koi tumsa na humsafar hoga

koi tumsa na humsafar hoga
jo mere gham se bekhabar hoga
tumko ye bhi khabar nahin shayad
tere bin koi deeda-tar hoga
zindgi chaar din ki hai phir tu
gham ka qissa bhi mukhtsar hoga
koi dega meri waffa ka sila
koi toh yaan pe maatbar hoga
iss jahan ka nahin hai vo shayad
chaand ka ghar bhi chaand par hoga
kaala til hai jo tere gaalon par
koi jaduu na kaargar hoga
teri chahat mein koi hoga 'seraj'
koi tera bhi muntazar hoga !

shabnam nahin mili

shabnam nahin mili na gire aasmaan ke phool
chadhti jawani sookh gaye gulsitaan ke phool
hum adhkhile rahe ke bahaaren nahin milin
ab kaise muskarayen ke hain hum khizaan ke phool
sookhe huye gulaab mile jab khuli kitaab
yun dil ke mere paas rahe mehrbaan ke phool
aansoo hamare hain ke sitare chamak gaye
dekho rukh-e jamaal par ye kahkashaan ke phool
raah-e adab pe chal diye le kar chiragh-e noor
sozaan hain rahguzar mein mere karwan ke phool
phoolen phalen mahakte rahen subho shaam roz
khushboo bikheren duniyan mein Hindostaan ke phool
hum phir kahenge tumse kisi roz aaye 'seraj'
hote nahin hain khatm meri dastan ke phool !

dard sahna wa ranj-o gham karna

dard sahna wa ranj-o gham karna
mashghala ab hai aankh num karna
bekhudi mein bhi lab pe tera naam
baat teri hi aaye sanam karna
husn walon ke zimme kaam yahi
zulm dhana, faqat sitam karna
khush hoon tabiyat bashaash hai meri
qat-taii tum na mera gham karna
bas dua karna mere haq mein zaroor
baad marne ke na maatam karna
sar katana hamen raha manzoor
hum ko aaya na sar ko kham karna
dili sokoon mayassar ho 'seraj'
mujh pe malik mere karam karna

seraj ki shayyiri

qareeb aaye na koi ke dard badhta hai
hamen sataaye na koi ke dard badhta hai
qareeb aaya jo dil ke , ussi ne chot diya
tu saath aaye na koi ke dard badhta hai
gham-e wisaal hi achchha tha, duur thay tumse
gale lagaye na koi ke dard badhta hai
ke dosti ka bharm ab hamara tuut gaya
zehan pe chhaye na koi ke dard badhta hai
na chaiin mujhko toh tum bhi sukoon na paaoge
mujhe rulaaye na koi ke dard badhta hai
'seraj' dost bhi dushman se badh ke lagte hain
toh dost banaye na koi ke dard badhta hai !

seraj ki shayyiri

mujhe zindgi ki talash mein, vo maqaam aa ke guzar gaya
mera razdaan, mera meharban, meri zindgi se bichhad gaya !
nahin chahton ka sila mila, tu thi apni ki tujhse nahin gila
mere chehre pe, mera dard-e-dil, hai naqoos ban ke ubhar gaya !
ye muqaam-e-muhbat-o-aashqui, meri umar bhar ki talaash hai
mujhe tu hi tu nazar aati hai, main jahan gaya, main jidhar gaya !
teri yaad aa ke sta''ti hai, kabhi jab sakoon mile mujhe
tera dard ab hai dawa meri, mujhe shaad aa aa ke kar gaya !
kai dost dil ke qareeb hain, vo hain zeenat-o-raahat-e-gulistan
koi phool ban ke bahaar hai, koi khusbu ban ke bikhar gaya !
kabhi vo mile toh main puchhunga, zara dekh mera kya hai haal kya
main chirag-e-sehar hun dosto, aaya jhokha hawa ka toh marr gaya !
gham-e-ashqui, gham-e-jindgi, gham-e-dard se raha vasta
main seraj misl-e-qamar raha, shab-e-teergi mein nikhar gaya !!

seraj ki shayyiri

aao qareeb ab tu juda ho raha hoon main,
mehfil se door tere sada ho raha hoon main !
mahwe khayal ho ke, tujhe yaad karoonga ,
waqt-e-sahar ka jalta diya ho raha hoon main !!
jab tak tha saath, noor mein dhalti thi zindagii ,
tere baghair dasht-e-saba ho raha hoon main !!
ye geet mere tujhko, dikhayen ge raaste ,
anjaan manzilon ka pata, ho raha hoon main !!
hamne wafa ki raah mein khaii , jigar pe chot,
ab dard-e dil se aaho baqa ho raha hoon main !!
afsos hai ki main na , tujhe shaad kar saka ,
khud apni hi nazar mein khata, ho raha hoon main !!
likhta hun geet-o-shair, ki tabiyat ho kuchh bashash ,
iss tarh apne gham ki, dawa ho raha hoon main !!
taskeen dil ki khatir wazoo, karke main 'seraj',
hamd-e-khuda mein harf-e-dua, ho raha hun main !!

seraj ki shayyiri

vo phool mohabbat ke bahot yaad aate hain,
maazi ki yaad dil mein mere chhod jaate hain !
kuch aise log bhi mile , jo dil mein bass gaye,
har saans mein khushboo ki tarah muskarate hain !
phoolon ka baagh jal gaya, hairat magar ye hai,
ab loag waan pe Beri ke paodhe lagaate hain !
Kuchh khone ke jazbaat se mahroom hai duniyaan ,
kuchh paane ki khatir, wo mohabbat jata te hain !
sahra mein jaam-o aab pilaaye ga mujhko kaun ?
aansoo ko pee ke pyaas hum apni bujhate hain !
main toh tumhen ek pal ke liye bhulta nahin,
kyun waqt-e-dua aap hamen bhool jaate hain !
gulshan mein eik din tere, jaana tu hai zaroor,
dekho jisam se jaate hain, yaa dil se jaate hain!
ab tak tu unhen hamse mohabbat nahin huii,
aao 'seraj', ham bhi hunar aazmaate hain !!

seraj ki shayyiri

hum tangii-e-hayaat ka charcha na karenge
dard-e-jigar ko honton pe laya na karenge
likh likh ke khoon se soze jiga, chaak daamni
teri qabar pe pyaar se rak-kha na karenge
ro lenge dil hi dil mein, pe awaaz na hogii
ashkon se apni chashm ko geela na karenge
seene ko peet peet ke aahein na bharenge
honton se kabhi ham tera shikwa na Karenge
tumko na aane denge kabhi apne khwaab mein
hum khud bhi tere khwaab mein aaya na Karenge
koshish karenge bhoolne ki har tarah tujhe
tasveer teri phir kabhi dekha na karenge
bedaar karenge na ye aankhen tamaam raat
dil dekar ashk lene ka sauda na karenge
jo kuchh likha hai pahle, wo ek soch hai "seraj"
dar-asl mein ham kaam kuchh aesa na karenge

seraj ki shayyiri

firaq-e gham mein hokar jab kisi ka dil pighalta hai ,
tu aansoo ban ke aankhon se wahi baadal nikalta hai !
bade nayaab moti hain, na khona farte gham hokar,
rula deta hai sabko, jab sare mahfil nikalta hai !
kisi ka dil na todo,dil agar toota tu phir dekho,
ki ban kar mauje darya, aansoo dar-e saahil nikalta hai
kisi ke gham hamen dekhe nahin jaate kabhi aye dost,
koi takleef mein jo ho , tu mera dil nikalta hai !
jo gham mein doobte jaao, tu gahraaii na paoge ,
ki ismein doob kar shayad koi aaqil nikalta hai !
na mehnat se pareeshaan ho, jahaan mein ilm haasil kar,
ye hai baab-e muraad , ismein se mustaqbil nikalta hai !
jahaad-e zindagaani mein, na peechhe laut kar dekho,
nidar jo badhta jaaye aage wo kaamil nikalta hai !
karen kis par bharosa ham 'SERAJ', sab chehre nakli hain !
jise apna samajhte hain , wahi qatil nikalta hai !!

seraj ki shayyiri

eid ka din hai magar aaj pareeshaan huun main !
poore roze rakhe the ramzaan ke.
aur tilaawat kiye the Quraan ke
dil mein thi hamd-e-khuda
aur mere lab pe darood
panj-waqta namazein
aur taraweeh ke sojood
lab se kalmaat-e naagwaar bhi goya na hue
qalb ko paak rakha, soo-e tamasha na hue
duayen dil se kiya karte the us rab se sada
bina kuch paye na wapas gaya iss dar se gada
roz ye intezaar tha ki eid aayegi
saath mein khushiyaan hi khushiyaan ye eid layegi
aaj hai eid to lagta hai eid hai hi nahin
muntazar aankh hai ye, teri deed hai hi nahin
dasht-e -sahra mein yahaan sab hai , pe tanha huun main
eid ka din hai , magar aaj pareeshaan huun main

seraj ki shayyiri

dosh-e-saba pe ishq ka manzar likhta hoon
main shayer hoon, ashk ko gauhar likhta hoon
jab likhta hoon jheel si aankhon ka manzar
doob na jaaoon, aur sanbhal kar likhta hoon
jab hoton ko tere misl gulaab likhoon
surkh, gulaabi rang badal kar likhta hoon
jab main teri dheemi bahki chaal likhoon
mast saba sa thhahar thhahar kar likhta hoon
Jab khushboo likhta hoon teri kaaghaz par
main gulaab ki boo mein dhal kar likhta hoon
kaali ghata si zulf jo likhna hota hai
Maen baadal ka roop badal kar likhta hoon
Jab phoolon sa gaal tumhara likhna ho
waqt-e-subah main baagh mein chalkar likhta hoon
dard jigar ke jab bhi likhne hote hain
main 'seraj' har shab mein jalkar likhta hoon

seraj ki shayyiri

chahat , ye rafaqat ye wafa yaad karo ge
tanhaiyon mein mujhko sada yaad karoge
jab bhi kabhi dekhoge apni aaiine mein shakl
meri sabeeh, aks mera yaad karo ge
gaaoge meri ghazlen bahot ishteyaq se
dam leke phir ash-aar mera yaad karoge
apni khata pe hum bhi bahot sharmsaar hain
tumne bhi ki hai jitni jafa yaad karoge
teri khushi thi kitni aham meri zaat ko
mere daraaz datst-e-dua yaad karoge
jab bhi wafa ki tumko zaroorat padegi dost
dhoondoge mujhko, mera pata yaad karoge
likhta tha nazm, sher-o-ghazal tere waaste
tha ek 'seraj' naghma sara yaad karoge !

seraj ki shayyiri

aao qareeb ab tu juda ho raha hoon main,
mahfil se door tere sada ho raha hoon main !

mahwe khayal ho ke, tujhe yaad karoonga ,
waqt sahar ka jalta diya ho raha hoon main !!

jab tak tha saath, noor mein dhalti thi zindagii ,
tere baghair dasht-e saba ho raha hoon main !!

ye geet mere tujhko, dikhayen ge raaste ,
anjaan manzilon ka pata, ho raha hoon main !!

hamne wafa ki raah mein khaii , jigar pe chot,
ab dard-e dil se aaho baqa ho raha hoon main !!

afsos hai ki maen na , tujhe shaad kar saka ,
khud apni hi nazar mein khata, ho raha hoon main !!

likhta hoon geet-o sheir, ki tabeeyat ho kuchh bashash ,
iss tarh apne gham ki, dawa ho raha hoon main !!

taskeen dil ki khatir wazoo, karke maen "seraj",
hamd-e khuda mein harfe , dua ho raha hoon main !!

seraj ki shayyiri

mausam bahaar mujhko bikherne nahin deta
tashna jigar hai, mujhko sanwarne nahin deta

ehsaas-e judaii mujhe jeene nahin deti
phir milne ka wada mujhe marne nahin deta

chahat tujhe pane ki huee deir se sozaan
zalim zamana had se guzarne nahin deta

chamki agarche barq mere hi makaan par
hai shukr Khuda, ghar ye ujadne nahin deta

har lafz kitabon ka tera aks liye hai
ek phool sa chehra mujhe padhne nahin deta

ek dost mera aaj bhi aesa hai ke "seraj"
rone bhi nahin, aah bhi bhar-ne nahi.n deta !

seraj ki shayyiri

hum tangii-e-hayaat ka charcha na karenge
zakhm-e jigar ko honton pe laya na karenge
likh likh ke khoon se soze jigar, chaak daamni
teri Qabar pe pyaar se rak-kha na karenge
roa lenge dil hi dil mein, pe awaaz na hogii
ashkon se apni chashm ko geela na karenge
seene ko peet peet ke aahein na bharenge
honton se kabhi ham tera shikwa na Karenge
tumko na aane denge kabhi khwaab gaah mein
hum khud bhi tere khwaab mein aaya na Karenge
koshish karenge bhoolne ki har tarah tujhe
tasweer teri phir kabhi dekha na Karen ge
bedaar karenge na ye aankhen tamaam raat
dil dekar ashk lene ka sauda na Karenge
jo kuchh likha hai pahle, wo ek soch hai "Seraj"
dar-asl mein ham kaam kuchh aesa na karenge

seraj ki shayyiri

meri jaan-o jigar si lagti hai
tu meri ham-safar si lagti hai
main hoon bimar-e mohabbat aye dost
tu magar be-khabar si lagti hai
waan to shabnam se sarfaraz hai gul
dil pe yaan aag barsi lagti hai
mere dil ki zamiin sooni hai
zindagi bhar ki tarsi lagti hai
meethhi baaton se door rahta hoon
ab ye mujhko, zahar si lagti hai
zakhm khaye hain itne seene par
aah lene mein , dar si lagti hai
ashk aankhon se bahe hain shayad
ye meri chashm, tar si lagti hai
mareez-e ishq ka ilaaj nahin
har dawa be-asar si lagti hai
aakhiri waqt mud ke dekha to
zindagi mukh-tasar si lagti hai
main Chiraagh-e Sehar ke jaisa "Seraj"
tu bhi najmus-sehar si lagti hai

seraj ki shayyiri

naghma-e pur-dard chheda maene iss andaaz se
khud bakhud padne lagii , mujh par nazar sayyaad ki