noshi gilani ki shayyiri

hizr ki bad-dua na ho jana
dekh lena saza na ho jana
ishq ki inteha nahi hoti
ishq ki inteha na ho jana
mod toh be-shumar ayenge
thak na jana juda na ho jana
be-irada safar pe nikle ho
raston ki hawa na ho jana
zindgi dard se abarat hai
zindgi se khaffa na ho jana
ek tumhi ko khuda se manga hai
tum kahin bewaffa na ho jana

noshi gilani ki shayyiri

mohbbaten jab shumar karna toh nafraten bhi shumar karna
jo mere hisse mein aayen woh shazishen bhi shumar karna
jalayen rakhoge subha tak mein tumhare raste mein ankhen
magar kahein zabat toot jaayen toh bareshen bhi shumar karna
tum apni majburiyon ke qisse zaroor lekhna wazahton se
jo mere ankhon mein jal bujhe woh hawahese bhi shumar karna

noshi gilani ki shayyiri

bin wajah rakhen khud ko beqraar bhi kyun
jo tu nahi hai toh phir tera intzaar bhi kyun
akelepan ka safar jab mera muqaddar hai
toh phir ae vaada shikan teri rehguzar bhi kyun
usse ganwa ke raho ab khizaon ki zad mein
jo vo nahi hai toh phir mausam-e-bahar bhi kyun
agar bhulaye huye ussko ek umar hui
toh phir yeh aaj tabiyat hai sogwaar bhi kyun
vo jinn labon pe yaqiin-e-waffa mehek na sake
phir unnke lams ki khahish ho ek baar bhi kyun
jab ussko shauq tha raaston ki dhool hone ka
palat ke dekhta jaata tha baar baar bhi kyun

noshi gilani ki shayyiri

dhondhne jis mein jindgi nikli
wohi uss shaks ki gali nikli
tere lehje mein tha nahi kya kuch
sirf sach ki zara kami nikli
woh jo lagti thi kaanch ki gudiya
zzarb pedne pe aahini nikli
uss haveli mein shaam dhalne par
har dareeche se roshn nikli
woh hawa toh nahi thi ladki thi
kis liye itni sarphiri nikli
woh tere aasman ka kya karti
jiski mitti se dosti nikli

noshi gilani ki shayyiri

mujhko ruswa sare mehfil toh na karwaya kare
kaash aansu meri aankhon mein hi reh jaaya kare
ae hawa maine toh bas usska pata pucha tha
ab kahani toh na har baat ki ban jaaya kare
bas bohat dekh liye khwab suhane din ke
ab vo baaton ki rifaqat se na behlaaya kare
ik museebaat toh nahi tooti hai so iss dil par
jis qayamaat ne guzarna hai guzar jaaya kare
dil ne ab soch liya hai ke yeh zaalim duniya
jo bhi karna hai kare mujhko na uljhaya kare
jiske khwabon ko main aankhon mein saja kar rakhun
usski khusbhu kabhi mujhko bhi toh mehkaya kare

noshi gilani ki shayyiri

vahm sare tere apne hain
hum kahan tujhko bhool sakte hain
meri ankhon mein ek muddat se
qafile ratjagon ke thehre hain
sar barhana hawaon se pucho
zaiqe hizraton ke kaise hain
baaz auqaat khushak patte bhi
paaon padte hain cheekh utth'te hain
ishq ke khush guman mosham mein
pathron mein gulab khilte hain

noshi gilani ki shayyiri

hamen yeh roz-e-shab ka silsila achcha nahi lagta
kisi se baat karna ho koi bhi zakhm bharna ho
kabhi be-haal ho kar koi jaan se guzarna ho
tumhari yaad mein rehna ho ke khud se mukarna ho
kisi harf-e-tasali se yeh dil ka zakhm bharna ho
mohbbat ki duwa honton pe rukh pe muskurana ho
darkhaton pe tumhara naam likh kar bhool jana ho
kisi be-khwab shab mein chasm-e-viraan ko sulana ho
tumhari khusbhon se khema-e-jaan ko sajana ho
ya phir shehr-e-sakoot-e-shaam-e-gham mein geet gana ho
yunhi bewajah keefiat mein ashkon ko bahana ho
kisi jazbe ka bhi chehra hamen sacha nahi lagta
ke ab toh roz-o-shab ka silsila achcha nahi lagta

noshi gilani ki shayyiri

koi mujhko mera bharpoor saraapa la de
mere baazu meri aankhen mera chehra la de
aisa dariya jo kisi aur samandar mein gire
iss se behter hai ke mujhko mera sehra la de
kuch nahi chahiye tujhse meri ae umr-e-rawaa'n
mera bachpan mere jugnu meri gudia la de
jiski aankhen mujhe ander se bhi padh sakti ho
koi chehra toh mere shehr mein aisa la de
kishti-e-jaan toh bhanwar mein hai kai barson se
ae khuda ab toh dubo de ya kinara la de

noshi gilani ki shayyiri

tumne toh keh diya ki mohbbat nahin mili
mujhko toh ye bhi kehne ki mohlat nahin mili
neendon ke desh jaate, koi khwab dekhte
lekin diya jalane se fursat nahin mili
tujhko toh khaiir shehr ke logon ka khauff tha
aur mujhko apne ghar se izzazat nahin mili
phir ikhtilaaf-e-raai ki surat nikal padi
apni yahan kisi se bhi aadat nahin mili
be-zaar yun huye ki tere ahed mein hamen
sab kuch mila, sukoon ki daulat nahin mili