hain chaaron taraf shehr mein bikhari hui aankhein
yun usske bichhad jaane pe aansu na bahaao
manzar ko taras jayengi bhigi hui ankhein
qaatil ke siva koi samjh hi nahin sakta
kya dekhti hain tasht mein rakhi hui aankhein
kya jaaniye kis khwaab ki taabir mein guum hain
zulfon ki ghani chaanv mein ulajhi hui ankhein
'sagar' shab-e-tiira mein ujaalon ki amiin hain
nafrat ke samandar mein ye behati hui aankhein

sang jab aaiina dikhata hai

sang jab aaiina dikhata hai
tesha kya kya nazar churata hai
silsila pyaas ka batata hai
pyaas dariya kahan bujhata hai
raig-zaron mein jaise tapati dhuup
yun bhi usska khayal aata hai
sun raha hun khiram-e-umr ki chaap
aks aawaz banata jaata hai
vo bhi kya shaks hai ke paas aa kar
fasale duur tak bichhata hai
ghar toh aisa kahan tha lekin
dar-badar hain toh yaad aata hai

dil-e-pur_khuun ki ik gulabi se

dil-e-pur_khuun ki ik gulabi se
umr bhar ham rahe sharabi se
dil dahal jaaye hai sahar se aah
raat guzaregii kis kharabi se
khilna kam kam kali ne siikha hai
usski aankhon ki niim_khwabi se
kaam thay ishq mein bahut se 'meer'
ham hi faarig huye shitaabi se

ab jo ik hasrat-e-jawani hai

ab jo ik hasrat-e-jawani hai
umr-e-rafta ki ye nishani hai
khaak thi maujazan jahan mein, aur
hamko dhoka ye tha ke paani hai
giriya har waqt ka nahin behech
dil mein koi gham-e-nihaani hai
ham qafas zaad qaidi hain varana
taa chaman parafashani hai
yaan huye 'meer' ham baraabar-e-khaak
vaan vahii naaz-o-sargiraani hai

baat kya aadmi ki ban aayi

baat kya aadmi ki ban aayi
aasmaan se zamiin napavaai
charkh zan usske vaste hai madaam
ho gaya din tamaam raat aayi
maah-o-khurshiid-o-baad sabhi
usski khatir huye hain saudaai
kaise kaise kiye taraddad jab
rang rang ussko chiiz pahunchaai
ussko tarjah sab ke upar de
lutf-e-haq ne ki izzat afazaai
hairat aati hai usski baaten dekh
khudsaari khud sataai khud raai
shukr ke sajdon mein ye vaajib tha
ye bhi karta sajda jabiin saai
so toh usski tabiiyat-e-sarkash
sar na laayi faro ke tuk laayi
'meer' na chiiz musht-e-khaak allaah
unn ne ye kibariya kahan paayi

yaar bin talkh zindgani thi

yaar bin talkh zindgani thi
dosti muddai-e-jaani thi
sheb mein fayada ta'mmul ka
sochna tab tha jab jawani thi
mere qisse se sab ki niinden gayin
kuch ajab taur ki kahani thi
kuu-e-qaatil se bach ke nikla khizr
issi mein usski zindgani thi
fitr par bhi tha 'meer' ke ik rang
kafni pehani toh zaafarani thi

milo inn dinon hamse ik raat jaani

milo inn dinon hamse ik raat jaani
kahan ham, kahan tum, kahan phir jawani
shikayat karun hun toh sone lage hai
meri sar-guzisht ab hui hai kahani
ada khiinch sakta hai bahzaad usski
khiinche suurat aisi toh ye hamne maani
mulaqat hoti hai toh hai kash-ma-kash se
yahi hamse hai jab na tab khiinchaa taani

shab ko vo piye sharab niklaa

shab ko vo piye sharab niklaa
jaana ye ki aaftab nikla
qurban pyala-e-mai-naab
jaise ki tera hijaab nikla
masti mein sharab ki jo dekha
aalam ye tamaam khwaab nikla
shaikh aane ko mai-qade mein aaya
par ho ke bahot kharab nikla
tha gairat-e-baada aks-e-gul se
jis juu-e-chaman se aab nikla

banda nawaaziyon pe khuda-e-kariim tha

banda nawaaziyon pe khuda-e-kariim tha
karta na main gunah toh gunah-e-aziim tha
baaten bhi ki khuda ne dikhaya jamaal bhi
vallaah kya nasiib janaab-e-kaliim tha
duniya ka haal ahal-e-adam hai ye mukhtsar
ik do qadam ka kuucha-e-ummid-o-biim tha
karta main dardmand tabiibon se kya rajuu
jis ne diya tha dard badaa vo hakiim tha
samaan-e-ufv kya main kahun mukhtsar hai ye
banda gunahgaar tha khaaliq kariim tha
jis din se main chaman mein hua khwah-e-gul 'ameer'
naam-e-saba kahin na nishan-e-nasiim tha

sarakti jaaye hai rukh se naqab aahista-aahista

sarakti jaaye hai rukh se naqab aahista-aahista
nikalta aa raha hai aaftab aahista-aahistaa
jawaan hone lage jab wo toh hamse kar liya pardaa
haya yak_lakht aayi aur shabab aahista-aahista
shab-e-furkat ka jaaga hun farishton ab toh sone do
kabhi fursat mein kar lena hisaab aahista-aahista
sawal-e-wasl par unnko uduu ka khauff hai itna
dabe honton se dete hain jawab aahista aahista
hamare aur tumhare pyar mein bas farq hai itna
idhar toh jaldi jaldi hai udhar aahista aahistaa
vo bedardi se sar kaate 'ameer' aur main kahun unnse
huzoor aahista-aahista janaab aahista-aahista

naaye kapade badal kar jaaun kahan

naaye kapade badal kar jaaun kahan aur baal banaaun kis ke liye
vo shaks toh shahr hi chhod gaya ab khaak udaaun kis ke liye
jis dhuup ki dil ko thandak thi vo dhuup ussi ke saath gayi
inn jalti bujhati galiyon mein ab khaak udaaun kis ke liye
vo shahr mein tha toh usske liye auron se milna padata tha
ab aise-waise logon ke main naaz uthaaun kis ke liye
ab shahr mein isska badal hi nahin koi waisa jaan-e-ghazal hi nahin
aivaan-e-ghazal mein lafzon ke guldaan sajaaun kis ke liye
muddat se koi aaya na gaya sunsaan padi hai ghar ki faza
inn khaali kamaron mein 'nasir' ab shamma jalaaun kis ke liye

teri zad se nikalna chahta hai

teri zad se nikalna chahta hai
ye dariya rukh badalna chahta hai
vo sapna jis ki surat hi nahin hai
meri aanhon mein chalna chahta hai
dilon ki maandgi pe kya ta'ajjub
ki suraj bhi toh dhalna chahta hai
nashist-e-dard badali hai toh ab dil
zara pehlu badalna chahta hai
mujhe bhi saamna hai karbala ka
mera sar bhi uchhalna chahta hai
nahin hai tarjumaan-e-gham ye aansu
ye paani ab ubalna chahta hai
tabassum zer-e-lab kahta hai 'amjad'
koi jazba machalna chahta hai

jiwan kya hai chalta phirta ek khilona hai

jiwan kya hai chalta phirta ek khilona hai
do aankhon mein ek se hansana ek se rona hai
jo jii chahe vo mil jaaye kab aisa hota hai
har jiwan jiwan jiine ka samjhauta hai
ab tak jo hota aaya hai vo hi hona hai
raat andheri bhor suhaani yahi zamana hai
har chadar mein dukh ka taana sukh ka baana hai
aati saans ko paana jaati saans ko khona hai

ab ki baras bhi vo nahin aaya bahaar mein

ab ki baras bhi vo nahin aaya bahaar mein
guzarega aur ek baras intzaar mein
ye aag ishq ki hai bujhaane se kya bujhe
dil tere bas mein hai na mere ikhtiyaar mein
hai tuute dil mein teri mohabbat tera khayal
khush-rang hai bahar jo guzari bahaar mein
aansu nahin hai aankhon mein lekin tere bagair
vo kaanpate huye hain dil-e-beqaraar mein

ham dosti ehasan waffa bhuul gaye hain

ham dosti ehasan waffa bhuul gaye hain
zinda toh hain jiine ki ada bhuul gaye hain
khushbu jo lutaate hain masalte hain ussi ko
ehsaas ka badla ye milta hai kali ko
ehsaas toh lete hain sila bhuul gaye hain
karte hain muhabbat ka aur ehsaas ka sauda
matlab ke liye karte hain iimaan ka sauda
dar maut ka aur khauf-e-khuda bhuul gaye hain
ab mom mein dhalkar koi patthar nahin hota
ab koi bhi qurban kisi par nahin hota
kyun bhatke hain manzil ka pata bhool gaye hain

jis tarah ki hain ye diwaaren ye dar jaisa bhi hai

jis tarah ki hain ye diwaaren ye dar jaisa bhi hai
sar chhipaane ko mayassar toh hai ghar jaisa bhi hai
ussko mujhse mujhko uss se nisbaten hain beshumaar
meri chahat ka hai mahavar ye nagar jaisa bhi hai
chal pada hun shauq-e-beparvah ko murshad maan kar
rasta pur_pech hai ya pur_khatar jaisa bhi hai
sab gawara hai thakan saari dukhan saari chubhan
ek khushbu ke liye hai ye safar jaisa bhi hai
vo toh hai makhsuus ik teri mohabbat ke liye
tera 'anwar' ba_hunar ya be_hunar jaisa bhi hai

yun teri nigahon se gila kuch bhi nahin thaa

yun teri nigahon se gila kuch bhi nahin thaa
iss dil ne toh bekaar yun hi baithe bithaaye
virani-e-lamhat ko behalane ki khatir
afsane gadhe baaten bana li thiin hazaaron
ye ishq ka afsana jo phir chheda hai tu ne
bekaar hai ab waqt kahan ussko sunoon main
jab tumko faragat na thi ab mujhko nahin hai

ik saza aur asiiron ko suna di jaaye

ik saza aur asiiron ko suna di jaaye
yaani ab zurm-e-asiire ki sazaa di jaaye
usski khwahish hai ke ab log na royen na hansen
behisii waqt ki awaaz bana di jaaye
dasht-e-na_diida ki tahqiiq zaruuri hai magar
pahle jo aaglagi hai vo bujha di jaaye
sirf jalna hi nahin hamko bhadakna bhi toh hai
ishq ki aag ko laazim hai hawa di jaaye
sirf suraj ka nikalna hai agar subah toh phir
ik shab aur meri shab se mila di jaaye
aur ik taaza sitam usne kiya ijaad
ussko iss baar zara khul ke dua di jaaye

dil ke dariya ko kisi roz utar jaana hai

dil ke dariya ko kisi roz utar jaana hai
itana besimt na chal laut ke ghar jaana hai
uss tak aati hai toh har chiiz thahr jaati hai
jaise paana hi usse asl mein mar jaana hai
bol ae shaam-e-safar rang-e-rihaai kya hai
dil ko rukna hai ki taaron mein thahr jaana hai
kaun ubharte huye mahtaab ka rasta roke
ussko har taur suu-e-dasht-e-sahar jaana hai
main khila hun toh issi khaak mein milna hai mujhe
vo toh khushbu hai usse agle nagar jaana hai
vo tere husn ka jaadu ho ke mera gham-e-dil
har musaafir ko issi ghaat utar jaana hai

khuun se jab jala diya ek diya bujhaa hua

khuun se jab jala diya ek diya bujhaa hua
phir mujhe de diya gaya ek diya bujha hua
ek hi dastan-e-shab ek hi silsila toh hai
ek diya jala hua ek diya bujha hua
mehfil-e-rang-o-nuur ki phir mujhe yaad aa gayi
phir mujhe yaad aa gaya ek diya bujha hua
mujhko nishaat se fuzuun rasm-e-waffa aziiz hai
mera rafiiq-e-shab raha ek diya bujha hua
dard ki kainaat mein mujhse bhi raushni rahi
waise meri bisaat kya ek diya bujha hua
sab meri raushni-e-jaan harf-e-sukhan mein dhal gayi
aur main jaise reh gaya ek diya bujha hua

tumhen jafaa se na yun baaz aana chahiye tha

tumhen jafaa se na yun baaz aana chahiye tha
abhi kuch aur mera dil dukhana chahiye tha
taviil raat ke pehlu mein kab se soyi hai
naviid-e-subah tujhe jaag jaana chahiye tha
bahut qallaaq hua hairat gaziida tuufan ko
ke kaun duube kinhen duub jaana chahiye tha
bujhe chiraagon mein kitane hain jo jale hi nahin
savaad-e-vaqt i.nhe.n jagamagaanaa chaahiye thaa
ajab na tha ke qafas saath leke udd jaate
tadapna chahiye tha phadaphadhana chahiye tha
ye meri haar ke kaar-e-jaanan se haara magar
bichhadne wale tujhe yaad aana chahiye tha
tamaan umr ki aasurdgii-e-wasl ke baad
firaq aakhiri dhoka tha khana chahiye tha

yaad kya dast-e-hunar hai

yaad kya dast-e-hunar hai ki sanvarta gaya main
ussko socha toh usse yaad hi karta gaya main
issko tehziib-e-junoon kahiye ki mujhse pahle
jaise bikhare hain sabhi log bikharta gaya main
naqsh kitne thay ki madham huye silsilavaar
aur har naqsh ke pahlu se ubharta gaya main
ek tasviir banaai thi mukammal na hui
ek hi rang lahu rang tha bharta gaya main
harf-e-ikraar hi kehta raha bekhaufi se
yaani inkaar ke aashob se darta gaya main
apne andar ke talaatum ne rakkha hai aabad
khud hi ikraar kiya khud hi mukarta gaya main
har nafas badhta gaya usski tamnna ka kharosh
lamha lamha issi vehshat mein nikharta gaya main
zindgi kuu-e-malaamat hai koi kya thahre
apni hi vaza ka main hun so thaharta gaya main

ham se bahal rahe hain aap aap bahut ajiib hain

ham se bahal rahe hain aap aap bahut ajiib hain
dard mein dhal rahe hain aap aap bahut ajiib hain
saaya-e-wasl kab se hai aap ka muntazir magar
hijr mein dhal rahe hain aap aap bahut ajiib hain
apne khilaaf faisla khud hi likha hai aap ne
haath bhi mal rahe hain aap aap bahut ajiib hain
waqt ne aarzu ki lau der hui bujha bhi di
ab bhi pighal rahe hain aap aap bahut ajiib hain
zahmat-e-zarbat-e-digar dost ko dijiye nahin
gir ke sambhal rahe hain aap aap bahut ajiib hain
daayaraavaar hi toh hain ishq ke raaste tamaam
raah badal rahe hain aap aap bahut ajiib hain
dasht ki saari raunaqen khair se ghar mein hain toh kyun
ghar se nikal rahe hain aap aap bahut ajiib hain
apni talash ka safar khatm bhi kijiye kabhi
khvaab mein chal rahe hain aap aap bahut ajiib hain

diwane ke munh na lago toh behatar hai

'nasir' kya kehta phirta hai kuch na suno toh behatar hai
diwana hai diwane ke munh na lago toh behatar hai
kal jo tha vo aaj nahin jo aaj hai kal mit jaayega
rukh-suukhi jo mil jaaye shukr karo toh behatar hai
kal ye taab-o-tavaan na rahegi thanda ho jaayega lahu
naam-e-khuda ho javaan abhi kuch kar guzaro toh behatar hai
kya jaane kya ruut badle haalat kaa koi theek nahin
ab ke safar mein tum bhi hamare saath chalo toh behatar hai
kapade badal kar baal bana kar kahan chale ho kis ke liye
raat bahut kaali hai 'nasir' ghar mein raho toh behatar hai