be-raahravi

qaumon ko gumraah kiya hai
shayar ki be-raahravi[travel] ne

jab nazar aap ki ho gayi hai

jab nazar aap ki ho gayi hai
zindagii zindagi ho gayi hai
baraha bar-khilaf-e-har-ummid
dosti dushmani ho gayi hai
hai vo takamiil purakariyon ki
jo meri sadgi ho gayi hai
teri har pursish-o-meharbani
ab meri bekasi ho gayi hai
bhuul baitha hai tu keh ke jo baat
vo meri zindgi ho gayi hai
bazm mein aankh uthane ki taqsiir
ae 'firaq' aaj bhi ho gayi hai

najaane ashq se aankhon mein kyun hai aaye huye

najaane ashq se aankhon mein kyun hai aaye huye
guzar gaya zamana tujhe bhulaaye huye
jo manzilen hain toh bas rah-ravaan-e-ishq ki hain
vo saans ukhadi hui paanv dagmagaye huye
na rah_zanon se ruke raste mohbbat ke
vo qafile nazar aaye lute lutaaye huye
ab isske baad mujhe kuch Khabar nahin unnki
gham aashana huye apne huye paraaye huye
ye iztiraab sa kya hai ki muddaten guzari
tujhe bhulaye huye teri yaad aaye huye

firaq gorkhpuri ki shayyiri

ishq za-sar-ta-pa dil’sozan deed-e-tar
baahar-baahr paani
aag andhar-andhar
yaad badi daulat hai ye tasleem magar
usski waffein usski zaffein yaad na kar
shabnam mein dooba-dooba jaise gule-tar
aaiine mein aks-e-husn-e-haya’parvar
jaise koi soyi duniya jag uthe
usske badan ki lave’n hain ya nagmaat-sahar
shoal-o-shabnam chashke-rangiin subahe-chaman
shokhiye-e-pinah lab pa tabssum mazgaan’tar[bhigi palken]
ishq se bhi seene ki ghulvat aur gudaaz
bhehre-rangin rangin se bhi rangin’tar
vaadi ki hawaein chuumati rehti hain tujhko
kin sholon ne pala tujhko ae gule-tar
khwab hai shaair ka ya husne-lasaani
ya kade-mauju hai tera ya misra-e-tar
taza-ba-taza chehra-e-rangi daam ba-dosh[kandhe pe zulfe]
halka-v-halka gesu-e-mushkin ta-ba-qamar
kaz-kulhe zar’ri-qamre-nazuk-badane
guuncha-dahan duziza[tirchi] nigah pari-paikar
din dooba sangeet chida saaqi aaya
tare chhitke saaz baje khanke saagar
iss mein nihan hain naadan kitne davamo-sabaat
mana wakf-e-hasti bas ek rakes-shar’r[agni naach]
aalam-aalam hai hasti ka har aalam
duniya duniya hai duniya ka har manzar
sham se taari husn par ik bekhabari-si
pichle pehar se ishq ki halat nau-e-digar[badli hui]
mauze-sharab uthti hai jaise dard uthe
ji-bhar aaye jaise labalab hai saagar
yahi toh hai taamire-jahane-nau[naya sansar banana] ka waqr
aaj hai nazme-aalam kitna titar-bitar
kisne roka tujhko muhbbat karne se
phir bhi kehta hai ki muhbbat se bhi guzar
gham walon ko kaisa vatan kaisi gurbat
dil pardesh ka hai pardesh aur ghar ka ghar
amre-gaeb se azadi khud qaidbani
ishq vo zinda’an hai jis meindiwar na dar
soch le tu anjame-sukoote-majboori
husn ko ab ae ishq jayda na qayal kar
mauziza’haaye-sukoote-naaz[mehbob ke chup rehne ke chamtkar] ka kya kehna
nargise-jadu sab-kuch keh de baat na kar
saaqi jisse bale-aharman[shaitan ka bachcha] maange panah
aaj gale se utar gaya vo shola-e-tar
jisse hain aabaad do-alam aah-vo-ishq
jangal jangal sehra sehra khaak basar
aankhein khul hi gayin aakhir kitna sote
ae dil raat bohat baqi hai baaten kar
khaak-e-‘firaq’ kimiya hai zarra-zarra
soz-e-nihan ne koi
na rakhi kor-kasar

firaq gorkhpuri ki shayyiri

ishq ki duniya bhi vo duniya nahin
ab toh tera dard bhi utna nahin
intzaare-nargise-makhmoor dekh
ae muhbbat tere bas mein kya nahin
ahle-gham ko tera paimane-waffa
yaad toh kya hai magar bhoola nahin
inn jaffaon par teri ae husn-e-dost
kyun zaffaon ka guman hota nahin
tune sayyaaron[sitaron] ko samjha aaftab
bekhabar chingariyan shoal nahin
haath malte hain khuda aur aharman
tera ashiq deen-o-duniya ka nahin
tune apni bhi toh kuch parva na ki
lekin aisa toh koi karta nahin
hai yun-hi-si dil ko tashvishe-sahar[subah ki fikr]
tuule-shame-gham se ghabara nahin
maieel-bedaad[zulm par amada] vo kab tha ‘firaq’
tu ne ussko gaur se dekha nahin

firaq gorkhpuri ki shayyiri

ae dost teri raahon ke kari’n
ussko bhi bhatkte paaya hai
vo meri shabe-hizran jiski
aankhon mein andhera chaya hai
bas ye kehne par yaaron ne be-deen mujhe thhahraya hai
sab-a’ne-haqiqat[param sach] hai lekin ye bhi sach hai sab maya hai
khairo-shro-zulmo-noor[gud-bad lite-dark] par bhi shaitan ke par’on ka saaya hai
tune rage-jaan se kari’n ho ke kyon shokhi-e-pinah se mujhko
shehron-shehron bhatkaya hai mulkon mulkon bharmaya hai
fitrat soti hai khadkata hai pat’ta bhi nahin iss aalam mein
ye andheri aise mein kis shokh ne dar khadkaya hai
kal mujhse aur mere dil mein ta-der rahi sargoshi-si[whisper]
kuch maine usse samjhaya hai kuch ussne mujhe samjhaya hai
tanhai ki raaton mein aksar mujhko milvaya hai mujhse
uss waqt ye samjha main kya hun jab hizr mein jii ghabraya hai
mere izhare-tamnna par kyat ha irshade-zere-labi[dabi aawaz mein kehna]
kuch maine guzarish ki hai abhi kuch aap ne farmaya hai
yun zere-shafaq pau phat’ti hai
anfaase sahar[subah ki saans] ke jhurmat mein
jaise kisi shahide-rana[beautiful] ne
ghoonghat-sa zara sarkaya hai

firaq gorkhpuri ki shayyiri

ishq ki jab khata hui mujhse
zindgi toot kar mili mujhse
nigahe-naaz teri kuch ae dost
keh rahi thi abhi abhi mujhse
sheikh le taur-e-zindgi mujhse
laakh baaten thi kehne-karne ki
na hui ek baat bhi mujhse
ishq par darguzar karo na karo
ab toh ik baat ho gayi mujhse
aur toh aashki mein kya milta
apni hasti bhi chiin gayi mujhse
thi uddasi meri nashaat ki jaan
ronaqe-bazme-naaz thi mujhse
kar nazar ki issi tarah takmeel
kabhi auron se mil kabhi mujhse
arni-e-go-e-toor[hazrat mussa] se keh do
nazar ik shokh ki ladi mujhse
sabse rakh rabte-zihari ae dost
haan magar rabte-baatani mujhse
ishqe-teera-naseeb[dark fated love] ka hai ye kaul
hai do-alam mein raushni mujhse
nigahe sharmgi pa apni na ja
betakluf nahi abhi mujhse
na milega tujhe koi mujh-sa
hain kahan aaj adami mujhse
jisko khoon-e-jigar se pala tha
chiin gayi kyun vo zindgi mujhse
raat-din maut ki duayein hain
nibh chuki rasme-dosti mujhse
na mahe-nau ka zikr chhedun main
na vo abruu kare qazi mujhse
zindga-dar-gauro-zinda-e-javed
khalq paati hai zindgi mujhse
keh diya aaj dost se sab kuch
lekin ik baat reh gayi mujhse
jaise ke hi nahin idhar pehle
nigahe-yaar yun phiri mujhse
main khud apna hi dost kab hun ‘firaq’
kya kaare koi dosti mujhse

firaq gorkhpuri ki shayyiri

ab khatam ho itaab[gussa] kahin reham aa chuke
gustakhe-ishq khoon mein apne naha chuke
kab se larz rahi hai fiza qaynaat ki
ae husne-sharmsaar
tujhe sharm aa chuke
ab mavra-e-mehv gumaan hai sukoot[chup rehna]-e-husn
vo sun chuke fasana-e-gham hum suna chuke
ae dil kahan ki baat nikli ki ab unnhen
agle dinon ke lutfo-karam yaad aa chuke
unnka bhi kaif-tamqanate[ahm ka nasha]-husn badh gaya
apne bhi naale arsh
ke pa’ye hila chuke
jaldi bhi hai payam pohnchne ka darr bhi hai
paigambhar payam ko
le kar na ja chuke
taqdeer mein har ik ki ya barqe-ada nahin
tujh par vo ae ‘firaq’-e-hazin[dukhi muskura chuke

firaq gorkhpuri ki shayyiri

aane do waqt hogi bahare-chamn ki baat
ahle-vatan abhi na uthayen vatan ki baat
har baar ik ada-e-tagafulnuma[opekhsa] ke saath uss ankh ne kahi kisi ahde-kuhan ki baat[old time] ki baat
raaton ki khamoshi mein ba-har-ushva-e-nuzum[sitaro ki ada]
suntan hun main tere nigahe-kamsukhan ki baat
afsanago ko yaad nahin khatam-e-dastan
chedi hai ussne zulf-e-shikan-dar sikhan ki baat
meri ghazal nava-e-mayani-e-zindgi
aish-o-tarab ki baat na ranj-o-mahan[dukh-dard] ki baat
hai ankhdiyon ki sham mein duniya ki dastan
honto ki subah-nau mein hai baage-adan ki baat
aa jaaye kaash meri nava-e-hayat mein
tere kharame-naaz ke aahistapan ki baat
ab zindgi-e-ishq mein vo tazgi kahan
buu-e-parida[udti hui khusbhu] hai kisi gul-pairhan ki baat
janazion ke aur tariqe hazar hain
kyun baar-baar chadiye dar-o-rasan ki baat
hum toh har imtiyaaz mitane ko aaye hain
muddat hui hai bhool chuke ma-o-mann ki baat
har-ek ke paas husne-zabano-bayan sahi
lekin kahan se laaye koi mere fan ki baat
tare hain aabdeeda dile-aasman gudaaz
pohnchi hai door tak mere shero-sukhan ki baat
mumkin hai dared-shame-garibaan behal sake
chhedi hai dil ne doori-e-ahle-vatan ki baat
ae ahle-hind tumne suni ya suni nahin
har mushte-khaake-hind mein dard-vatan ki baat
vo dekh usske paas khinche aa rahe hain log
har baat hai ‘firaq’ ki ek anzuman ki baat

firaq gorkhpuri ki shayyiri

zulfe-siyah khutan-khutan
jalwa-e-rukh chaman chaman
haaye ye shokhiye-sukhan
baat mein baat kan mein kan

puch zamire-ishq se raze-khuda-o-aharman[God of bad]
har shabe-gham guzar gayi odhe sitaron ka kafan
yaad nahin ki kab hua nassha-e-sarkhushi hiran
khud hi hai dastane-shaunq tera zamal-e-besukhan
sab hai karisma-e-ana khan a farebe-ma-o-mann
jalwe nahin ye chehre hain tu hai khud ek anzumann
shair se bhi lateef’tar usski nazakate-badan
hai shabe-maikada ki jaan nargishe-sad payala-jan
aankh tilisme-sham hai ya koi aahoo-e-khutan
masti-e-ishq sar-basar nassha-e-baada-e-kuhan
majhabo-millto-nizaam badlenge ye zaman-zaman
ishq ho aur badguman rooth ke iss ada se mann
hai ye khitabe-naaz ya uddte hain barge-yaasmann
tere kharme-naaz mein thandi hawaon ka chalan
khusbhu’ye jaise muskuraye puch na nazuki-e-tan
jaise faza pachhade khaye haaye ye bu-e-pairhan
kiske ye azv-azv[ang-ang] se aati hai khusbhu-e-badan
krishan ki bansuri se dekh satah-e-jaman shikan –shikan
main hun ‘firaq’ khud hi laakh
anzumanon ki anzuman

firaq gorkhpuri ki shayyiri

jaane kya baat hai kis cheez ki yaad aati hai
sham ko sun lo mere ashaar ke zero-bam[onch-niich] mein
dile-geti[earth’s heart] ki dhadkane ki sada aati hai
yaad unn zulfon ki aati hai rahe-gurbat mein
bejagah aaj mujhe raat hui jaati hai
gesuon ki koi lat hai ki faza-e-dil mein
ek parchai-si reh-reh ke machal jaati hai
iss haya ka teri ae jaane-hayat kya kehna
ki teri yaad bhi aate huye sharmati hai
ho bhala bekhudi-e-gham ka ki ab toh mujhko
mudaton baad kahin meri khabar aati hai
teri raa’naai’e’qamat[beauty of body] ke dam-e-shair-e-chamn
shakh-e-gul bagh mein reh reh ke lach jaati hai
kuch na kuch waqt bhi kat jaata hai ro lene se
aur yakguuna tabiyat bhi sambhal jaati hai
koi dukhta hua dil hai ki ghazal hai meri
apna dukh-dard kahani-si kahe jaati hai
subah aaiina dikhati hai faza ko jis waqt
saaf iss mein teri tasveer nazar aati hai
shaadmani mein bhi aa jaate hain waqf’fe[time]
dil mein sadiyon ki dabi chott ubhar aati hai
sar-b-sar raaz hui jaati hai hasti apni
zindgi door ki awaaz hui jaati hai
ishq mein kaun thi vo baat mujhe yaad nahin
zindgi aaj jise soch ke pachtati hai
himmat ae ahl-e-vatan yaad rahe qamon ki
dekhte dekhte taqdeer palat jaati hai
zindgi ishq ki kya puchhte ho kya hai ‘firaq’
maut hi maut harik samat nazar aati hai

firaq gorkhpuri ki shayyiri

jaulgahe-hayaat[touch of wind] kahin khatam hi nahin
manzil na kar hadood se duniya bani nahin
mana kit ere lutf-o-karam mein kammi nahin
aasan iss qadar toh teri dosti nahin
jis paikar-e-nishat ki rag-rag dukhi nahin
usski khushi ko gaur se dekho khushi nahin
kuch thokare toh kha chamak uthegi manzilen
pa’-e-talab ki fikr-e-salaam’tarvi nahin
kal tujhse chhutne ki khabar ho rahegi raaz
lekin ye baat aaj kisi se chhipi nahin
hum dekh kar bhi dekh saken husn-e-yaar ko
itni taveel[long] fursat-e-nazzaargi nahin
kab dekhiye dilon ko mile izn-e-yaas[niraasha] bhi
beganavar kehti hai vo aankh abhi nahin
tere karam se bhi na hui kam fasurdgi[udasi]
shayad teri khushi bhi hamaari khushi nahin
taarikh-e-zindgi ke samjh kuch muhrqaat[prerana]
majboor itni ishq ki bechargi nahin
kisne haqiqaton ke khazane luta diye
bemaya iss qadar meri bemaayegi nahin
kuch aaj bhi hai garm-o-munvvar faza-e-dahr
afsurdga itni ishq ki afsurdgi nahin
haan ae nigah-e-yaar na badzan ho ishq se
ye behisi toh mana-e-ranj-o-khushi nahin
hassas kam nahi hai muhbbat bhi aur yun
ussko gham-o-nishat se dilbastgi nahin
bekhud-se thay toh waqt ka ye fareb tha
hum aur tujhko dil se bhula den kabhi nahin
hum ghamzadon ki guftgu-e-talkh par na ja
‘qismat buri sahi pa’ tabiyat buri nahin’
takleef-e-hizr ko na bana aish-o-javinda
gham ki shab-e-daraaz bhi tini badi nahin
mehshar ka izdehaam[crowd] nazar ka fareb tha
apne siva vahan bhi jo dekha koi nahin
neend aa chali hai anjum-e-sham-e-abad ko bhi
aankh ahl-e-intzar ki ab tak lagi nahin
kuch jhilmilahat hain shabistane-dahar mein
shama-e-hayat sarsare-gham se bujhi nahin
vo ishq hai jo manzil-e-har inqalab hai
niyat nigahe-yaar ki badli hui nahin
kab sarkhushi bhi vajah-e-sukoon ban saki magar
achcha kuch iss qadar gham-e-aasudgi nahin
baad-e-bahar dekh ke kis tarah ye kahen
rangiinon ki jaan teri sadgi nahin
ae dost yun toh hum teri hasrat ko kya kahen
lekin ye zindgi toh koi zindgi nahin
mehfoos jot hi chashm-e-zamanon-makaan se bhi
vo zindgi bhi teri nazar se bachi nahin
gaflat hayat-e-ishq ki chaunki hui-si hai
ab paasban-e-umr-e-rawaan maut bhi nahin
ae ishq kaarvaane-do’aalam bichad gaye
ae khizan-rah ye toh koi rahbari nahin
ye kaifiyat sukoon-e-sahar mein kahan ki hai
vo sham hai jo subah bhi ho kar kati nahin
shamen kisi ko mangati hain aaj bhi ‘firaq’
go zindgi mein yun mujhe koi kammi nahin

firaq gorkhpuri ki shayyiri

jo baat hai hadh se badh gayi hai
waaiz ke bhi kitni chadh gayi hai
hum toh kahenge teri shokhi
dabne se kuch aur badh gayi hai
har shai ba naseem-e-lams-e-nazuk[touch of wind]
barg-e-gul-e-tar se badh gayi hai
jab-jab vo nazar uthi mere sar
lakhon ilzaam madh gayi hai
tujh par jo padi hai ittfaagan
har aankh doord[dua ka mantr] padh gayi hai
sunte hai kip echo-kham nikal kar
uss zulf ki raat badh gayi hai
jab-jab aaya hai naam mera
usski tevari-si chadh gayi hai
ab muft na denge dil hum apna
har cheez ki qadar badh gayi hai
jab mujhse mili ‘firaq’ vo aankh
bar baar ik baat gadh gayi hai

firaq gorkhpuri ki shayyiri

ghazal ke saaz uthao badi uddas hai raat
nava-e-‘meer’ sunao badi uddas hai raat
nava-e-dard mein ik zindgi toh hoti hai
nava-e-dard mein ik zindgi toh hoti hai
nava-e-dard sunao badi uddas hai raat
uddasiyon ke zo humraz-o-humnafas thay kabhi
unnhe na dil se bhulao badi uddas hai raat
jo ho sake toh idhar ki bhi raah bhool pado
sanam-kade ki hawaon badi uddas hai raat
kahen na tumse toh phir aur za ke kis se kahen
siyah zulf ke saayo badi uddas hai raat
pada hai saaya-e-gham jab hayyat-e-insan par
vo dastan bhi sunao badi uddas hai raat
abhi toh zikr-e-sahar doston hai door ki baat
abhi toh dekhte jaao badi uddas hai raat
suna hai pehle bhi aise mein bhujh gaye hain chirag
dilo ki khair manao badi uddas hai raat
diye raho yun hi kuch aur der haath mein haath
ab na paas se jaao badi uddas hai raat
koi shumaar bhi rakhti hain zulmaton ki teh’en
batao gham ki ghatao badi uddas hai raat
koi keho ye khayalon se aur khwabon se
dilon se door na jaao badi uddas hai raat
karo jo gaur toh radd-o-kubool yaksaan hain
dilon se nikli duaao badi uddas hai raat
ygaanagi ho ki diwangi ho sab dhoka
suno sab apne parao badi uddas hai raat
samet lo ke bade kaam ki hai daulat-e-gham
isse yunhi na ganvao badi uddas hai raat
base huye hain kisi ke jo lams-e-rangin se
vo bistare na lagao badi uddas hai raat
issi khandhar mein kahin kuch diye hai toote huye
innhi se kaam chalo badi uddas hai raat
liye huye hain jo beete ghamon ke afsane
vo jindgi hi bulao badi uddas hai raat
bharam nashato-tarb[khushi ke geet] ken a aur khul jaayen
mai-o-ayyag[payala] badhao badhi uddas hai raat
do aatsha na bana de usse nava-e-‘firaq’
ye saaz-e-gham na sunao badi uddas hai raat

firaq gorkhpuri ki shayyiri

khudnuma ho ke nihan chhup ke numayaan hona
algarz husn ko ruswa kisi unwan hona
yun toh akseer hai
khaak-e-dar-e-jaana
lekin
kaavish-e-gham[dukh ki khoj] se usse garish-e-dauran hona
hadh-e-tumkin se na
bahar hui khuddar
nigah
aaj taka a na saka husn ko hiran hona
caragar dard sarapa
hun mere dard nahi
baavar aaya tujhe nashtar ka raag-e-jaan hona
daftar-e-raaz-e-muhbbat
tha malaal-e-dil
par
vo sukoote nigah-e-naaz ka pursaan hona
sar-basar barq-e-fana
ishq ke jalwe hain
‘firaq’
khan-e-dil ko na aabad na viraan hona

firaq gorkhpuri ki shayyiri

kuch bhi ayaan-nihaan[saamne-gupt] na tha, koi zamaan-makaan na tha
der thi ek nigah ki phir ye jahan jahan na tha
saz vo katre katre mein soz vo zarre-zarre mein
yaad teri kise na thi dard tera kahan na tha
ishq ki aazmishein aur fizaaon mein hui
paanv tale zamiin na thi sar pa’ ye aasman na tha
soz-e-nihaan mein vo qarar qalb-e-tapaan mein vo safa[pavitar]
shoal toh tha tadap na thi aag toh thi dhuwan na tha
ishq harim-e-husn mein apne sahare reh gaya
sabr ka bhi pata na tha hosh ka bhi nishaan na tha
kiske hawas se baza kaun tha apne hosh mein
waqt-e-bayan koi mayal-e-dastan na tha
dekh faza-e-dahar ko kaif-adam se bhar diya
ae dil-e-dard-aashna mit ke bhi main kahan na tha
jalwa-e-taabazma kayal-e-ishq ho gaya
thin a sada-e-alzahar[darr ki pukar] nara-e-alamaan[call for safty] na tha
ek ko ek ki khabar manzil-e-ishq mein na thi
koi bhi ahl-e-karwan shamil-e-karwan na tha
gaflat-e-husn jag uthi aur zaban-e-ishq par
aah na thi fugan na tha naara-e-almaan na tha
khilvatiyaz-e-raaz se haal-e-vasal-e-yaar puuch
husn bhi benaqab tha ishq bhi narmiyaan na tha
ab na vo purshishe qaram ab na vo chashm-e-aashna
shikva-e-ishq bartaraf tumse toh ye gumaan na tha
shikva-e-darguzarnuma kyun hai ki husn-ishq se
itna toh badguman na tha itna toh sargraan na tha
teri khushi ki yaad rakh teri khushi ki bhool ja
tujhse zara bhi badguman aalm-e-raftgaan na tha
sabr-o-sukoon ke raaz kuch baton mein khool gaye magar
ishq ko bhi khushi na thi husn bhi shadman na tha
phir bhi sukoon-e-ishq par aankh bhar aayi barha
go gham-e-hizr bhi ‘firaq kuch gham-e-zafindan na tha

firaq gorkhpuri ki shayyiri

hawaye-jawani ke jhonke na pucho
‘firaq’ iss hawa mein na jaage na soye

firaq gorkhpuri ki shayyiri

kabhi pichli raat ko yak-ba-yak jo hawaien-sard idhar aa gayi
mujhe khud bhi ho na saki khabar teri yaad aansu baha gayi

firaq gorkhpuri ki shayyiri

ishq ke kuch lamhon ki qeemat ujle ujle aanshu hain
husn se jo kuch bhi paaya tha kaudi kaudi ada kiya

firaq gorkhpuri ki shayyiri

suno mujhse asrar-e-aalam[secret of world] ki maine
khabar hai kuch muhbbat ki ? badi takleef hoti hai !