diya ki shayyiri

ashq ka qatra na palkon pe laaya kijiye
raaz-e-dil ko surat-e-siski chupaaya kijiye
raat ki dawat mein shamil aap ka iqraar tha
vada kar ke aap yun na bhool jaaya kijiye
gaiiron ki baaton se kyu karte ho iss dil pe sitam
mujhko rota dekh kar na muskraya kijiye
shoq ko mahtaab aarzu ko taara keh diya
yun haqeeqat mein bhi mehw-e-khwab aaya kijiye
hai adalat zulm ki mulzim ki saf mein ishq hai
faisla masoom se dil ka khudaya kijiye
lamha lamha teri yaado ka "diya" jalta raha
noor ban ke mere seene mein samaaya kijiye