natiq lucknawi ki shayyiri

aap duniya bhar se ulfat kijiye
mujhko mera dil inayat kijiye
zabt[patience] se kya khuun-e-hasrat kijiye
ek naala[cry] kar ke fursat[finish] kijiye
zoaf[weakness] kehta hai ke manzil duur hai
shauq kehta hai ki himmat kijiye
garq hi hona tha manzoor-e-khuda
na-khuda ki kya shikayat kijiye
hazrat-e-'naatik' jahan tak ho sake
apne dil mein zabt-e-ulfat kijiye