ye dil ye pagal dil mera

ye dil ye pagal dil mera kyon bujh gaya aawargi
is dasht mein ik shahar tha vo kya hua aawargi

kal shab mujhe be-shakl si aawaaz ne chaunka diya
main ne kaha tu kaun hai usne kahaa aawargi

ik ajnabi jhonke ne jab pucha mere gam ka sabab
sahara ki bheegi ret par main ne likha aawargi

ye dard ki tanhaiyan, ye dasht ka viran safar
hum log toh uktaa gaye, apni suna aawargi

kal raat tanha chand ko dekha tha maine khwab mein
mohsin mujhe raas aayegi shayad sada aawargi

hum jo pohnche sar-e-maqtal toh yeh manzar dekha

hum jo pohnche sar-e-maqtal toh yeh manzar dekha
sab se ooncha tha jo sar, nok-e-seena par dekha
humse mat pooch ke kab chaand ubharta hai yahan
humne suraj bhi tere shehr mein aa kar dekha
pyaas yaaron ko ab uss mod pe le aayi hai
reit chamki toh yeh samjhe ke samandar dekha
aise lipte hain dar-o-baam se ab ke jaise
haadson ne badi muddat mein mera ghar dekha
zindgi bhar na hua khatam qayamat ka azaab
hamne har saans mein barpa naya mehshar dekha
itna behis ke pighalta hi na tha baaton se
aadmi tha ke tarasha hua patthar dekha
dukh hi aisa tha ke roya tera ‘mohsin’ varna
gham chhupa kar usse hanste huye aksar dekha

juda hone ke mausham mein juda hona zaruri tha

juda hone ke mausham mein juda hona zaruri tha
najaane kyun kisi ka bewaffa hona zaruri tha
mere dil ne usse jo pujne ki inteha kardi
toh phir uss bewaffa ka bhi khuda hona zaruri tha
kisi se koi bhi shikwa na koi bhi shikiyat hai
jo mere saath chahat mein hua hona zaruri tha
bohat nazdeek thay dil iss liye ab duriyan bhi hain
dilon ke beech bhi kuch faasla hona zaruri tha
usse bhi dard dene ka bohat hi shaunq tha "mohsin"
hamen bhi dard-o-gham se aashna hona zaruri tha

mohsin ki shayyiri

waffa mein ab yeh hunar ikhtiyyar karna hai
vo such kahe na kahe aitbaar karna hai
yeh tujhko jaagte rehne ka shauq kab se hua
mujhe toh khaiir tera intzaar karna hai
hawa ke zadd mein jalaane hain aansun ke chiragh
kabhi yeh jashn sar-e-raah guzaar karna hai
woh mukura ke nayi waswason mein dhal gaya
khayal tha keh usse sharmsaar karna hai
misaal-e-shaakh-e-barhna khizaan ki ruut mein kabhi
khud apne jism ko be-barg-o-baar karna hai
tere firaaq mein din kis tarha katte apne
keh shughal-e-shab toh sitaare shumaar karna hai
chalo yeh ashq hi moti samajh kar bech aayen
kisi tarha toh humen rozgaar karna hai
kabhi toh dil mein chhupe zakhm bhi numayan ho
qaba samajh ke badan taar taar karna hai
khuda khabar yeh koi zidd ke shauq hai 'mohsin'
khud apni jaan ke dushman se pyar karna hai

mohsin ki shayyiri

chahat ka rang tha na waffa ki lakeer thi
qatil ke hath mein toh hina ki lakeer thi
khush hun ke waqt-e-qatl mera rang surkh tha
mere labon pe harf-e-dua ki lakeer thi
main karvan ki raah samajhta raha tha jise
sehra ki reit par vo hawa ki lakeer thi
suraj ko jisne shab ke andheron mein guum kiya
mauj-e-shafaq na thi wo qaza ki lakeer thi
guzra hai shab ko dasht se shayad vo parda-daar
har naqsh-e-pa' ke saath rida ki lakeer thi
kal usska khat mila ke saheefa waffa ka tha
'mohsin' har ek satr hayya ki lakeer thi

mohsin ki shayyiri

rukh hi jaati hai nazar hadh-e-nazar tak 'mohsin'
dil toh kheta hai jahan tum ho wahan tak dekhun

mohsin ki shayyiri

tujhse bichda hun toh murjha ke hawa-bard hua
kaun deta mujhe khilne ki dua tere baad !
tu ke simta toh rag-e-jaan ki hadhon mein simta
main ke bikhra toh smeta na gaya tere baad !
milne wale kai mafhoom pehan kar aaye !
koi chehra bhi na aankhon ne padha ter baad !
ye allagh baat ke afsha na hua tu varna
maine kitna tujhe mehsoos kiya tere baad !
meri dukhti hui aankhon se gawahi lena
maine socha tujhe apne se siva tere baad
seh liya dil ne tere baad malaamat ka azaab
varna chubhti hai rag-e-jaan main hawa tere baad
jaan-e-'mohsin' mera hasil yahi mubham satrein
shair kehne ka hunar bhool gaya tere baad !

mohsin ki shayyiri

woh qaymat ho, sitara ho ke dil
kuch na kuch hizr mein tuute toh sahi
hum wahin par hi basa len khud ko
woh kabhi raah mein roke toh sahi
sab se hat kar hi manana hai usse
humse ik baar woh roothe toh sahi
dil ussi waqt sambhal jayega
dil ka ahwaal woh pooche toh sahi
usski nafrat bhi muhbbat hogi
mere baare mein woh soche toh sahi
usske qadmon mein bicha dun aankhein
meri raahguzar se woh guzre toh sahi
usske sab jhoot bhi sach maan lun 'mohsin'
shart sirf itni ke woh bole toh sahi

mohsin ki shayyiri

main dil pe jabar karunga, tujhe bhula dunga
marunga khud bhi tujhe bhi kadi saza dunga
yeh tergi mere ghar ka hi kyun muqaddar ho
main tere shehr ke saare diye bhuja dunga
hawa ka haath bataunga har tabaahi mein !
hare shajr se parinde main khud udda dunga !
waffa karunga kisi saugvaar chehre se !
purani qabr par qatba naya saja dunga
issi khayal mein guzri hai sham-e-dard aksar
ke dard hadh se badhega toh muskura dunga
tu aasman ki surat hai, gir padega kabhi
zamiin hun main bhi magar tujhko aasra dunga
badha rahi hain mere dukh, nishaniyaan teri
main tere khat, teri tasveer tak jala dunga
bohat dinon se mera dil udaas hai 'mohsin'
iss aaiine ko koi aks ab naaya doonga ~!!

mohsin ki shayyiri

talab ko ajar na dun, fikar-e-rahguzar na karun !
safar mein ab ke hawa ko bhi hamsafar na karun
ubharte duubte suraj se tod lun rishta
main sham odh ke soa jaaon aur sahar na karun
ab iss se badh ke bhala kya ho ehtiyat-e-waffa
main tere shehr se guzron, tujhe khabar na karun !
ye mere dard ki daulat, meri maata-e-firaaq
inn ansuon ki wazahat mein umar bhar na karun !
ujad shab ki khalish ban ke ban mein kho jaoon
main chandni ki terha khud ko darbadar na karun !
vo ek pal ko dikhai toh de kahin 'mohsin'
main jaan ganwa ke bhi uss pal ko mukhtasar na karun !

mohsin ki shayyiri

azaab-e-deed mein ankhen lahu lahu kar ke
main sharm-saar hua teri justju kar ke
suna hai shehr mein zakhmi dilon ka mela hai
chalen gaye hum bhi magar pairhan rafuu kar ke
musaaft-e-shab-e-hijraan ke baad bhed khula ?
hawa dukhi hai chiraagon ki aabru kar ke
zamin ki pyas ussi ke lahu ko chaat gayi
vo khush hua tha samandar ko aabjoo kar ke
ye kis ne hum se lahoo ka kharaah phir manga ?
abhi toh sooye thay maqtal ko surkharu kar ke
ujad ruut ko gulabi banaye rakhti hai
hamari aankh teri deed se wazoo kar ke
koi toh habs-e-hawa se ye puchta 'mohsin'
mila hai kya usse kalion ko be-namu kar ke

mohsin ki shayyiri

yeh dil yeh paagal dil mera kyu bujh gaya awaargi
iss dasht mein ek shehr tha vo kya hua awaargi
kal shab mujhe be-shakl si awaaz ne chaunka diya
maine kaha tu kaun hai uss ne kaha awaargi
log uss shahr mein bhala kaise jeyenge hum jahan
ho jurm tanha sochna, lekin saza aawargi
ek tu ke sadiyon se mere hum raah bhi hum raaz bhi
ek main ke tere naam se naaaashna awaargi
yeh dard ki tanhaiyaan yeh dasht ka viraan safar
Hum log toh ukta gaye apni suna awaargi
ek ajnabi jhonke ne jab pocha mere gham ka sabab
sahara ki bheegi rait par maine likha awaargi
Le ab toh dasht-e-shab ki saari vusaatein sonw lage
ab jaagna hoga hamein kab tak bata awaargi
Kal raat tanha chaand ko dekha tha maine khaab mein
`Mohsin' mujhe raas aayegi shayad sada awaargi

mohsin ki shayyiri

ankhen khuli rahengi toh manzar bhi aayenge
zinda hai dil toh aur sitarmgar bhi aayenge
pehchaan lo tamam faqeeron ke khadd-o-khaal
kuch log shab ko bhais badal kar bhi aayenge
gehri khamosh jheel ke paani ko yun na chedh
cheente udde toh teri qaba par bhi aayenge
khudko chhupa na sheesha garon ki dukaan mein
sheeshe chamak rahe hain toh pathar bhi aayenge
ae shahr yaar dasht se furst nahi — magar !!
nikle safar pe hum toh tere ghar bhi aayenge
'mohsin' abhi saba ki sakhawat pe khush na ho
jhonke yehi basurat-e-sar sar bhi aayenge

mohsin ki shayyiri

badla na tere baad bhi mozo-e-guftagu
tu ja chuka hai phir bhi meri mehfillon mein hai

mohsin ki shayyiri

maine iss taur se chaha tujhe aksar jana
jaise mehtaab ko be-ant samander chahe
jaise suraj ki kiran seep ke dil mein utre
jaise khusbho ko hawa rang se hatt kar chahe

mohsin ki shayyiri

qatal chupte thay kabhi sang ki diwaar ke beech
ab toh khulne lage maqtal bhare bazaar ke beech
apni poshak ke chinn jaane pe afsoos na kar
sar salamat nahi rehte yahan dastar ke beech
surkhian aman ki talqeen mein masroof rahen
haroof barod ugalte rahe akhbar ke beech
kaash iss khuwab ki tabeer ki mohlat na mile
shole ugte nazar aaye mujhe gulzar ke beech
dhalte soraj ki tamazat ne bikhar kar dekha
sar kasheeda mera saya saf-e-ashjar ke beech
rizq, malbos, makan, saans, marz, qarz, dawa
munqisem ho gaya insaan innhi afkar ke beech
dekhe jaate na thay aanso mere jis se 'mohsin'
aaj hanste huye dekha usse aghyaar ke beech

mohsin ki shayyiri

kabhi tu moheet-e-hawas tha, so nahi raha
main tere bagaiir uddas tha, so nahi raha
meri wusaton ki hawas ka khana kharab ho
mera gaaon sahar ke paas tha, so nahi raha
teri dashtaras mein thin bakhsishen, so nahi rahin
mere lab pe harf-e-spaas tha, so nahi raha
mera aks mujhse ulajh pada toh gira khuli
kabhi main be chehra shanas tha, so nahi raha
mere baad noha ba_lab hawaein kaha karen
woh jo ik dareeda libaas tha, so nahi raha
main shikasta dil hun saf-e-addo ki shikast par
woh jo latf-e-khauff-o-hiraas tha, so nahi raha

mohsin ki shayyiri

kabhi jo ehd-e-wafa meri jaan tere mere dermiyaan toote
main chahta hun ke isse pehle zameen pe ye aasmaan toote
teri judai main hoslon ki shikast dil per aazab thehri
ke jaise moun-zoor zalzalon ki dhamak se koi chataan toote
usse yaqeen tha, ussko marna hai, phir bhi khwaish thi usske dil main
ke teer chalne se paishter dast-e-dushmana main kamaan toote
vo sang hai toh gire bhi dil par, vo aaina hai toh chubh hi jaaye
kahin toh mera yaqeen bikhre, kahin toh mera gumaan toote
ujaad ban ki udas ruut mein ghazal toh 'mohsin' ne ched di hai
kise khabar hai ke kis ke masoom dil par ab ke ye taan toote

mohsin ki shayyiri

dar-e-qafas se pare jab saba guzarti hai
kise khabar aswwroun pe kya guzarti hai
taluqat kabhi iss qadar na toote thay
ke teri yaad bhi dil se khaffa guzarti hai
vo ab mile bhi toh milta hai iss tarah jaise
bujhe chiragon ko chuu kar hawa guzarti hai
ye ahel-e-hijar ki basti hai ikhtiyaat se chal
musibatoun ki yahan inteha ki guzarti hai
bhanwar se bach toh gayin kashtiyan magar ab ke
dilon ki khair ke mauj-e-bala guzarti hai
na puuch apni ana ki bagavetein 'mohsin'
dar-o-qabool se bach ke dua guzarti hai

mohsin ki shayyiri

mere hathon ki lakerron mein ye aeb chupa hai 'mohsin' !!!!!!
jis shaks ko chou lun vo mera nahi rehta