maszid mein imaam hua

maszid mein imaam[namaaz padhne wala] aaaj hua, aa ke vahan se
kal tak toh yahi "meer", kharaabaat_nashin tha

aa jaayen ham nazar

aa jaayen ham nazar jo koi dam bahut hai yaan
mohlat basan-e-barq-o-sharaar kam bahut hai yaan
yak lehza siina kobii se furasat hamen nahin
yaani ki dil ke jaane ka maatam bahut hai yaan
ham raharavan-e-raah-e-fana der reh chuke
waqfa basan-e-subah koi dam bahut hai yaan
haasil hai kya sivaye tarai ke dahar mein
uth aasman tale se ke shabnam bahut hai yaan
iss buutkade mein maani ka kis se karen savaal
aadm nahin surat-e-adam bahut hai yaan
ajaaz-e-isavii se nahin bahas ishq mein
teri hi baat jaan-e-mujassim bahut hai yaan
mere hilaak karne ka gham hai abas tumhen
tum shaad zindagani karo gham bahut hai yaan
shayad ke kaam subah tak apnaa khinche na 'meer'
ahwal aaj sham se darham bahut hai yaan

aahu-e-ramkhurda

aise aahu-e-ramkhurda ki vehshat khoni mushkil thi
sehar kiya, ezaaz kiya, jin logo ne tujhko raam[submissive] kiya

takdduus

kya khandaan ka apne tujhse kahen takdduus
ruuhul amin ik adna darban hai hamara

guftgu

guftgu rekhta[scattered] mein humse na kar
ye hamari zaban hai pyaare

shair ke parde mein maine gham sunaya hai bahut

shair ke parde mein maine gham sunaya hai bahut
marsiye ne dil ko mere bhi rulaayaa hai bahut
vaadi-o-kohasar mein rota hun dhaade maar-maar
dilbaraan-e-shahr ne mujhko sataya hai bahut
vaa nahin hota kisi se dil girifta ishq ka
zahira gham-giin usse rehna khush aaya hai bahut

dil-e-pur_khuun ki ik gulabi se

dil-e-pur_khuun ki ik gulabi se
umr bhar ham rahe sharabi se
dil dahal jaaye hai sahar se aah
raat guzaregii kis kharabi se
khilna kam kam kali ne siikha hai
usski aankhon ki niim_khwabi se
kaam thay ishq mein bahut se 'meer'
ham hi faarig huye shitaabi se

ab jo ik hasrat-e-jawani hai

ab jo ik hasrat-e-jawani hai
umr-e-rafta ki ye nishani hai
khaak thi maujazan jahan mein, aur
hamko dhoka ye tha ke paani hai
giriya har waqt ka nahin behech
dil mein koi gham-e-nihaani hai
ham qafas zaad qaidi hain varana
taa chaman parafashani hai
yaan huye 'meer' ham baraabar-e-khaak
vaan vahii naaz-o-sargiraani hai

baat kya aadmi ki ban aayi

baat kya aadmi ki ban aayi
aasmaan se zamiin napavaai
charkh zan usske vaste hai madaam
ho gaya din tamaam raat aayi
maah-o-khurshiid-o-baad sabhi
usski khatir huye hain saudaai
kaise kaise kiye taraddad jab
rang rang ussko chiiz pahunchaai
ussko tarjah sab ke upar de
lutf-e-haq ne ki izzat afazaai
hairat aati hai usski baaten dekh
khudsaari khud sataai khud raai
shukr ke sajdon mein ye vaajib tha
ye bhi karta sajda jabiin saai
so toh usski tabiiyat-e-sarkash
sar na laayi faro ke tuk laayi
'meer' na chiiz musht-e-khaak allaah
unn ne ye kibariya kahan paayi

yaar bin talkh zindgani thi

yaar bin talkh zindgani thi
dosti muddai-e-jaani thi
sheb mein fayada ta'mmul ka
sochna tab tha jab jawani thi
mere qisse se sab ki niinden gayin
kuch ajab taur ki kahani thi
kuu-e-qaatil se bach ke nikla khizr
issi mein usski zindgani thi
fitr par bhi tha 'meer' ke ik rang
kafni pehani toh zaafarani thi

milo inn dinon hamse ik raat jaani

milo inn dinon hamse ik raat jaani
kahan ham, kahan tum, kahan phir jawani
shikayat karun hun toh sone lage hai
meri sar-guzisht ab hui hai kahani
ada khiinch sakta hai bahzaad usski
khiinche suurat aisi toh ye hamne maani
mulaqat hoti hai toh hai kash-ma-kash se
yahi hamse hai jab na tab khiinchaa taani

shab ko vo piye sharab niklaa

shab ko vo piye sharab niklaa
jaana ye ki aaftab nikla
qurban pyala-e-mai-naab
jaise ki tera hijaab nikla
masti mein sharab ki jo dekha
aalam ye tamaam khwaab nikla
shaikh aane ko mai-qade mein aaya
par ho ke bahot kharab nikla
tha gairat-e-baada aks-e-gul se
jis juu-e-chaman se aab nikla

meer taqi meer ki shayyiri

ab jo ik hasrat-e-jawani hai
umar-e-rafta ki ye nishani hai
khaak thi maujazan jahaan mein, aur
hamko dhoka ye tha ke paani hai
giriya[weeping] har waqt ka nahin behech[without reason]
dil mein koi gham-e-nihaani hai
ham qafas zaad qaidii hain varna
taa chaman parafashaani hai
yaan huye 'meer' ham baraabar-e-khaak
vaan wahi naaz-o-sargiraani hai

meer taqi meer ki shayyiri

hasti apni hubaab[bubble] ki si hai
ye numaaish saraab[mirage] ki si hai
nazuki usske lab ki kya kahiye
pankhadi ik gulab ki si hai
baar baar usske dar pe jaata hun
halat ab iztiraab[anxiety] ki si hai
main jo bola kaha ke ye aawaz
ussi khaana-kharab ki si hai
'meer' unn neem-baaz aankhon mein
saari masti sharab ki si hai

meer taqi meer ki shayyiri

'meer' dariya hai, sune sher zabani usski
allah allah re tabiyat ki ravani usski
minh[water] toh bochhar ka dekha hai baraste tumne
issi andaz se thi ashq-fishani usski
baat ki tarz ko dekho toh koi jadu tha
par mili khaak mein sab sahar[magic] bayaani usski
marsiya[sad poem]-e-dil ke kaii keh ke diye logon ne
shahr-e-dilli mein hai sab paas nishani usski
ab gaye usske jo afasos nahin kuch haasil
haif[alas !] sad[hundred] haif ki kuch qadr na jaani usski

meer taqi meer ki shayyiri

patta-patta buuta-buuta haal hamara jaane hai
jaane na jaane gul hi na jaane, baag toh saara jaane hai
lagne na de bas ho toh usske gauhar-e-gosh ke baale tak
ussko falak chashm-e-mai-o-khor ki titali ka taara jaane hai
aage uss mutaqabbar[arrogant] ke ham khuda khuda kiya karte hain
kab mojuud khuda ko vo magroor khud-aara jaane hai
ashiq sa toh sada koi aur na hoga duniya mein
jii ke ziaan ko ishq mein usske apna vaara jaane hai
chaaragari bimari-e-dil ki rasm-e-shahr-e-husn nahin
varna dilbar-e-nadan bhi iss dard ka chara jaane hai
kya hi shikar-farebi par magroor hai vo sayyad bachcha
ta'er udate hawa mein saare apni usara jaane hai
mehar[mercy]-o-waffa-o-lutf-o-inayat ek se waqif inn mein nahin
aur toh sab kuch tanz-o-kanaya[taunting] ramz-o-ishara[hinting at jaane hai
kya kya fitne[ordeals] sar par usske lata hai mashooq apna
jis bedil betaab-o-tavan[restless] ko ishq ka maara jaane hai
ashiq toh murda hai hamesha jii uthata hai dekhe usse
yaar ke aa jaane ko yak’a’yak umar do baara jaane hai
rakhanon se diwaar-e-chaman ke munh ko le hai chhipa ya'ani
unn surakhon ke tak rehne ko sau ka nazara jaane hai
tashna-e-khoon hai apna kitna 'meer' bhi nadan talkhiikash
dam_daar aab-e-teg ko usske aab-e-gawara jaane hai

meer taqi meer ki shayyiri

yaaro mujhe mu'aaf karo main nashe mein hun
ab do toh jaam khaali hi do main nashe mein hun
mazuur[helpless] hun jo paaon mere betarah pade
tum sar-garan[annoyed] toh mujhse na ho main nashe mein hun
ya haathon haath lo mujhe jaise ke jaam-e-mai
yaa thodi duur saath chalo main nashe mein hun

meer taqi meer ki shayyiri

yaar bin talkh zindgani thi
dosti muddai[enemy]-e-jaani thi
sheb[to decide] mein fayda ta'mmul[hesitation] ka
sochanaa tab thaa hab javaanii thii
mere qisse se sab ki niinden gayin
kuch ajab taur ki kahani thi
kuu-e-qaatil se bach ke nikla khizr
issi mein usski zindgani thi
fitr par bhi tha 'meer' ke ik rang
kafani pahani toh zafrani thi

meer taqi meer ki shayyiri

ulati ho gayin sab tadabiiren, kuch na dawa ne kaam kiya
dekha iss bimari-e-dil ne aakhir kaam tamam kiya
ahd-e-jawani ro-ro kaata, peeri mein li aankhen mund
yaani raat bohat thay jaage subah hui aaram kiya
naahaq ham majabuuron par tohamat hai mukhtari ki
chahte hain so aap kare hain, hamko abas[useless] badnaam kiya
sarzad[to do] hamse be-adabi toh wehshat mein bhi kam hi hui
koson usski aur gaye par sajda har har gaam kiya
aise aahon-eharam-khurda ki wehshat khoni mushkil thi
sihar kiya, ijaaz kiya, jin logon ne tujhko raam kiya
yaan ke saped-o-syaah mein hamko dakhal jo hai so itna hai
raat ko ro-ro subah kiya, din ko jyon-tyon sham kiya
'meer' ke deen-o-mazhab ko ab puuchate kya ho unn ne toh
qashqa khincha, dair mein baitha, kab ka tark islaam kiya

meer taqi meer ki shayyiri

tum nahin fitna-saaz sach saahab
shahr pur-shor iss Ggulam se hai
koi tujhsa bhi kaash tujhko mile
mudda hamko intqaam se hai
sher mere hain sab khvaas pasand[liked by the elite]
par mujhe guftgu aavaam se hai
sahal[easy] hai 'meer' ka samjhna kya
har sukhan usska ik maqaam se hai