chuuta hi na kuch saath, kabhi humse ghamon ka

chuuta hi na kuch saath, kabhi humse ghamon ka
hone ko toh yun duniya mein ustaad bohat hain
itni toh na ruswa thi, tehreer-e-zahaalat
haan, daana bhi thay kuch, magar bedaad bohat hain
hum teri misahai pe tohamat nahin dharte
kuch zakhm thay aise bhi, jo naashad bohat thay
viraan hi dekhi vahan banglo ki kataare
yun chotte bhare ghar yahan, aabad bohat thay
ye faaka mastiyon ka hunar, tu bhi kuch samjh
iss ilm ke maahir, tere azdaad bohat thay
chataan kaat kar bhi na sheeri ko pa saka
jatan-o-jugat lagaye, vaan farhaad bohat thay

bekhudi aur intazaar nahin

bekhudi aur intazaar nahin
chhod aayi nazar qaraar kahin
teri rehmat hai bepanah magar
apni qismat pe aitbaar nahin
nibhe assi baras, ke chaar ghadi
ruuh ka jism se qaraar nahin
sakht do-ik mukaam aur guzren
phir toh mushkil ye rahguzar nahin
kaash ! pehle se ye gumaan hota
yun khizan aati hai bahaar nahin
apnne taute-naffe ke raag na ga
unnki mehfil tera bazaar nahin
jan_nisari kaho, kare kaise
jaan kahin aur jan_nisar kahin

meri nigah ne vaa' kar diye bawaal kai

meri nigah ne vaa' kar diye bawaal kai
huye hain jaan ke dushman humkhayal kai
nazar milate hi mujhse vo la_jawaab hua
kaha tha jisne ki, aa puuch le sawal kai
ulta pulat diya sab kuch nayi hawaon ne
kai nikal diye, ho gaye bahaal kai
kahin pe nor, kahin pe zulmatein barasti rahin
dekhaye raushni ne aise bhi kamal kai
hai baad-e-marg ki basti zara adab se chal
yahan pe soye hain, tujh jaise bemisaal kai

ye hari bastiyan mehfuuz banaye rakhna

ye hari bastiyan mehfuuz banaye rakhna
iss amaan pe kade pehare bithaye rakhna
agle mausham mein parinde zaroor lautenge
sabz paidon ko kisi taur bachaye rakhna
zindgi inn ke bina aur bhi mushkil hogi
surkh ummidon ke ye phool khilaye rakhna
shab kati hai toh kabhi aftaab chamkega
sunheri machaliyon pe jaal lagaye rakhna
teri gaflat se na reh jaaye kahin rahon mein
khawab ki fikar mein aankhon ko jagaye rakhna