momin ki shayyiri

tasalli dam-e-vapsi[last] ho chuki
hamin ho chuke jab nahin ho chuki

momin ki shayyiri

uljhe hain paaon yaar ke zulf-e-daraz mein
lo aap apne daam mein sayyad aa gaya

momin ki shayyiri

jalta hun hijr-e-shahid-o-yaad-e-sharab mein
shauq-e-savaab ne mujhe dala azaab mein
kehte hain tumko hosh nahi iztaraab mein
saare gile tamaam huye ek javaab mein
pehli shamiim-e-yaar mere ashk-e-surKh se
dil ko gazab fishaar hua pech-o-taab mein
rehte hain jama kuuchaa-e-jaanaan mein khas-o-aam
aabad ek ghar hai jahan-e-kharab mein
badanam mere giriya-e-rusava se ho chuke
ab uzr kya raha nigah-e-behijab mein
matlab ki justaju ne ye kya haal kar diya
hasrat bhi nahi dil-e-nakamayab mein
nakamiyon se kaam raha umr bhar hamen
pirii me yaas hai jo havas thi shabab mein
kya jalwe yaad aaye ke apani Khabar nahi
be-baada mast hu main shab-e-mahtab mein
paiham sajuud pa-e-sanam par dam-e-vida
'momin' khudaa ko bhuul gaye iztarab mein

momin ki shayyiri

maar hi daal mujhe chasm-e-ada se pehle
apani manzil ko pahunch jauun qaza se pehle
ik nazar dekh lun aa jaao qaza se pahale
tumse milane ki tamana hai khuda se pehle
hashr ke roz main puchhunga khudaa se pehle
tune roka nahin kyun mujhko khata se pehle

momin ki shayyiri

uss naqsh-e-paa[footprint] ke sajde ne kiya kya kya zaleel[humiliate]
kucha-e-raqeeb mein bhi sar ke bal gaya

momin ki shayyiri

taab[courage]-e-nazaara nahin aaiina kya dekhne dun
aur ban jaayenge tasveer jo hairaan honge

momin ki shayyiri

main ehavaal[kahani]-e-dil marr gaya kehte kehte
thake tum na "bas, bas, suna !" kehte kehte
mujhe chup lagi mud'daa kehte kehte
ruke hain vo jaane kya kehte kehte
zabaan gang[dumb] hai ishq mein gosh kar hai
bura sunate sunate bhala kehte khete
shab-e-hizr mein kya hajuum-e-bala hai
zabaan thak gayi marhaba kehte kehte
gila harzaa-gardi ka bejaa na tha kuch
vo kyun muskuraye baja kehte kehte
sad[100] afsoos jaati rahi wasl ki shab
"zara thehar ae bewaffa" kehte kehte
chale tum kahan maine toh dam liya tha
fasana dil-e-zaar ka kehte kehte
sitam haaye ! garduun mufassil na puchho
ke sar phir gaya majara kehte kehte
nahin ya sanam 'momin' ab kufr se kuch
ke khu ho gayi hai sada kehte kehte

momin ki shayyiri

jaan na kha, wasl-e-uud[dushman] sach hi sahi, par kya karun
jab gila karta hun humdam, veh kasam kha jaaye hai

momin ki shayyiri

gair ke humraah voh aata hai main hairaan hun
kiske istikabaal ko jii tan se mera jaaye hai

momin ki shayyiri

meri fariyaad sun kehta hai israafeel[farishta] hairat se
qaymat aa gayi kyunkar, ye gul kaisa zamiin par hai

momin ki shayyiri

tu kahan jayegi kuch apna thikana kar le
hum toh kal khwab-e-adam[shortage] mein shab-e-hizran honge

momin ki shayyiri

naavak andaaz jidhar deeda-e-jaana honge
neem-bismil[almost dead] kai honge, kai bejaan honge
momin

momin ki shayyiri

khabar nahin ki usse kya hua, par uss dar par
nishnepa[foot-mark] nazar aata hai naambar ka sa