abid ali abid ki shayyiri

dil hai aaiina-e-hairat se do-chaar aaj ki raat
gham-e-dauran[sorrows of life] mein hai aks-e-gham-e-yaar[reflection of sorrow of separation] aaj ki raat
aatish-e-gul ko daaman se hawa deti hai
deedani hai ravish[behaviour]-e-mauj-e-bahaar aaj ki raat
aaj ki raat ka maehmaan hai malbuus[garments]-e-hariir[silk]
iss chaman-zaar mein ugate hain sharer[sparks of fire] aaj ki raat
maine farahad ki aagosh meiin shiriin dekhi
maine parwez ko dekha sar-e-daar[at the gallows] aaj ki raat
jo chaman sarf-e-khizan[in autumn's grasp] hain vo bulaate hain mujhe
mujhe fursat nahin ae jaan-e-bahaar aaj ki raat
dar-e-yazdaan[god] pe bhi jhukti nahin iss waqt jabiin
mujhse aankhen na ladaa aaj ki raat
mashaal-e-sher ka laaya hun chadhawa ‘abid’
jagmagaaten hain shahiidon ke mazaar aaj ki raat

abid ali abid ki shayyiri

chaand sitaaron se kya puchon kab din mere phirte hain
vo toh bechare khud hain bhikhari dere dere phirte hain
jin galiyon me.in ham ne sukh ki sej pe raaten kaati thin
unn galiyon mein vyaakul hokar saanjh savere phirte hain
roop-saroop ki jot jagana iss nagri mein zokhim hai
chaaron khuunt baguule ban kar ghor andhere phirte hain
jin ke shaam-badan saaye mein mera mann sustaya tha
ab tak aankhon ke aage vo baal ghanere phirte hain

koi hamen bhi ye samjha do unn par dil kyon reejh gaya
teekhi chitvan baanki chhab wale bahutere phirte hain
iss nagari mein baagh aur ban ki yaaro liila nyaari hai
panchi apne sar pe utha kar apne basere phirte hain
log toh daaman sii lete hain jaise ho jii lete hain
'abid' ham diwane hain jo baal bikhere phirte hain