ishq

ishq dil mein rahe toh ruswa ho
lab pe aaye toh raaz ho jaaye

sabhi kuch hai tera diya hua

sabhi kuch hai tera diya hua sabhi raahaten sabhi kalafaten
kabhi sohabaten kabhi furqaten kabhi duuriyan kabhi qurbaten
ye sukhan jo hamne raqam kiye ye hain sab waraq teri yaad ke
koi lamha subah-e-wisal ka, kai sham-e-hizr ki qurbaten
jo tumhari maan len nasiha toh rahega daaman-e-dil mein kya
na kisi udu ki adavaten na kisi sanam ki muravvaten
chalo aao tumko dikhaayen ham jo bacha hai maqtal -e-shahr mein
ye mazar ahal-e-safa ke hain ye hain ahal-e-sidq ki turbaten
meri jaan aaj ka gham na kar, ke na jaane kaatib-e-waqt ne
kisi apne kal mein bhi bhuul kar kahin likh rakhi ho masarraten

ham par tumhari chah ka ilzam hi toh hai

ham par tumhari chah ka ilzam hi toh hai
dushnaam toh nahin hai ye ikraam hi toh hai
karte hain jis pe taa'n, koi zurm toh nahin
shauq-e-fuzuul-o-ulfat-e-nakaam hi toh hai
dil muddai ke harf-e-malaamat se shaad hai
ae jaan-e-jaan ye harf tera naam hi toh hai
dil na-ummiid toh nahin, na-kaam hi toh hai
lambi hai gham ki sham, magar sham hi toh hai
dast-e-falak mein, gardish-e-taqadiir toh nahin
dast-e-falak mein, gardish-e-ayyam hi toh hai
akhir toh ek roz karegi nazar waffa
vo yaar-e-khush_khasaal sar-e-baam hi toh hai
bheegi hai raat 'faiz' ghazal ibtida karo
waqt-e-sarod dard ka hangam hi toh hai

sham-e-firaaq ab na puchh aayi aur aa ke tal gayi

sham-e-firaaq ab na puchh aayi aur aa ke tal gayi
dil tha ke phir bahal gaya, jaan thi ke phir sambhal gayi
bazm-e-khayal mein tere husn ki shama jal gayi
dard ka chaand bujh gaya, hizr ki raat dhal gayi
jab tujhe yaad kar liya, subha mahak mahak uthi
jab tera gham jaga liya, raat machal machal gayi
dil se toh har muamla karke chale thay saaf ham
kehne mein unnke samne baat badal badal gayi
aakhir-e-shab ke hamsafar 'faiz' na jaane kya huye
reh gayi kis jagah saba, subha kidhar nikal gayi

faiz ahmed faiz ki shayyiri

kabhi kabhi yaad mein ubharte hain naksh-e-maazi mite mite se
vo aazmaish dil-o-nazar ki, vo qurbaten si, vo faasle se
kabhi kabhi aarzu ke sahra mein aa ke rukte hain kaafile se
vo saari baatein lagaav ki si, vo saare unwaan wisal ke se
nigah-o-dil ko qaraar kaise nishat[kushi]-o-gham mein kabhi kahan ki
vo jab mile hain toh unnse har baar ki hai ulfat naye sire se
tumhi kaho rind-o-muhatsib mein hai aaj shab kaun fark aisa
ye aapke baithe hain maikade aaye hain maikade se

faiz ahmed faiz ki shayyiri

raqeeb se

aa ki vabasta hai uss husn ki yaadein tujhse
jisne iss dil ko parikhana bana rakha tha
jiski ulfat mein bhula rakhi thi duniya humne
dahar ko dahar ka afsana bana rakha hai
aashna hai tere qadmon se vo raahen jin par
usski madhosh jawani ne inayat ki hai
karwan guzre hain jinse ussi raa’ naayi ke
jiski inn ankhon ne besood ibadat ki hai
tujhse kheli hain vo mehboob hawayein jin mein
usske malbuus[cloths] ki afsurda[udas] mehak baqi hai
tujh pe bhi barsa hai uss baam mein mehtaab ka noor
jis mein beeti hui raaton ki kasak baqi hai
tune dekhi hai vo peshani[matha] vo rukhsar[gaal] vo hont
zindgi unnke tasvvur mein luuta di humne
tujhpe uthi hai vo khoi hui saahir aankhein
tujhko maalum hai kyun umar ganwa di humne
hum pe mushtarika hai ahsan gham-e-ulfat ke
itne ehsan ki ginvaaun toh ginva na sakun
humne iss ishq mein kya khoya hai kya sikha hai
zuz tere aur ko samjhaaun toh samjha na sakoon
azeezi seekhi garibon ki himayat seekhi
yaas-o-hirman ke dukh dard ke maani sikha
zerdasto ke masaaeib ko samjhna seekha
sard aahon ke rukh-e-zard ke maani seekhe
jab kahin baith ke rote hain vo bekas jinke
ashq aankhon mein bilakte huye soa jaate hain
naatvaanon[powerless] ke nivalon pe jhapat’te hain ukaab
baazu toole huye mandlaate huye aate hain
jab kabhi bikta hai bazaar mein majdoor ka gosht
shehraho[sadak] pe garibon ka lahu behata hai
ya koi tond ka badhta hua sailab liye
faqamaston ko duubone ke liye kehta hai
aag si seene mein reh reh ke ubalti hai na puuch
apne dil par mujhe qaabu hi nahin rehta hai

faiz ahmed faiz ki shayyiri

vayabka vajah-e-rabbka

lazim hai ki hum bhi dekhenge
vo din ki jiska vaada hai
jo loh-e-azal[pehle se likhi kismet] mein likha hai
jab zulm-o-sitam ke koh-e-garaa[bhaari pahad]
rui ki tarah udd jayenge
hum mehkuumon[dalit] ke paanv-tale
jab dharti dhad dhad dhadkegi
aur ahl-e-hikam[satadhari] ke sar opper
jab bijli kad kad kadkegi
jab arz-e-khuda[khuda ki zamin] ke qaabe se
sab buut uthvaye jayenge
hum ahl-e-safa[khare log] mardood-e-haram
masnad pe bithaye jayenge
sab taaj uchhale jayenge
sab takht giraye jayenge
bas naam rahega allah ka
jo gayab bhi hai hazir bhi
jo manzar bhi hai naazir[viewer] bhi
utthega ‘anal haq’[main satya hun] ka naara
jo main bhi hun aur tum bhi ho
aur raz karegi khalq-e-khuda
jo main bhi hun aur tum bhi ho

faiz ahmed faiz ki shayyiri

hum toh majboor-e-waffa hai

tujhko kitnon ka lahu chahiye ae arz-e-vatan
jot ere aariz-e-be-rang ko gulnaar kare
kitni aahon se kaleja tera thanda hoga
kitne aansu tere sehraon ko gulzar kare
tere aevaanon mein purje huye paiman kitne
kitne vaade jo na aasuda-e-ikarar huye
kitni aankhon ko nazar kha gayi badkhwahon ki
khwab kitne teri shehraho mein sangsaar huye
bala kashaan-e-muhbbat pe jo hua so hua
jo mujh pe guzri, mat uss se kaho, hua so hua
mabaada[kahin aisa na ho] ho koi zalim tera gariban-geer
lahu ke daag tu daman se dho-hua so hua
hum toh majboor-e-waffa hain, magar ae jaan-e-jahan
apne ushshak[chahne wale] se aise bhi koi karta hai
teri mehfil ko khuda rakhe abad tak qaayam
hum toh mehmaan hai ghadi bhar ke hamare kya hai !

faiz ahmed faiz ki shayyiri

nida-e-gaib

har ek ulool umr[sat’adhari] ko sada do
ki apni fard-e-amal sambhaale
uthega jab jamm-e-sarfroshan[crowd of head cutter]
padenge daar-o-rasan[fansi] ke laale
koi na hoga ki jo bacha le
zaza saja[inaam and saza] sab yahi pe hogi
yahin anzaab-o-savaab[achche-bure ka badla] hoga
yahin se utthega shor-e-mehshar
yahin per oz-e-hisab hoga

faiz ahmed faiz ki shayyiri

hum ki thhehre ajnabi itni mulakaton ke baad
phir banege aashna kitni mulakaton ke baad
kab nazar mein aayegi be-daag sabze ki bahaar
khoon ke dhabe dhulenge kitni barsaton ke baad
thay bohat be-dard lamhe, khatam-e-dard-e-ishq ke
thi bohat be-mahar subahe meharbaan raaton ke baad
dil toh chaha par shikast-e-dil ne mohlat hi na di
kuch gile-shikwe bhi kar lete, munazaton ke baad
unnse jo kehne gaye thay, ‘faiz’ jaan sabka kiye
ankahi hi reh gayi vo baat sab baton ke baad

faiz ahmed faiz ki shayyiri

vo log bohat khush-qismat thay
jo ishq ko kaam samjhte thay
ya kaam se aashqui karte thay
hum jeete-jii masroof rahe
kuch ishq kiya, kuch kaam kiya
kaam ishq ke aade aata raha
aur ishq se kaam uljhata raha
phir aakhri tang aakar humne
donon ko adhura chhod diya

faiz ahmed faiz ki shayyiri

aur kuch der mein jab phir mera tanha dil ko
fikr aa legi ki tanhai ka kya chara kare
dard aayega dabe-paanv, liye surkh chirag
vo jo ek dard dhadkata hai kahin dil se pare
shola-e-dard jo pehlu mein lapak uthega
dil ki diwar pe har naksh damak uthega
halka-e-zulf kahin, gosh-e-rukhsaar kahin
hizr ka dasht kahin, gulshan-e-didaar kahin
lutf ki baat kahin, pyar ka ikraar kahin
dil se phir hogi meri baat ki ae dil ae dil
ye jo mehboob bana hai teri tanahai ka
ye toh mehman hai ghadi bhar ka chala jayega
iss se kab teri museebat ka madawa hoga
mushtael ho ke abhi uthenge vehshi saaye
ye chala jayega reh jayenge baki saaye
raat bhar jinse tera khoon kharab hoga

faiz ahmed faiz ki shayyiri

jang thhehri hai koi khel nahin hai ye dil
dushman-e-jaan hain sabhi saare ke saare qaatil
ye kadi raat bhi, ye saaye bhi, tanhai bhi
dard aur jang mein kuch mel nahin hai ae dil
laao sulgao koi josh-o-gazab ka angaar
tesh ki aatish-e-zar’rar[aag] kahan hai laao
vo dehakta hua gulzaar kahan hai laao
jis mein garmi bhi hai harkat bhi, tavaanayi bhi
ho na ho apne qabile ka bhi koi lashkar
muntazir hoga andheron ki fasilon ke udhar
unnko sholon ke raz’z[veer-gatha] apna pata toh denge
khair hum tak von a pauhnche bhi sada toh denge
duur kitni hai abhi subah, bata toh denge

faiz ahmed faiz ki shayyiri

tanhai

phir koi aaya dil-e-zaar[dukhi dil] !
nahin, koi nahin !
raahro[pathik] hoga, kahin aur chala jayega
dhal chuki raat, bikharne laga taaron ka gubaar[dhool]
ladkhadane lage aevaanon mein khawabida chirag
soa gayi raasta tak tak ke har ik rahguzar
ajnabi khaak ne dhundhla diye kadamon ke suraag
gul karo shamm’aye badha do mai-o-meena-o-ayyaag
apne bekhwab kiwadon ko muqaffal[tala lagana] kar lo
ab yahan koi nahin, koi nahin aayega

faiz ahmed faiz ki shayyiri

aaj ki raat

aaj ki raat saaz-e-dard na chhed
dukh se bharpoor din tamam huye
aur kal ki khabar kise mallum
dosh-o-farda[tomorrow & future] ki mit chuki hain haduud
ho na ho ab sahar kise mallum
zindgi hech ! lekin aaj ki raat
ezdiyat[khuda ho jana] hai mumkin aaj ki raat
aaj ki raat saz-e-dard na chhed
ab na dauhraa fasana-haaye-alam[dukh ki kahani]
apni kismet pe sogvaar na ho
fikr-e-farda[kal ki fikr] utar de dil se
umar-e-rafta pe ashqbaar na ho
ahd-e-gham ki hikayetein[kahani] mat puuch
ho chuki sab shikiyatein mat puuch
aaj ki raat saaz-e-dard na chhed !

faiz ahmed faiz ki shayyiri

sharah[bakhaan]-e-bedardi-e-halat na hone paayi
ab ke bhi dil ki mudarat[respect] na hone paayi
phir vahi vaada jo ikraar na banana paaya
phir vahi baat jo isbaat[positive] na hone paayi
phir vo parwane jinhe izn[izazat]-e-shahadat na mila
phir vo shamm’aye ke jinhe raat na hone paayi
phir vahi jaan-ba-labi[jaan muh ko aana] lazzat-e-mai[sharab ki masti] se pehle
phir vo mehfil jo kharabaat[sharabio ki mehfil] na hone paayi
phir dam-e-deed rahe chashm-o-nazar deed talab
phir shab-e-wasl mulakat na hone paayi
phir vahan baab-e-asar jaaniye kab bandh hua
phir yahan khatam munazaat na hone paayi
‘faiz’ sar par jo har ik roz qayamat guzri
ek hi roz-e-mukafaat[badle ka din] na hone paaye

faiz ahmed faiz ki shayyiri

go[jabki] sabko ba’ hum[provided] saagar-o-baada toh nahin tha
ye shehr uddas itna jayda toh nahin tha
galiyon mein phir karte thay do char diwane
har shaks ka sad-chak-labada toh nahin tha
manzil ko na pehchane reh-e-ishq ka rahi
nadan hi sahi, itna hi sada toh nahin tha
thak kar yunhi pal bhar ke liye aankh lagi thi
soa kar hi na utthe toh irada toh nahin tha

faiz ahmed faiz ki shayyiri

kab tak dil ki khair manayen, kab tak raah dikhlaoge
kab tak chain ki mauhlat doge kab tak yaad na aaoge
beeta deed-umiid ka mausham, khaak udhti hai aankhon mein
kab bhejoge dard ka badal, kab barkha barsaoge
ahd-e-waffa ya tarq-e-muhbbat, jii chaho soa aap karo
apne bas ki baat hi kya hai, humse kya manvaoge
kisne wasl ka suraj dekha, kis par hizr ki raat dhali
gesuon wale kaun thay, innko kya jatlaoge
‘faiz’ dilon ke bhaag mein hai ghar basna bhi, luut jana bhi
tum iss husn ke lutf-o-karam par kitne din itraaoge

faiz ahmed faiz ki shayyiri

vo buuton ne dale hain waswase ki dilon se khauff-e-khuda gaya
vo padi hair oz qayamaten ki khayal-e-roz-e-zaza [last day] gaya
jo nafs[saans] tha khaar-e-gulu[gale ka kaanta] bana, jo uthe toh haath lahu huye
vo nishaat-e-aah-e-sahar gayi, vo waqaar[partishta]-e-dast-e-dua gaya
na vo rang fasl-e-bahar ka, na ravish vo abr-e-bahar ki
jis ada se yaar thay aashna vo mijaaz-e-baad-e-saba gaya
jo talab pe ahd-e-vaffa kiya toh vo aabru-e-vaffa gayi
sar-e-aam jab huye muddai toh savaab-e-sidak-o-safa gaya
ab baadbaan ko teh rakho, abhi maztarib hai rukh-e-hawa
kisi raste mein hai muntzir vo sakoon jo aa ke chala gaya

faiz ahmed faiz ki shayyiri

sunane ko bheed hai sar-e-mashhar[qaymat ka din] lagi hui
tohmat tumhare ishq ki hum par lagi hui
rindo ke dam se aatish-e-mai ke bagaiir bhi
hai maikade mein aag barabar lagi hui
aabad karke shehr-e-khamoshan hare k suu
kis khoj mein hai teg-e-sitamgar lagi hui
jeete thay yun toh pehle bhi hum jaan pe khelkar
bazi hai ab ke jaan se bhadkar lagi hui
‘lao toh qatlnama mera, main bhi dekh lun
kis kis ki muhar hai sar-e-mehzar[zalin ki talwar] lagi hui’
aakhir ko aaj apne lahu par hui tamaam
bazi miyaan-e-qatil-o khanjar lagi hui