rakhshe-umr

rau mein hain rakhshe-umr kahan dekhiye thame
ne haath baagh par hain na pa hain raqaab mein

hum milenge qayamat mein

main jo kehta hun ki hum milenge qayamat mein tumhen
kis ruaanat[pride] se vo kehte hain ki hum hoor nahin

ik shaks

thi vo ik shaks ke tasvvur se
ab vo ranaai-e-khayal kahan

yun bhi

zindgi yun bhi guzar hi jaati
kyun tera raah-guzar yaad aaya

namuuse-paimaine-muhbbat

khaaq mein namuuse-paimaine-muhbbat mil gaye
uth gayi duniya se raahorasme yaari, haaye haaye

ghar tera

kya hai rizvaan[sawrg ka chokidaar] se ladai hogi
ghar tera khuld mein gar yaad aaya

marr na saka

teshe bagaiir marr na saka kohkan 'asad'
sargashta-e-khumaare-rusumo[customs]-kayood tha

ruuhul kuudus

paata hun uss se daad kuch apne qalaam ki
ruuhul kuudus[zabreel] agarche mera humzuban nahin

bimaar ka haal

unnke dekhe se jo aa jaati hai munh par ronaq
vo samjhte hain ki bimaar ka haal achcha hai

buuton ke naaz

lakdkobe[to kick]-hawadis ka tehmmul kar nahi sakti
meri taqat, ki zaamin thi buuton ke naaz uthane ki

makduur ho ke

makduur ho ke khaaq se puuchon ki ae laeem[miser]
tune vo ganj-haaye-giran_maya kya kiye

ghalib ki shayyiri

hum kahan ke daana thhe, kis hunar mein yakta thhe
besabab huwa 'ghalib', dushman aasmaan apna

ghalib ki shayyiri

laazim tha ki dekho mera rastaa koi din aur
tanha gaye kyun ab raho tanha koi din aur

ghalib ki shayyiri

bandh dareeche, suni galyaan un-dekhe anjane log
kis nagri mein aa nikle hein '....' ham deewane log
ek hum hi na_waqif thehre roop nagar ki galyon se
bhes badal kar milne wale sab jaane pehchane log
din ko raat kahen so barhaq, subha ko sham kahen so khoob
aap ki baat ka kehna hi kya, aap huye farzane log
shikwa kya aur kaisi shikayat,aakhir kuch buniyad toh ho
tum par mera haq hi kya hai, ham thehre begane log
shehr kahan khali rehta hai, ye dariya har dam behta hai
aur bohat se mil jayenge, hum aise deewane log
suna hai usske ehd-e-wafa mein hawa bhi muft nahin milti
unn galyon mein har har saans pe bharte hein jurmane log

ghalib ki shayyiri

maana ke shaqi ke paas jaan bohat hai
par hamen bhi duniya mein kaam bohat hai
aarzu, armaan, ishq, tamnna, waffa, muhbbat
cheezein toh achchi hain par daam bohat hai
aise bhi hai koi jo 'ghalib' ko na jaane
shayar toh achcha hai par badnaam bohat hai

ghalib ki shayyiri

kitne sheerin[sweet] hain tere lab ! ke raqeeb
gaaliyan kha ke bemaza na hua .........!!

ghalib ki shayyiri

ya rab zamana mujhko mitata hai kis liye
loh-e-yahan[world] pe harf-e-mukarar nahin hun main

ghalib ki shayyiri

na tha kuch toh khuda tha kuch na hota toh khuda hota
duuboya mujhko honi ne na hota main toh kya hota
hua jab gham se yun behis toh gham kya sar ke katne ka
na hota gar juda tan se toh zaanon par dhara hota
hui muddat ke ghalib marr gaya par yaad aata hai
vo har ek baat pe kehna ke yun hota toh kya hota

ghalib ki shayyiri

koi ummid bar nahi aati
koi suurat nazar nahi aati
maut ka ek din muayyan hai
neend kyun raat bhar nahi aati
aage aati thi haal-e-dil pe hassi
ab kisi baat par nahi aati
hai kuch aisi hi baat jo chup hoon
varna kya baat karni nahi aati
hum vahan hain jahan se hum ko bhi
kuch hamari khabar nahi aati
kaaba kis munh se jaaoge 'ghalib'
sharm tumko magar nahi aati

ghalib ki shayyiri

aah ko chahiye ek umr asar hone tak
kaun jeeta hai teri zulf ke sar hone tak
hum ne maana ke tagaful na karoge lekin
khaak ho jaayenge hum tum ko khabar hone tak
ghum-e-hasti ka asad kis se ho juz marg ilaaj
shamma har rang mein jalti hai sehar hone tak