ahmed mushtaq ki shayyiri

kahin ummid si hai dil ke nihaan_khane mein
abhi kuch waqt lagega isse samajhane mein
mausam-e-gul ho ki patajhad ho bala se apni
ham ki shamil hain na khilne mein na murjhane mein
ham se makhfi nahin kuch rah_guzar-e-shauq ka haal
hamne ik umar guzari hai hawakhvane mein
hai yun hi ghumte rehne ka maza hi kuch aur
aisi lazzat na pahunchne mein na reh jaane mein
naye diwaanon ko dekhen toh khushi hoti hai
ham bhi aise hi thay jab aaye thay virane mein
mausamon ka koi mehram ho toh uss se puuchho
kitane patajhad abhi baaqi hain bahaar aane mein

ahmed mushtaq ki shayyiri

kahan ki gunj dil-e-naatvan[weak heart] mein rehti hai
ki tharthari si azab jism-o-jaan mein rehti hai
maza toh ye hai ki vo khud toh hai naye ghar mein
aur usski yaad purane makan mein rehti hai
agarche uss se mere betakallufi hai bahut
jhijhak si ek magar daramiyan mein rehti hai
pata toh fasl-e-gul-o-laalaa ka nahin mallum
suna hai qarb-o-vaar-e-khizan mein rehti hai
main kitna vaham karun lekin ik shua-e-yaqiin[ray of belief]
kahin navaah[surrounding]-e-dil-e-bad-guman[suspicious heart] mein rehti hai
hazaar jaan khapata rahun magar phir bhi
kami si kuch mere tarz-e-bayan mein rehti hai