bani ki shayyiri

na manzilen thi, na kuch dil mein tha, na sar mein tha
ajab nazara-e-laa_simtiyat nazar mein tha
ataab tha kisi lamhe ka ek zamane par
kisiko chaiin, na bahar tha aur na ghar mein tha
chhupa ke le gaya duniya se apne dil ke ghaav
ki ek shaks bohat taaq iss hunar mein tha
kisi ke lautne ki jab sada suni toh khula
ki mere saath koi aur bhi safar mein tha
jhijhak raha tha voh kehne se koi baat aisi
main chup khada tha ki sab kuch meri nazar mein thaa
abhi na barse thay baani ghire huye badal
main udti khaak ki manind rahguzar mein tha

bani ki shayyiri

vo baat baat pe ji bhar ke bolane wala
ulajh ke reh gaya, duuri ko kholane wala
lo saare shahr ke pathar samet laaye hum
kahaan hai hum ko shab-e-roz tolane wala
hamara dil toh samandar tha ussne dekh liya
bahut uddas hua zahar gholane wala
kisi ki mauj-e-ravaan se kha gayaa kya maat
vo ek nazar mein dilon ko tolane wala
vo aaj phir yahi doharaa ke chal diya ‘bani’
main bhuul ke nahin ab tujhse bolane wala