teri zad se nikalna chahta hai

teri zad se nikalna chahta hai
ye dariya rukh badalna chahta hai
vo sapna jis ki surat hi nahin hai
meri aanhon mein chalna chahta hai
dilon ki maandgi pe kya ta'ajjub
ki suraj bhi toh dhalna chahta hai
nashist-e-dard badali hai toh ab dil
zara pehlu badalna chahta hai
mujhe bhi saamna hai karbala ka
mera sar bhi uchhalna chahta hai
nahin hai tarjumaan-e-gham ye aansu
ye paani ab ubalna chahta hai
tabassum zer-e-lab kahta hai 'amjad'
koi jazba machalna chahta hai

dil ke dariya ko kisi roz utar jaana hai

dil ke dariya ko kisi roz utar jaana hai
itana besimt na chal laut ke ghar jaana hai
uss tak aati hai toh har chiiz thahr jaati hai
jaise paana hi usse asl mein mar jaana hai
bol ae shaam-e-safar rang-e-rihaai kya hai
dil ko rukna hai ki taaron mein thahr jaana hai
kaun ubharte huye mahtaab ka rasta roke
ussko har taur suu-e-dasht-e-sahar jaana hai
main khila hun toh issi khaak mein milna hai mujhe
vo toh khushbu hai usse agle nagar jaana hai
vo tere husn ka jaadu ho ke mera gham-e-dil
har musaafir ko issi ghaat utar jaana hai

amjad islam amjad ki shayyiri

zindagi ke mele mein
khwahishon ke rele mein
tumse kya kahen jaana
iss qadar jhamele mein
waqt ki ravani hai
bakht[fate] ki giraani[deficiency] hai
sakht bezameeni hai
sakht lamakaani[homelessness] hai
hizr ke samandar mein
takht[throne] aur takhtii[plank of wood] ki
ek hi kahani hai
tumko jo sunani hai

baat go zara si hai
baat umar bhar ki hai
umr bhar ki baaten kab
do ghadi mein hoti hain
dard ke samandar mein
anginat[countless] jaziiren[island] hain
beshumar moti hain
aankh ke dariiche[window] mein
tumne jo sajaaya tha
baat uss diye ki hai
baat uss gile ki hai
jo lahu ki khilvat mein
chor ban ke aata hai
lafz ke fasiilon[ramparts] par
tuut tuut jaata hai

zindagi se lambi hai
baat rat_jage ki hai
raste mein kaise ho
baat takhaliye[solitude] ki hai
takhaliye ki baaton mein
guftagu izaafii hai
pyaar karne waalon ko
ik nigaah kaafi hai
ho sake toh sun jaao
ek din akele mein
tum se kya kahen jaanan
iss qadar jhamele mein

amjad islam amjad ki shayyiri

yahi bahut hai ke dil ussko dhuundh laaya hai
kisi ke saath sahi vo nazar toh aaya hai
karun shikaayaten takta rahun ke pyar karun
gaye bahar ki surat vo laut aaya hai
vo saamne tha magar ye yaqiin na aata tha
vo aap hai ke meri khwahishon ka saaya hai
azab chuup ke kaise hain baarishen kya hain
faseel-e-jism giri jab toh hosh aaya hai
main kya karunga agar vo na mil saka 'amjad'
abhi abhi mere dil mein khayal aaya hai

amjad islam amjad ki shayyiri

mohabbat ki tabiyat mein
ye kaisa bachpana qudarat ne rakha hai
ke jitni purani jitni bhi mazboot ho jaaye
isse taaiid-e-taaza ki zarurat phir bhi rehti hai
yaqiin ki aakhiri hadh tak dilon mein lahlahati ho
nigahon se tapakti ho lahu mein jagmagati ho
hazaron tarah se dilkash hasiin haale banati ho
usse izhar ke lafzon ki haajat phir bhi rehti hai
mohabbat maangti hai yun gawahi apne hone ki
ke jaise tifl-e-saada sham ko ik beej boye
aur shab mein baura uthe
zamiin ko khod kar dekhe
ke paudha ab kahan tak hai

mohabbat ki tabiyat mein ajab takrar ki khuu hai
ke ye iqraar ke lafzon ko sun’ne se nahin thakti
bichhadne kii ghadi ho ya koi milne ki sa'at ho
isse bas ek hi dhun hai
kaho mujhse mohabbat hai
kaho mujhse mohabbat hai

kuch aisi besakuuni hai waffa ki sar_zaminon mein
ke jo ahal-e-mohabbat ko sada bechaiin rakhti hai
ke jaise phuul mein khsubu ke jaise haath mein taara
ke jaise shaam ka taara
mohabbat karne walon ki sahar raaton mein rehati hai
gumnaam ke shakhchon mein aashiyan banta hai ulfat ka
ye ain wisal mein bhi hizr ke khadshon mein rehti hai
mohabbat ke musafir zindgi jab kaat chukte hain
thakan ki karachiyan chunte waffa ki ajaraken pehne
samay ki rahguzar ki aakhiri sarhad pe rukte hain
toh koi duubti saanson ki dori thaam kar
dheere se kehta hai
ke ye sach hai na
hamari zindgi ik dusre ke naam likhi thi
dhundhalka sa jo aankhon ke qareeb-o-duur phaila hai
issi ka naam chahat hai
tumhen mujhse mohabbat thi
tumhen mujhse mohabbat hai

mohabbat ki tabiyat mein
ye kaisa bachpana qudarat ne rakha hai

amjad islam amjad ki shayyiri

teri zad[target] se nikalna chahta hai
ye dariya rukh badalna chahta hai
vo sapna jis ki suuat hi nahin hai
meri aankhon mein chalna chahta hai
dilon ki mandagi[dimmed]pe kya ta'ajjub
ki suraj bhi toh dhalna chahta hai
nashist-e-dard[place where it hurts] badali hai toh ab dil
zara pehlu badalna chahta hai
mujhe bhi samna hai karbla ka
mera sar bhi uchhalna chahta hai
nahin hai tarjuman[translation]-e-gham ye aansu
ye paanii ab ubalanaa chaahataa hai
tabassum zer-e-lab kehta hai 'amjad'
koi jazba machalna chahta hai

amjad islam amjad ki shayyiri

na shikayaten na gila kare
koi aisa shaks hua kare
jo mere liye hi saja kare
mujh hi se baaten kiya kare
kabhi roye jaaye vo bepanah
kabhi betahasha udaas ho
kabhi chupke chupke dabe qadam
mere piichhe aa kar hansa kare
meri qurbaten meri chaahaten
koi yaad kare qadam qadam
main taveel[long] safar mein hun agar
meri vapasi ki dua kare

amjad islam amjad ki shayyiri

sitaare jo damakte hain
kisi ki chashm-e-hairan mein
mulaqatein jo hoti hain
jamal-e-abr-o-baaran mein
ye na abaad waqton mein
dil-e-nashaad mein hogi
muhabbat ab nahin hogi
ye kuch din baad mein hogi
guzar jaayenge jab ye din
ye unnkii yaad mein hogi

amjad islam amjad ki shayyiri

kuch aise ghaao bhi hote hain
jinhen zakhmi aap nahin dhote
bin roye huye aansuon ki tarah
seene mein chhupa ke rakhte hain
aur saari umar nahin rote
neenden bhi muhaiya hoti hain
sapne bhi duur nahin hote
kyun phir bhi jaagte rehte hain
kyun saari raat nahin sote
ab kis se kahen ae jaan-e-waffa
ye ahal-e-waffa kis aag mein jalte rehte hain
kyun bujh ke raakh nahin hote

amjad islam amjad ki shayyiri

kisi ki aankh jo purnam nahin hai
na samajho ye ke ussko gham nahin hai
sawaad-e-dard mein tanha khada hun
palat jaaun magar mausam nahin hai
samajh mein kuch nahin aata kisi ke
agarche guftagu mubaham nahin hai
sulagta kyun nahin taariik jangal
talab ki lau agar maddham nahin hai
ye basti hai sitam parvar digan ki
yahan koi kisi se kam nahin hai
kinara dusra dariya ka jaise
vo saathi hai magar maharam nahin hai
dilon ki raushani bujhne na dena
wajuud-e-tiiragi mahkam nahin hai
main tumko chaah kar pachhta raha hun
koi iss zakhm ka marham nahin hai
jo koi sun sake 'amjad' toh suna dena
ba-juz ek baaz gasht-e-gham nahin hai

amjad islam amjad ki shayyiri

khud apne liye baith ke sochenge kisi din
yun hai ki tujhe bhuul ke dekhenge kisi din
bhatke huye phirte hain kai lafz jo dil mein
duniya ne diya waqt toh likhenge kisi din
hil jaayenge ik baar toh arshon ke dar-o-baam
ye khaak_nashin log jo bolenge kisi din
aapas ki kisi baat ka milta hi nahin waqt
har baat ye kehte hain ke baithenge kisi din
ae jaan teri yaad ke be-naam parinde
shaakhon pe mere dard ki utarenge kisi din
jaatii hai kisi jheel ki gaharaai kahan tak
aankhon mein teri duub ke dekhenge kisi din
khushbu se bhari shaam mein jugnu ke qalam se
ik nazm tere vaste likkhenge kisi din
soyenge teri aankh ki khilvat mein kisi raat
saaye mein teri zulf ke jaagenge kisi din
khushbu ki tarah, asl-e-saba khaak numa se
galiyon se tere shahr ki guzarenge kisi din
'amjad' hai yahi ab ke kafan baandh ke sar se
uss shahr-e-sitamgar mein jaayenge kisi din

amjad islam amjad ki shayyiri

kahanaake rukne thay raaste kahan mod tha usse bhuul ja
vo jo mil gaya usse yaad rakh jo nahin mila usse bhuul ja
vo tere naseeb ki barishen kisi aur chhat pe baras gayi
dil-e-bekhabar meri baat sun usse bhuul ja usse bhuul ja
main toh guum tha tere hi dhyan mein teri aas mein tere gumaan mein
hawa keh gayi mere kaan mein mere saath aa usse bhuul ja
tujhe chaand ban ke mila tha jo tere saahilon pe khila tha jo
vo tha ek dariya wisaal ka so utar gaya usse bhuul ja

amjad islam amjad ki shayyiri

jo utar ke ziina-e-sham se teri chashm-e-khush mein sama gaye
vahi jalate bujhte se mahar-o-maah mere baam-o-dar ko saja gaye
ye ajeeb khel hai ishq ka maine aap dekha ye mojza
vo jo lafz mere guman mein thay vo teri zuban par aa gaye
vo jo geet tumne suna nahin meri umr bhar ka riyaaz tha
mere dard ki thi dastan jise tum hansi mein udda gaye
vo charag-e-jaan kabhi jis ki lau na kisi hawa se nigun hui
teri bewafaai ke vaasavaa usse chupke chupke bujha gaye
vo tha chaand sham-e-wisal ka ke tha ruup tere jamaal ka
meri ruuh se meri aankh tak kisi raushani mein naha gaye
ye jo bandagaan-e-niyaaz hai ye tamaam hai vo lashkari
jinhen zindgi ne aman na dii toh tere huzoor mein aa gaye
teri berukhi ke dayar mein main hawa ke saath hawa hua
tere aaiine ki talash mein mere khwab chehra ganva gaye
tere vaasavaaon ke fishar mein tera sharar-e-rang ujad gaya
meri khwahishon ke gubaar mein mere maah-o-saal-e-waffa gaye
vo ajeeb phuul se lafz thay tere hont jinse mehak uthe
mere dasht-e-khwab mein duur tak koi baag jaise laga gaye
meri umr se na simat sake mere dil mein itne sawal thay
tere paas jitne jawab thay teri ik nigaah mein aa gaye

amjad islam amjad ki shayyiri

mera tamaam fan meri kaavish mera riyaaz
ik na-tamaam geet ke misare hain jin ke beech
maanii ka rabt hai na kisi kaafiye ka mel
anjaam jiska tai na hua ho ik aisa khel
meri mataa bas yahi jadu hai ishq ka
seekha hai jis ko maine badi mushkilon ke saath
lekin ye saahir-e-ishq ka tohfa ajeeb hai
khulta nahin hai kuch ke haqiiqat mein kya hai ye
taqadiir ki ataa hai ya koi saza hai ye
kis se kahen ae jaan ke ye qissa ajeeb hai
kehne ko yun toh ishq ka jadu hai mere paas
par mere dil ke vaaste itna hai iss ka bojh
siine se ik pahad-sa hat’ta nahin hai ye
lekin asar ke baab mein halka hai iss qadar
tujhpe agar chalaun toh chalta nahin hai ye

amjad islam amjad ki shayyiri

dil ke dariya ko kisii roz utar jaana hai
itna besimt na chal laut ke ghar jaana hai
uss tak aati hai toh har cheez thahr jaati hai
jaise paana hi usse asl mein marr jaana hai
bol ae shaam-e-safar rang-e-rihaai kya hai
dil ko rukna hai ki taaron mein thahr jaana hai
kaun ubharte huye mahtaab ka rasta roke
ussko har taur suu-e-dasht-e-sahar jaana hai
main khila hun toh issi khaak mein milna hai mujhe
vo toh khushbu hai usse agle nagar jaana hai
vo tere husn ka jaadu ho ke mera gham-e-dil
har musafir ko issi ghaat utar jaana hai

amjad islam amjad ki shayyiri

chupke chupke asar karta hai
ishq kainsar ki tarah badhata hai
jo koi jii na sake marr jaaye
aapka naam abas leta hai
kaun sunta hai kisi ki vipada
sab ke maathe pe yahi qissaa hai
koi darta hai bharii mehafil mein
koi tanhaai mein hans padta hai
yahi zannat hai yahi hai dozakh
aur dekho toh yahi duniya hai
sab ki qismat mein fana hai jab tak
aasmaanon pe koi zinda hai
vo khuda hai toh zamiin par aaye
hashr ka din toh yahan barpa hai
saans roke huye baitho 'amjad'
waqt dushman ki tarah chalta hai

amjad islam amjad ki shayyiri

chehre pe mere zulf ko phailaao kisi din
kyaa roz garjate ho baras jaao kisi din
raazon ki tarah utro mere dil mein kisi shab
dastak pe mere haath ki khul jaao kisi din
pedon ki tarah husn ki barish mein nahaa lun
badal ki tarah jhuum ke ghiir aao kisi din
khushbu ki tarah guzro mere dil ki gali se
phuulon ki tarah mujhpe bikhar jaao kisi din
phir haath ko khairat mile bandh-e-qaba ki
phir lutf-e-shab-e-wasl ko doharaao kisi din
guzaren jo mere ghar se toh ruk jaayen sitaare
iss tarah meri raat ko chamkaao kisi din
main apni har ik saans ussi raat ko de dun
sar rakh ke mere siine pe so jaao kisi din

amjad islam amjad ki shayyiri

chaand ke saath kai dard puraane nikle
kitane gham thay jo tere gham ke bahaane nikle
fasl-e gul aayi phir ik baar asiiraan-e-waffa
apne hi khoon ke dariya mein nahaane nikle
hizr ki chot ajab sang-shikan hoti hai
dil ki befaiz[that which does not yield anything] zamiinon se khazaane nikle
umr guzari hai shab-e-taar[dark night] mein ankhein malte
kis ufaq se mera khurshiid[sun] na jaane nikle
kuu-e-qaatil mein chale jaise shahidon ka juloos
khwab yun bhi gati aankhon ko sajaane nikle
dil ne ik eent[brick] se taamiir[construct] kiya taaj mahal
tune ik baat kahi laakh fasaane nikle
dasht-e tanhayi-e-hizran mein khada sochta hun
haaye kya log mera saath nibhane nikle
maine 'amjad' usse bevasta dekha hi nahin
vo toh khushbu mein bhi aahat ke bahane nikle

amjad islam amjad ki shayyiri

bheed mein ik ajnabi ka samna achchha laga
sab se chup kar vo kisi ka dekhna achchha laga
surmai aankhon ke niiche phuul se khilane lage
kehte kehte kuch kisi ka sochna achchha laga
baat toh kuch bhi nahin thi lekin usska ek dam
haath ko honton pe rakh kar rokna achchha laga
chaay mein chiini milana uss ghadi bhaaya bahut
zer-e lab vo muskurata shukriya achchha laga
dil mein kitne ahad bandhe thay bhulane ke usse
vo mila toh sab iraade todna achchha laga
beirada lams ki vo sansani pyari lagi
kam tavajjo aankh ka vo dekhna achchha laga
niim shab ki khamoshi mein bhigati sadakon pe kal
teri yaadon ke jaalo mein ghumna achchha laga
uss uduu-e-jaan ko 'amjad' main bura kaise kahun
jab bhi aaya saamne vo bewaffa achchha laga

amjad islam amjad ki shayyiri

aisi hi sard shaam thi vo bhi
jab vo mahndi rachaye haathon mein
apni aahat ke khauff se larazan
surkh aanchal mein munh chhipaaye huye
apne Khat mujhse lene aayi thi
usski sehami hui nigaahon mein
kitni khamosh iltijaayen thiin
usske chehre ki zard rangat mein
kitni majabuuriyon ke saaye thay
mere haathon sehat pakadate hi
jaane kya soch kar achanak vo
mera shaana pakad kar royi thi
usske yaaquut rang honton ke
kapkapaate huye kinaaron par
saikadon ankahe fasane thay
sard shaamon mein der tak aksar
jab ye manzar dikhaayi deta hai
ek lamha hinaai haathon se
mujhko apni taraf bulata hai
hamnashin ruuth kar na ja mujhse
aisi hi sard sham thi vo bhi