ali abbas umeed ki shayyiri

usske bin dar-o-diwar sab kuch mujhe suune lage
aur chahat hai meer sii, baarish na ho chuune lage
jitne qaddaavar thay unnke sar toh ghutnon mein gaye
ab tamasha ye hai boa'ne aasmaan chhuune lage

ali abbas umeed ki shayyiri

ruuh ki baat suni, zism ke tevar dekhe
iltija hai voh iss aag mein jal kar dekhe
tum voh dariya jo chadhe bhi toh ghadi bhar ke liye
main voh qatra hun jo gir ke bhi sumandar dekhe
chubta mahau, ghuti ruuh, gurezaan lamhe
dil ki hasrat hai kabhi inn se nikal kar dekhe
kaise kar le voh yaqeen tujh par fareb-e-gam-e-zaat
teri raahon mein jo tashkeek ke pathar dekhe
baat ho sirf hakikat ki toh seh le lekin
apne khwaabon ko bhikarte koi kyunkar dekhe
humse mat puchhiye kya nafs pe guzrii 'umeed'
ek ek saans se ladte huye lashkar dekhe

ali abbas umeed