habib jalib ki shayyiri

ye aur baat teri gali mein na aayen ham
lekin ye kya ki shahr tera chhod jaayen ham
muddat hui hai ku-e-butaan ki taraf gaye
aawaargi se dil ko kahan tak bachayen ham
shayad ba_qaid-e-zeest ye saa'at[moment] na aa sake
tum dastan-e-shauq[within the prison of life (while alive)] suno aur sunaayen ham
benuur ho chuki hai bahut shahr ki faza
taariik[dark] raaston mein kahin kho na jaayen ham
usske bagaiir aaj bahut jii udaas hai
'jalib' chalo kahin se usse dhuundh laayen ham

habib jalib ki shayyiri

iss shahr-e-Kharabi mein gham-e-ishq ke mare
zinda hain yahi baat badii baat hai pyare
ye hansata hua chaand ye purnuur sitare
taabinda-o-paa_inda[burning bright and eternally] hain zarron ke sahare
hasart hai koi guncha hamen pyar se dekhe
araman hai koi phuul hamen dil se pukare
har subah meri subah pe roti rahi shabnam
har raat meri raat pe hansate rahe taare
kuch aur bhi hain kaam hamen ae gham-e-jaana
kab tak kii ulajhi hui zulfon ko sanvaare

habib jalib ki shayyiri

dil ki baat labon par la kar ab tak ham dukh sehte hain
ham ne suna tha iss basti mein dil wale bhi rehte hain
beet gaya sawan ka mahina mausam ne nazaren badali
lekin inn pyaasi aankhon mein ab tak aansu behte hain
ek hamen aawara kehna koi bada illzam nahin
duniya wale dil waalon ko aur bahut kuch kehte hain
jis ki khatir shahr bhi chhoda jis ke liye badnaam huye
aaj wahi ham se begane begane se rehte hain
vo jo abhi rahguzar se chaak-e-gareban guzara thaa
uss aawara diwaane ko 'jalib'-'jalib' kehte hain