azra adil rashid ki shayyiri

ik tum ke dil mein dard kisi gaiir ke liye
ik ham ke dard ban gaye khud aap ke liye
ham apne aashiyane mein tere muntazir
tum tinke chun rahe thay kisi aur ke liye
ham jaante hain dil mein tumhare nahin hain ham
jo khat tumhari aankhon mein thay hamne padh liye
gham hai ke tune luut liya aitamaad ko
ik daag de diye hain hamen umr ke liye
qaatil ki iss ada pe bhi qurbaan jaaye
khud de ke zahar aankhon mein aansu bhi bhar liye
thi kaun si khata ke mili jis ki ye sazaa
hamne toh umr bhar tere nqash-e-qadam liye
‘azra’ ye maana bojh hai ab tujhpe zindgi
par zindgi toh teri nahin hai tere liye

azra adil rashid ki shayyiri

khizan ke rang mein abhi bahaar baaqi hai
chirag-e-sahar hai par intzaar baaqi hai
hamen salaam karo ae havaadis-e-dauran
tumhare saath hain phir bhi qaraar baaqi hai
guzar chuka hai ummiidon ka qaafila kab ka
raah-e-yaqiin pe ab bhi gubaar baaqi hai
hamen pukaar lo jab chaaho ham milenge vahin
mile hain khaak mein lekin vaqaar baaqi hai

azra adil rashid ki shayyiri

zulm ke paaon se jo phuul masal jaate hain
khaar ban kar vahi patthar pe nikal aate hain
phir bahaaron ki zaruurat nahin rehti unnko
ye khizan mein bhi badi shaan se khil jaate hain
guunche vo milti nahin hai jinhen aagosh koi
vahi mit’te hain toh kiichad mein kamal aate hain
dabdabaai hui aankhon mein na aannkhen daalo
inn mein tufan hain chhed se machal jaate hain
vo jo kal raunaq-e-faanuus thi aiwaan ke liye
aaj uss shamma se aiwaan dahal jaate hain
dhuup thi tez toh saaye bhi thay paron ke tale
isske dhalte hi rukh innke bhi badal jaate hain
hamne samjha hai zamaane ko badi der ke baad
ye vo khanjar hain jo apno pe bhi chal jaate hain
hamko aata nahin zakhmon ki numaaish karna
khud hi rote hain tadapte hain behal jaate hain
jo samajhte hain hawabis ko vo khilone ki tarah
unnse tufan bhi bach-bach ke nikal jaate hain
azm-wale kabhi himmat nahin haara karte
ashq 'azra' ke ye keh keh ke sambhal jaate hain

azra adil rashid ki shayyiri

khizaan ke rang mein abhi bahaar baaqi hai
chirag-e-sahar hai par intzaar baaqi hai
hamen salaam karo ae havaadis-e-dauran
tumhare saath hain phir bhi qaraar baaqi hai
guzar chuka hai ummiidon ka qafila kab ka
raah-e-yaqiin pe ab bhi gubaar baaqi hai
hamen pukaar lo jab chaaho ham milenge vahin
mile hain khaak mein lekin vaqaar baaqi hai

azra adil rashid ki shayyiri

ik tum ke dil mein dard kisi gair ke liye
ik ham ke dard ban gaye Khud aap ke liye
ham apne aashiyane mein tere muntazir
tum tinke chun rahe thay kisi aur ke liye
ham jaante hain dil mein tumhare nahin hain ham
jo khat tumhari aankhon mein thay ham ne padh liye
gham hai ke tune luut liya aitamaad ko
ik daag de diye hain hamen umar ke liye
qaatil ki iss ada pe bhi qurbaan jaaye
Khud de ke zahar aankhon mein aansu bhi bhar liye
thi kaun si khata ke mili jis ki ye saza
hamne toh umar bhar tere nqash-e-qadam liye
'azra' ye mana bojh hai ab tujhpe zindgi
par zindgi toh teri nahin hai tere liye