alif ki shayyiri

jhonka idhar na aaye nasiim-e-bahaar ka
naazuk bahut hai phuul charag-e-mazaar ka
phir baithe baithe vaada-e-vasl ussne kar liya
phir uth khada hua vahi rog intzaar ka
shakhon se barg-e-gul nahin jhadte hain baag mein
zevar utaar raha hai uruus-e-bahar ka
har gul se laalaazaar mein ye puchhata hun main
tu hi pata bata de dil-e-daag_dar ka
iss pyar se fishaar diya gor-e-tang ne
yaad aa gaya mazaa mujhe aagosh-e-yaar ka
hilti nahin hawa se chaman mein ye daaliyan
munh chuumte hain phuul uruus-e-bahar ka
uthta hai naaza mein vo sarahaane se ae 'alif'
mitata hai aasraa dil-e-ummiid_var ka...