kyaa sarokaar ab kisii se mujhe
vastaa thaa to thaa tujhii se mujhe
behisii kaa bhii ab nahiin ehasaas
kyaa huaa terii berukhii se mujhe
maut kii aarazuu bhii kar dekhuun
kyaa ummiidein thii zindagii se mujhe
phir kisii par na aitabaar aaye
yuun utaaro na apane jii se mujhe
tera gam bhii na ho to kyaa jiinaa
kuchh tasallii hai dard hii se mujhe
kar gaye kis qadar tabaah 'Zia'
dushman, andaaz-e-dostii se mujhe
Showing posts with label zia ki shayyiri. Show all posts
Showing posts with label zia ki shayyiri. Show all posts
Wednesday, March 18, 2009
Subscribe to:
Posts (Atom)