irfan siddiqui ki shayyiri

badan ke donon kinaaron se jal raha hun main
ke chhu raha hun tujhe, aur pighal rahaa hun main
tujhi pe Khatm hai jaanaan mere zawaal[nadir] ki raat
tu ab tulu[appearing] bhi ho ja, ke dhal raha hun main
bula raha hai mera jaama-zeb milne ko
toh aaj perahan-e-jaan badal raha hun main
ghubaar-e-rahguzar[dust of the path] ka ye hausla bhi toh dekh
hawa-e-taaza ! tere saath chal rahaa hun main
main khwab dekh raha hun ke vo pukaartaa hai,
aur apne jism se baahar nikal raha hun main

irfan siddiqui ki shayyiri

sochta hun ki mahfooz kar lun isse apne seene mein lafz-o-bayaan ki tarah
thodi hi der mein yeh mulaqaat bhi khatam ho jayegi daastan ki tarah
ye rafaaqat bohat mukhtsar[short] hai meri humsafar laa mere haath mein haath de
tu hawa-e-sar-e-rahguzar ki tarah, main kisi nakht-e-rayegan ki tarah
haal zaalim shikaari ki surat mujhe, waqt ki ziin[saddle] se baandh kar le chala
mera maazi mere saath chalta raha door tak ek majboor maan ki tarah
sang-e-aazaar ki baarishen tez thi, aur bachne ka koi tariqa na tha
rafta rafta sabhi ne saron par koi be-hisi taan li saayeban ki tarah
khwahishon ke samandar se ek mauj uthi, aur sail-e-bala-khez banti gayi
zism kashti ki maanind ulatne lage, pairahan udd gaye baadban ki tarah