shamim jaipuri ki shayyiri

ba-waffai[fidelity] ki ada paane laga hun tujh mein
ae jaffa-dost[unfaithful frd] ye kya dekh raha hun tujh mein
tu dariya hai ke jiska koi saahil hi nahin
main safeene ki tarah doob gaya hun tujh mein
tere chehre se hataai nahin jaati nazren
kya khabar der se kya dekh raha hun tujh mein
mera daava hai ke tune bhi na dekhe honge
aise jalwe ke jo main dekh raha hun tujh mein
paas itna ke teri saanson se takraati hai saans
duur itna ke tujhe dhuundh raha hun tujh mein
bewaffa teri zubaan par ye waffa ki baaten
aisa lagta hai ke main bol raha hun tujh mein

shamim jaipuri ki shayyiri

tere karam ki aas lagaye
kab se hun daaman phelaye
meri fughan se ghul mach jaaye
ayr unnhe ilzaam na aaye

jaan bhi de dun unn qadmon par
phir vo zamana aaye na aaye
ishq mein chahe jaan bhi jaaye
unnpe magar ilzaam naa aaye
abr-o-baharan bada-o-saghar
duniya aayi , aap na aaye
vo manzil se door hi achche
jinko manzil raas na aaye

shamim jaipuri ki shayyiri

raham ae gham-e-jaanaan baat aa gayi yaan tak
dasht-e-gardish-e-dauran aur mere gareban tak
kaun sar ba kaf hoga, jashn-e-daar kya hoga
zoq-e-sarfaroshi hai ek dushman-e-jaan tak
hamasafeer phir koi hadasa hua shayad
ik sajab udasi hai gulsitan se zindan tak
hamnashin baharon ne kitne aashian phuunke
hum toh kar hi kya lete, so gaye nigehban tak
ik hum hi lagayenge khaar-o-khas ko seene se
varna sab chaman mein hain, mausam-e-bahaaran tak
mere dastak-e-vahshat ko aaj rok lo varana
fasila bahut kam hai haath se gareban tak
hai ‘shamim’ azal hi se silsila muhbbat ka
halqa-e-salasil se gesoo-e-pareshan tak

shamim jaipuri ki shayyiri

tera jalwa nihayat dil_nashin hai
muhbbat lekin isse bhi hasin hai
junoon ki koi manzil hi nahin hai
yahan har gaam, gaam-e-avvalin hai
suna hai yun bhi aksar zikr unnka
ki jaise kuchh talluq hi nahin hai
maseeha ban ke jo nikle thay ghar se
lahu mein tar unnhin ki aastin hai
main raah-e-ishq ka tanha musafir
kise aawaz dun, koi nahin hai
‘shamim’ ussko kahin dekha hai tumne
suna hai vo rag-e-jaan ke qariin hai