nusrat fateh ali khan ki shayyiri

saaqi ki har nigaah pe bal kha ke pii gaya
laharon se khelata hua lahra ke pii gaya
ae rahmat-e-tamaam meri har khata muaaf
main inteha-e-shauq mein ghabra ke pii gaya

peeta beghair izn ye kab thi meri majaal
dar-parda chashm-e-yaar kii shai pa ke pii gaya
zaahid ye meri shokhi-e-rindana dekhna
rahmat ko baaton baaton mein behla ke pii gaya

oodi oodi ghataein aati hain, mutribon ki nawaein aati hain
kis ke gesu khule hain saawan mein, mehki mehki hawaein aati hain
kis ke gesu khule hain saawan mein, mehki mehki hawaein aati hain
aao sehn-e-chaman mein raqs karein, saaz lekar ghatein aati hain
dekh kar unnki ankhadion ko adam, maikadon ko hawaein aati hain

paas rehta hai duur rehta hai, koi dil mein zaroor rehta hai
jab se dekha hai unnki aaknhon ko, halka halka suroor rehta hai
aise rehte hain wo mere dil mein, jaise zulmat mein noor rehta hai
ab adam ka wo haal hai har qadam, mast rehta hai chuur rehta hai

ye jo halka halka suroor hai, sab teri nazar ka qusoor hai
ke sharaab peena sikha diya....
tere pyar ne teri chah ne, teri behki behki nigah ne
mujhe ek sharaabi bana diya ....

sharaab kaisi khumar kaisa, ye sab tumhari nawazishein hain
pilai hai kis nazar se tune, ke mujhko apni khabar nahin hai
ye jo saqi har tarah ki tere maikhaane mein hai
wo bhi thodi si jo inn aankhon ke paimane mein hai

sab samajhta hun teri ish nazar ae saqi
kaam karti hai nazar naam hai paimane ka
tera pyaar hai bas meri zindagi ....

na namaz aati hai mujhko na wuzoo aata hai
sajda kar leta hun jab samne tu aata hai

main azal se banda-e-ishq hun
mujhe zuhd-o-kufr ka gham nahin
mere sar ko dar tera mil gaya
mujhe ab talash-e-haram nahin

meri bandgi hai wo bandgi
jo ba_qaid-e-dair-o-haram nahin
mera ik nazar tumhein dekhna
ba_khuda namaz se kam nahin

qaymat mein tera dagh-e-muhabbat lekar uthunga
teri tasveer uss dam bhi kaleje se lagi hogi

teri yaad hai meri bandgi
jo teri khushi wo meri khushi
ye mere junoon ka hai moajza
jahan apne sar ko jhuka diya
vahan maine Kaaba bana diya

mere baad kis ko sataaoge ??

dil jalon se dil lagi acchi nahin
rone walon se hassi acchi nahin
dillagi hi dillagi mein dil gaya

khuda ke liye apni nazron ko roko varna
mera dil gaya ....
meri tarah khuda kare tera bhi kisi per aaye dil
tu bhi kaleja thaam ke kehta phire ke haye dil

dillagi hi dillagi mein dil gaya
dil lagaane ka natija mil gaya
main toh rota hun ke mera dil gaya
tum kyun haste ho tumhen kya mil gaya ??

accha phir…..

mere baad kisko sataaoge ??
mujhe kis tarah se mitaaoge
kahan ja kar teer chalaoge
meri dosti ki balayein lo
mujhe hath utha kar duaayein do
tumhen ek qaatil bana diya

mujhe dekho khwaish-e-jaan-e-jaan
main wahi hun anwar-e-neem jaan
tumhen itna hosh tha jab kahan
na chalao iss tarah tum zubaan
karo mera shukriya meherbaan
tumhen baat karna sikha diya

ye jo halka halka suroor hai
ye teri nazar ka qusoor hai
ke sharaab peena sikha diya

nusrat fateh ali khan ki shayyiri

yaa khuda jism mein jab tak ye meri jaan rahe
tujh pe sadqe, tere mehboob pe qurbaan rahe
kuch rahe ya na rahe, par ye du’aa hai ke “ameen”
niza[death] ke waqt salamat meraa iimaan rahe

taaziim se leta hai Khuda naam-e-muhammad
kya naam hai ae sall-e-alaa naam-e-muhammad
allah kare ussko haraam aatish-e-dozakh
jis shakhs ke dil pe likha ho naam-e-muhammad

jis dil mein muhammad ki muhabbat nahin hoti
uss par kabhii allah ki rehmat nahin hoti
mera ye aqiida hai agar zikr-e-khuda mein
ye naam na shamil ho ibaadat nahin hoti

rab ne farmaaya meri qudrat ki hadd koi nahin
aur mere mehboob ki rahmat ki hadd koi nahin
jab maalak samjhe nahin toh aadmi samjhegaa kya
amina ke laal ki azmat kii hadd koi nahin

khudaa kaa nuur tujh mein huu-ba-huu hai
khuda pinhaan magar tuu ruu-ba-ruu hai
teri azmat ka andaaza ho kis ko
khuda hai aur khuda ke baad tu hai

shams-ud-duha badr-ud-duja teri badi tauqeer hai
surat teri shaah-e-umam, allah ki tasveer hai

allah ne paas bula hi liya
bin dekhe khuda bhi reh na saka

tumhara saani risaalat-mu’aab ho na saka
tumhara koi kahin bhi javaab ho na saka
rasuul aur bhi aaye jahaan mein lekin
koi bhi saahib-e-ummul kitaab ho na saka

meraaj mein Jibriil se kahne lage shaah-e-umam
tune toh dekhe hain hasin, batlaao toh kaise hain hum
rooh-ul-khuda kehne laga, ae naaznin haq ki qasam

mere sohne kamlii vaalaryaa, tera aashiq kul zamana ve
tere husn kii kya taariif karan, rabb aap tera diwana ve

roya shab-e-hijraan mein bahut ashq bahaya
itne mein musavvir ko zaraa rahm jo aaya
naqshe ka’ii tasviiroN ke saamne vo laya
bola, ke ye yusuf hain, ye isaa hain, ye musaa
maine kaha inn mein se kisi par nahin shaida
jab saamne laaya vo shabiih-e-shah-e-vaala
be-saKhta uss waqt zubaan se meri nikla

duniya se kya, roz-e-jaza unnka hai mujhko aasra
main huun ghulam-e-mustafa kaisi meri taqdiir hai
vallail ho ya kah-kashan, zulf-e-nabii par hai fida
iss mein bandhe hain do-jahaan, kitni hasin zanjir hai

dushman bhi kahte hain yahi, kya baat hai sarkaar ki
na aankh mein qahr-o-ghazab, na haath mein shamshir hai

nusrat fateh ali khan ki shayyiri

tumhen dillagi bhool jaani padegi
mohbbat ki raahon mein aa kar toh dekho
tadapne pe mere na phir tum hasoge
kabhi dil kisi se laga kar toh dekho
honton ke paas aaye hassi kya mazaal hai
dil ka moamla hai koi dillagi nahi
zakhm pe zakhm kha ke ji apne laho ke ghoont pe
aah na kar labon ko sii ishq hai dillagi nahi
dil laga kaar pata chalega tumhen
aashqi dillagi nahi hoti
kuch khali nahi hai ishq ki laag
pani na samjh ye aag hai aag
khoon rulayegi yeh lagi dil ki
khel samjho na dillagi dil ki
ye ishq nahi asan bas itna samjh lijiye
ik aag ka dariya hai aur doob ke jana hai
tumhen dillagi bhool jani padegi
mohbbat ki rahon mein aa kar toh dekho
tadpane pe mere na phir tum hasoge
waffaon ki humse tawwaqo nahi hai
magar ek baar azma kar toh dekho
zamane ko apna bana kar toh dekho
hamen bhi tum apna bana kar toh dekho
khuda ke liye chod do ab ye parda
rukh se naqaab utha kar
badi der ho gayi mahol ko tilawat-e-quran kiye huye
khuda ke liye chod do ab ye parda
hum na samjhe teri nazron ka taqaza kya hai
kabhi parda kabhi jalwa ye tamasha kya hai
khuda ke liye chod do ab ye parda
jaan-e-ja hamse ye uljhan nahi dekhi jaati
ke khuda ke liye chod do ab ye parda
ke hain aaj hum tum nahi ghaiir koi
shab-e-wasl bhi hai hizaab iss qadar kyun
zara rukh se aanchal utha kar toh dekho
jaffein bohat ki bohat zulm dhaaye
kabhi ik nigah-e-karam iss taraf bhi
hamesha huye dekh kar mujhko barhm
kisi din zara muskara kar toh dekho
jo ulfat mein har ik sitam hai ganwara
ye sab kuch hai paas-e-waffa tumse varna
satate ho din raat jis tarah mujhko
kisi ghaiir ko yun sata kar toh dekho
agar chahe kisi baat par khaffa hain
toh achcha ye hi hai tum apni si kar lo
woh maane na maane ye marzi hai unnki
magar unnko purnam mana kar toh dekho
tumhen dillagi bhool jani padegi
mohbbat ki rahon mein aa kar toh dekho

nusrat fateh ali khan ki shayyiri

ae vaada shikan khwab dikhana hi nahi tha
kyun pyar kiya tha jab nibhana hi nahi tha
iss tarha mere haath se daman na chudvao
dil tod ke jana tha toh aana hi nahi tha
allah na milne ke bahane thay hazaron
milne ke liye koi bahana hi nahi tha
dekho mere sar phod ke marne ki ada bhi
varna mujhe diwana banana hi nahi tha
rone ke liye sirf muhbbat hi nahi thi
gham aur bhi thay dil ka fasana hi nahi tha
ya humse na kehte apne dil ki kahani
ya gosh_bar awaaz zamana hi nahi tha
qaisar koi aaya tha meri bakhiya giri ko
dekha toh greban ka thikana hi nahi tha

nusrat fateh ali khan ki shayyiri

kabhi yahan tumhen dhoondha kabhi wahan puhancha
tumhari deed ki khatir kahan kahan puhancha
gharib mit gaye, pamaal ho gaye lekin
kissi talak na tera aaj tak nishan puhancha
ho bhi nahin aur...
Ho bhi nahin aur har jaa ho
tum ek gorakh dhandha ho...

har zarre mein kis shaan se tu jalwa numa hai
hairan hai magar akal ke kaisa hai tu kya hai

tujhe dair-o-haram mein maine dhoonda tu nahin milta
lekin tujhko tashreef farman apne dil mein dekha hai

dhoondhe nahin mile ho na dhoondhe se kabhi tum
aur phir ye tamasha hai ke jahan hum hain wahin tum ho

jab bajud tere koi doosra maujood nahin
phir samjh mein nahin aata tera parda karna

haram-o-dahr mein hai jalwa-e-purfan tera
do gharon ka hai charagh purkh-e-raushan tera

Jo ulfat mein tumhari kho gaya hai
ussi khoye huye ko kuch mila hai
na buut-khane na kaabe mein mila hai
magar toote huye dil mein mila hai
adam ban kar kahin tu chup gaya hai
kahin tu hasst ban kar aa gaya hai
nahin hai tu toh phir inkaar kaisa
nafi bhi tere hone ka pata hai
main jis ko keh raha hoon apni hasti
agar woh tu nahin to aur kya hai
nahin aaya khayalon mein agar tu
toh phir main kaise samjha tu khuda hai

hairan hun iss baat pe tum kaun ho kya ho
haath aao toh buut, haath na aao to khuda ho

aqal mein jo ghir gaya, la-intaha kyunkar hua
jo samjh mein aa gaya, phir khuda kyunkar hua

falsafi ko behas ke andar khuda milta nahin
dor ko suljha raha hai aur sira milta nahin

pata yun toh bata dete ho sab ko la-makaan apna
taaujub hai magar rehte ho tum toote huye dil mein

jab ke tujh bin nahin koi maujood
phir ye hangama aaye khuda kya hai

chupte nahin ho saamne aate nahin ho tum
jalwa dikha ke jalwa dikhate nahin ho tum
dahr-o-haram ke jhagre mitate nahin ho tum
jo asal baat hai woh batate nahin ho tum
hairan hun mere dil mein samaaye ho kis tarha
halanki do jahan mein samaate nahin ho tum
yeh maabad-o-haram ye kaleesa-o-dahr kyon
harjaai ho jabhi toh batate nahin ho tum

dil pe hairat ne ajab rang jama rakha hai
ek uljhi hui tasveer bana rakha hai
kuch samajh mein nahin aata ke ye chakar kya hai
khel kya tumne azal se ye racha rakha hai
ruuh ko jism ke pinjre ka bana kar qaidi
uss pe phir maut ka pehra bhi bitha rakha hai
de ke tadbeer ke panchi ko udaanein tumne
tam-e-takdeer mein har simt bicha rakha hai
kar ke araaishein konain ki barson tum ne
khatm karne ka bhi mansooba bana rakha hai
lamaqami ka baharhal hai daava bhi tumhen
nahme aqrab ka bhi paigham suna rakha hai
yeh burai, woh bhalai, yeh jahanum, woh bahisht
iss ulat khel mein farmao toh kya rakha hai
zurm adam ne kiya, aur saza beton ko
adal-o-insaaf ka mayyar bhi kya rakha hai
de ke insaan ko duniya mein khalafat apni
ek tamasha sa zamane mein bana rakha hai
apni pehchan ki khatir hai banaya sab ko
sab ki nazron se magar khud ko chupa rakha hai

nit naye naqsh banate ho mita dete ho
jaane kis zurm-e-tamana ki saza dete ho
kabhi kankar ko bana dete ho heere ki kani
kabhi heeron ko bhi mitti mein mila dete ho
jindagi kitne hi murdon ko aata ki jiss ne
woh maseeha bhi saleebon pe saja dete ho
khwahish-e-deed jo kar baithe sar-e-toor koi
toor hi bark-e-tajalli se jala dete ho
naar-e-namrood mein dalwate ho khud apna khaleel
khud hi phir naar ko gulzaar bana dete ho
chahe kinaan mein phainko kabhi mahe in aan
noor yakuub ki aankhon ka bujha dete ho
becho yusuf ko kabhi misar ke baazaaron mein
akhir-e-kaar shah-e-misar bana dete ho
jazb-o-masti ki jo manzil pe puhanchta hai koi
baith kar dil mein an-al-haq ki sada dete ho
khud hi lagvate ho phir kufr ke fatwe uss par
khud hi mansoor ko sooli pe charha dete ho
apni hasti bhi woh ik roz ganwa baithta hai
apne darshan ki lagan jis ko laga dete ho
koi raanjha jo kabhi khoj mein nilkle tumkar
tum usse jhang ke bele mein rula deta ho
justaju le ke tumhari jo chale kais koi
ussko majnun kissi laila ka bana dete ho
jot sassi ke agar mann mein tumhari jaage
tum usse tapte huye thal mein jala dete ho
sohni gar tum ko mahiwal tasawwur kar le
ussko biphri hui lehron mein baha dete ho
khud jo chaaho toh sar-e-arsh bula kar mehboob
ek hi raat mein mairaaj kara dete ho

aap hi apna parda ho
aap hi apna pardaa ho
tum ek gorakh dhandha ho

jo kehta hun maana, tumhen lagta hai bura sa
phir bhi hai mujhe tum se baharhaal gila sa
chup chaap rahe dekthe tum arsh-e-bareen par
tapte huye karbal mein muhammad ka nawasa
kiss tarhe pilata tha lahoo apna waffa ko
khud teen dinon se wo agarche tha piyasa
dushman toh bahar taur thay dushman magar afsos
tumne bhi faraham na kiya paani zara sa
har zulm ki taufeeq hai zalim ki virasat
mazloom ke hisse mein tassali na dilasa
kal taaz saja dekha tha jiss shakhs ke sar par
hai aaj ussi shakhs ke hathon mein hikasa
yeh kya hai agar poochun toh kehte ho jawaban
iss raaz se ho sakta nahin koi shanasa

hairat ki ek duniya ho
hairat ki ek duniya ho
tum ek gorkh dhandha ho

har ek jaa pe ho lekin pata nahin mallum
tumhara naam suna hai nishaan nahin mallum

dil se arman jo nikal jaaye toh jugnoon ho jaye
aur aankhon mein simat aaye toh aansoo ho jaye
japeya huu ka jo be huu kare huu mein kho kar
ussko sultaniyan mil jayen wo ba huu jo jaye
baal beeka na kissi ka ho churri ke neeche
halk-e-asghar mein kabhi teer tarazu ho jaye

kis kadar be-niyaz ho tum bhi
daastaan-e-daraaz ho tum bhi

aah-e-tehkeek mein har gam pe uljhan dekhun
vohi haalat-o-khayalat mein aan ban dekhun
ban ke reh jaata hun tasveer pareshani ki
ghaur se jab bhi kabhi duniya ka darpan dekhun
ek hi khaak pe fitrat ke tazaadat itne
kitne hisson mein bata ek hi aangan dekhun
kahin zehmat ki sulagti hui patjhar ka samaan
kahin rehmat ke baraste huye sawan dekhun
kahin phunkaarte darya, kahin khamosh pahad
kahin jangal, kahin sehra, kahin gulshan dekhun
khoon rulata hai yeh takseem ka andaaz mujhe
koi dhanvaan yahan par koi nirdhan dekhun
din ke haathon mein faqat ek sulagta suraj
raat ki maang sitaron se muzzayyan dekhun
kahin murjhaaye huye phool hain sacchai ke
aur kahin jhooth ke kaanton pe bhi joban dekhun
shams ki kaal kahin khichti nazar aati hai
kahin sarmad ki uttarti hui gardan dekhun
raat kya shai hai savera kya hai
yeh ujala yeh andhera kya hai
main bhi nayib hun tumhara akhir
kyon yeh kehte ho ke tera kya hai

dekhne wala tujhe kya dekhta
tune har har samt se parda kiya

masjid, mandir, yeh maikhane
koi yeh maane, koi voh maane
sab tere hain jaana aashane
koi yeh maane, koi voh maane
ek hone ka tere kaayil hai
inkaar pe koi maayil hai
asleeyat lekin tu jaane
koi yeh maanay koi voh maane
ek khalk mein shamil karta hai
ek sab se akela rehta hai
hain dono tere mastaane
koi yeh maanr koi voh maane
sab hain jab aashiq tumhare naam ke
kyon yeh jhagde hain raheem-o-raam ke

dahr mein tu, haram mein tu
arsh pe tu, zamiin pe tu
jiss ki puhanch jahan talak
usske liye wahin pe tu

har ek rang mein yakta ho
tum ek gorakh dhandha ho

markaz-e-justajoo, alam-e-rang-o-boo
dam badam jalwagar tu hi tu chaar soo
hoo ke mahol mein, kuch nahin fi-la-hoo
tum buhat dil ruba, tum buhat khubaroo
aarsh ki azmatein, farsh ki abroo
tum ho konain ka, hasil-e-arzoo
aankh ne kar liya aansooon se wazoo
ab toh kar do aata deed ka ek sudoo
aao parde se tum aankh ke rubaroo
chand lamhe milen, do ghadi guftagoo
naaz jabta phire, jabaja koo-ba-koo
wahda-hoo wahda-hoo
la-shareek-a-la-hoo
allah hoo allah hoo
allah hoo allah hoo