makhdoom moinuddin ki shayyiri

phir chhedi raat baat phuulon ki
raat hai yaan baraat phuulon ki
phuul ke haar phuul ke gajare
shaam phuulon ki raat phuulon ki
aap ka saath saath phuulon ka
aap kii baat baat phuulon ki
phuul khilte rahenge duniya mein
roz nikalgi baat phuulon ki
nazaren milti hain jaam milate hain
mil rahi hai hayat phuulon ki
ye mahakti hui gazal 'makhdoom'
jaise sahara mein raat phuulon ki

makhdoom moinuddin ki shayyiri

ishq ke shole ko bhadakaao ke kuch raat kate
dil ke angaar ko dahakaao ke kuch raat kate
hizr mein milane shab-e-maah ke gam aaye hain
charasazon ko bhi bulavaao ke kuch raat kate
chshm-o-rukhsar ke azagaar ko jaari rakho
pyar ke nagme ko doharaao ke kuch raat kate
koh-e-gam aur garaan aur garaan aur garaan
ghamza-o-tesh ko chamakaao ke kuch raat kate

makhdoom moinuddin ki shayyiri

raat bhar deeda-e-gam-naak mein leharate rahe
saans ki tarah se aap aate rahe, jaate rahe
khush thay ham apni tamnnaon ka khwab aayega
apna armaan bar-afganda[beparda] naqaab aayega
nazaren neechi kiye sharmaye huye aayega
kaakulen chehre pe bikharaye huye aayega
aa gayi thi dil-e-muztar mein shakebaai si
baj rahi thi mere gam-khane mein shahanaai si
shab ke jaage huye taaron ko bhi neend aane lagi
aap ke aane ki ik aas thi ab jaane lagi
subah ne sej se uthate huye li angadaaii
o saba tu bhi jo aayi toh akele aayi
mere mehbuub meri neend udane wale
mere masajuud meri ruuh pe chhane wale
aa bhi ja taake mere sajadon ka aramaan nikle
aa bhi ja ke tere qadamon pe meri jaan nikle

makhdoom moinuddin ki shayyiri

raad[thunder] hun barq[lightning] hun bechaiin hun para[mercury] hun main
khud-parastar[self-respecting], khud-agah[self-knowing], khud-aara[saw] hun main
gardan-e-zulm kate jis se vo aaraa hun main
khirman[field]-e-jaur[oppression] jalade vah sharara[spark] hun main
meri fariyad par ahal-e-davil[rich people] angusht bagosh[fingers in their ears]
laa tabar[axe] khuun ke dariya mein nahane de mujhe
sare pur nakhuvat-e-arbaab-e-zamaan toh.dunga
shor-e-naala se dar-e-araz-o-saman todunga
zulm paravar ravish-e-ahal-e-jahan todunga
isharat[pleasure] aabad amarat ka makan todunga
tod daalunga main zanjiire asiiraan[prisoner]-e-qafas[cage]
dahar ko panj-e-asarat se chhudane de mujhe
barq ban kar buut-e-maazii ko girane de mujhe
rasm-e-kuhana ko teh-e-khaak milane de mujhe
tafriqe mazahab-o-millat ke mitaane de mujhe
khwab-e-farda ko bas ab haal banane de mujhe
aag hun aag hun haan! dahakati hui aag
aag hun aag bas ab aag lagaane de mujhe

makhdoom moinuddin ki shayyiri

aap ki yaad aati rahi raat bhar
chshm-e-nam muskurati rahi raat bhar
raat bhar dard ki shamma jalti rahi
gham ki lau thartharati rahi raat bhar
baansuri ki surili suhaani sada
yaad ban ban ke aati rahi raat bhar
yaad ke chaand dil mein utarte rahe
chandni jagmagati rahi raat bhar
koi diwana galiyon mein phirta raha
koi aawaz aati rahi raat bhar