Dr.naseem uz zafar ki shayyiri

log samjhe thay ke main jal bhi chuka bujh bhi chuka
rakh ke dher ko chheda toh shole nikle

Dr.naseem uz zafar ki shayyiri

agar charagh ki lao sar samete baithi hai
hawa bhi toote hue par samete baithi hai
hawelion ki faseelon ko ye bhi ranj raha
gharibi luta hua ghar samete baithi hai

Dr.naseem uz zafar ki shayyiri

hamara sabr hamari ana hamara zameer
chhuri ke niche bhi lehja kahan badalta hai

Dr.naseem uz zafar ki shayyiri

zakhm-e-ehsas na hijrat na safar mangega
ye musafir toh saraye nahi ghar mangega
shahzada abhi kamsin hai to phoolon pe hain paaon
kal jawaan hoga toh insano ke sar mangega

Dr.naseem uz zafar ki shayyiri

mere haathon mein toh rukti hi nahi koi lakeer
la tere hathon mein apna muqaddar dekhun
doorian ghati hain ke badh jaati hain
aazmaish ko sahi la tujhse bichhad kar dekhun

Dr.naseem uz zafar ki shayyiri

andaaz-e-baqa hai shaur-e-fana hai ilm
meraj-e-marfat-e-sifat ambiya hai ilm
adam ko waza-o-waza faziilat hua hai ilm
sajde malayaka ke batayenge kya hai ilm
kaun-o-makan mein yun bhi issi ka zahoor hai
allah ek naam hai ilm isska noor hai
aankhon ka noor dil ki haraarat bhi ilm hai
iiman ka soz ishq ki lazzat bhi ilm hai
hai ilm hi imam-e-hidayat bhi ilm hai
paigambari bhi ilm Ri.isalat bhi ilm hai
lauho qalam ke zikr se khud ashkar hai
parwardigar ilm ka parwardigar hai
adam ko jab mila toh faqat iltaza tha ilm
aag mein khaleel ke lab ki dua tha ilm
muusa ko jab mila toh tajaali numa tha ilm
bayani-e-muhammad mein noor-e-khuda tha ilm
ye ilm hi wahi kabhi iihaam ho gaya
kaabe tak aate aate ali ka naam ho gaya

Dr.naseem uz zafar ki shayyiri

tamaam Kasa-e-darveshgi ke paale huye
hamare shehr mein ab unchii naak waale huye
zamana usske liye royega vo saaya hai
chalii ye dhoop kidhar barchhiyan nikale huye
shikaar aaj ki saazish ka huye jaate hain
hum apni aankhon mein kal ka yaqiin paale huye
andhere zehanon se hargiz na dosti karna
Ke unn mein reh ke kai aaftaab kaale huye
khushi ko dhundhne nikle toh hu ko ilm hua
Khushi bhi haath gale mein hai gham ke daale huye
gunaah khulne ki sharmindagi kisi ko nahin
charagh khud hi pasheman hai kyon ujaale huye
ameer-e-shehr bahut muztarib sa rehta hai
baras guzar gaye nezon pe sar uchhale huye

Dr.naseem uz zafar ki shayyiri

siva-e-gham koi mausam sada bahaar nahi
gham na ho toh khushi ka bhi aitbaar nahi
hai karbala mein ajab maut aur hayat ki jung
maut dhoondhti hai aur nahei faraar nahi
ali ki nasl kahan jo na maut se khele
vo charagh kya jinhe aandhi ka intzaar nahi
hussain fateh ka meyaar hi badal daala
jang haar gaye phir bhihai ye haar nahi
nyaz-o-naaz khuda se wahi wahi sajde
hussein tu toh hai khanjar bhi be_waqar nahi
hussein ke liye rakh do pisar ki qurbani
khaleel aap utha len ye aisa baar nahi
sab ansuon ki sabelein unhin ki pyas ke naam
kisi furaat ka pyason ko intzaar nahi
kab ahl-e-bait ki midhat ka ajr mangta hun
naseem meri ibaadat hai karobar nahi

Dr.naseem uz zafar ki shayyiri

ae zameer-e-aadmi tujhko khuda zinda rakhe
vo kahan marte hain jinko karbala zinda rakhe
zindgi ki jang mein baazu kat bhi jaayen toh
hausla baqi mera, mushkil kusha zinda rakhe
maut ye keh kar meri baali se vapis ho gayi
tum jiyo jab tak ali-e-murtaza zinda rakhe
sahib-e-nahj ul balaghah itni ilteja hai bas
teri beeti shaam mein, lehja tera zinda rakhe
qabar mein rakh kar mujhe azeezon ne dua di ye 'naseem'
jaane wale ja tujhe khak-e-shifa zinda rakhe