rozirasan hain shahr

phutpath par jo laash padi hai ussi ki hai
jis shaks ko yaqiin tha ki rozirasan[daily bread] hain shahr

aziz qaisi ki shayyiri

aap ko dekh kar dekhta reh gaya
kya kahun aur kahne ko kya reh gaya
unnki aankhon mein kaise chhalkne laga
mere honthon pe jo maajra reh gaya
aise bichhade sabhi raah ke mod par
aakhri hamsafar rasta reh gaya
soch kar aao kuu-e-tamnna hai ye
jaaneman jo yahan reh gaya reh gaya

aziz qaisi ki shayyiri

har shaam jalte jismon ka gaadha dhuan hai shahr
mar-ghat kahan hai koi bataao kahan hai shahr
phutapaath par jo laash padi hai ussi ki hai
jis gaanv ko yaqiin tha ki rozi-rasan hai shahr
mar jaaiye toh naam-o-nasab puuchhta nahin
murdon ke silsile mein bahut meharban hai shahr
reh reh ke chiikh uth’te hain sannate raat ko
jangal chhupe huye hain vahin par jahan hai shahr
bhuchal aate rahte hain aur tuut’taa nahin
ham jaise muflison ki tarah sakht-jaan hai shahr
latka hua tren ke dibbon mein subah-o-shaam
lagta hai apni maut ke munh mein ravan hai shahr

aziz qaisi ki shayyiri

uljhaav ka maza bhi teri baat hi mein tha
tera jawab tere sawalat hi mein tha
saaya kisi yaqiin ka bhi jis par na pad saka
vo ghar bhi shahr-e-dil ke muzafat[near by] hi mein tha
ilzam kya hai ye bhi na jaana tamaam umar
mulzim tamaam umar havalat hi mein tha
ab toh faqat badan ki muravvat hai daramiyan
tha rabt jaan-o-dil ka toh shuruat hi mein tha
mujhko toh qatl kar ke manata raha hai jashn
vo ziilihaaz[worthy of attention/respect(liihaaz ke qaabil)] shaks meri zaat[existence] hi mein tha

aziz qaisi ki shayyiri

uljhaav ka maza bhi teri baat hi mein tha
tera jawab tere savalat hi mein tha
saaya kisi yaqi.n ka bhi jis par na pad saka
vo ghar bhi shahr-e-dil ke muzafat[near by] hi mein tha
ilzaam kya hai ye bhi na jaana tamam umar
mulzim tamam umar hawalat hi mein tha
ab toh faqat badan ki muravvat hai darmiyan
tha rabt jaan-o-dil ka to shuru'aat hi mein tha
mujhko toh qatl kar ke manata raha hai jashn
vo zee'lihaz[liihaaz ke qaabil] shaks meri zaat hi mein tha

aziz qaisi ki shayyiri

aap ko dekh kar dekhta reh gaya
kya kahuun aur kehne ko kya reh gaya
unnki aankhon mein kaise chhalkane laga
mere honton pe jo maajra reh gaya
aise bichhade sabhi raah ke mod par
aakhri hamsafar rasta reh gaya
soch kar aao kuu-e-tamnna hai ye
jaaneman jo yahan reh gaya reh gaya