raaz-e-hayaat

ye bhi achcha hua tujh par na khula raaz-e-hayaat
saans kehte hain jise nashtar-e-jaan ho jaata

hafeez merthi ki shayyiri

har saraya hua milta hai lipatkar mujhse
shakshiyat mein ye kashish aayi hai gham ke haathon

hafeez merthi ki shayyiri

ajeeb log hain kya khoob munsifi ki hai
hamare qatl ko kehte hain khud-kushi ki hai
ye bankpan tha hamara ke zulm par humne
bajaaye naala-o-fariyaad shaairai ki hai
zara sa paanv bhigoye thay ja ke dariya mein
guroor ye hai ke humne shanaawarai ki hai
issi lahu mein tumhara safeena dubega
ye qatl-e-aam nahin, tumne khud-kushi ki hai
hamari qadr karo chaudavin ke chaand hai hum
khud apne daag dikhane ko raushnai ki hai
udaasiyon ko 'hafeez' aap apne ghar rakhen
ke anjuman ko jaroorat shaquftagai ki hai

hafeez merthi ki shayyiri

kadam jab rakh diya raah-e-talab mein
toh phir kaifiyat-beemo-raza[aasha-nirasha] kya