faheem ki shayyiri

ranj alam, khushian aur gham, kya hasin adghaam hai
zindagi kya khatti miththi golion ka naam hai
ik zara si baat pe khafgi bohut hi aam hai
sab ko khush rakhna meri jaan sab se mushkil kaam hai
behtri ke vaste jiski tera har kaam hai
phir bhi usske dil mein tere vaste ibhaam hai
halq mein chhubhti hui kadvi kaseli si dawa
pii rahe hain muskura ke jaise ke ik jaam hai
chakh liya maine maza aur main kahon aaye zindagi
rang hai pakka magar dar_asl kacha aam hai
muntazir hun apne aangan mein tumhara aur saath
ishq paichan ke mehakte phool hain aur sham hai

faheem ki shayyiri

zindgi ko azaab kar dala
tere ghum ne kharab kar dala
raqs karti hain khahishen shab bhar
humne dil ko nawaab kar daala
dasht-e-duniya mein iss qadar bhatka
har khushi ko saraab kar daala
ashk itne baha gaya koi
dil ka aangan chanaab kar daala
zabt ki koi inteha bhi ho
ashk daryaa hubaab kar daala
baat banti nazar nahin aati
humne sab kuch janaab kar daala
chaal aisi chalai hai yaaron ne
har haqiqat ko khwab kar dala
teri yaadon ko moatbar janaa
aur dil ka nisaab kar daala
kis jazbe ki aag dekhi hai
dil samandar be aab kar daala
kyun nazren lagi hain rahon pe
kisi ki aamad ke muntazir ho 'faheem'
kis ne itna betaab kar daala