ada jafri ki shayyiri

shayad abhi hai raakh mein koi sharaar[spark] bhi
kyon varna intzaar bhi hai iztiraar[restlessness] bhi
dhyan aa gayaa hai marg-e-dil-e-naamuraad[death of an unsuccessful/unlucky heart] ka
milane ko mil gaya hai sukoon bhi qaraar bhi
ab dhuundhne chale ho musafir ko dosto
hadh-e-nigah[limits of one's vision] tak na raha jab gubaar bhi
har aastan[threshold] pe naasiya_farsa[one who rubs his forehead] hain aaj vo
jo kal na kar sake thay tera intzaar bhi
ik raah ruk gayi toh thithak kyon gayi 'ada'
aabad bastiyan hain pahadon ke paar bhi

ada jafri ki shayyiri

na gubaar mein na gulaab mein mujhe dekhna
mere dard ki aab-o-tab mein mujhe dekhna
kisi waqt shaam malaal mein mujhe sochna
kabhi apne dil ki kitaab mein mujhe dekhna
kisi dhun mein tum bhi jo bastiyon ko tyaag do
issi rah-e-khana_kharab mein mujhe dekhna
kisi raat maah-o-najuum se mujhe puchhna
kabhi apni chashm pur_aab mein mujhe dekhna
issi dil se ho kar guzar gaye kai karvaan
ki hizraton ke zaab mein mujhe dekhna
mai. na mil sakoon bhi toh kya hua ke fasana hun
nayi dastan naye baab mein mujhe dekhna
mere khaar kKhaar sawal mein mujhe dhundhna
mere geet mein mere khwab mein mujhe dekhna
mere aansuon ne bujhaayi thi meri tashnagi
issi barg_ziida sahaab mein mujhe dekhna
vahi ik lamha diid tha ke ruka raha
mere roz-o-shab ke hisab mein mujhe dekhna
jo tadap tujhe kisi aaiine mein na mil sake
toh phir aaiine ke jawab mein mujhe dekhna

ada jafri ki shayyiri

har ek harf-e-aarzu ko dastan kiye huye
zamana ho gaya hai unnko mehmaan kiye huye
suroor-e-aish talkhi-e-hayaat ne bhula diya
dil-e-hazin hai bekasi ko hizr-e-jaan kiye huye
kali kali ko gulistankiye huye vo aayenge
vo aayenge kali kali ko gulistan kiye huye
sukoon-e-dil ki raahaton ko unnse maang lun
sukoon-e-dil ki raahaton ko bekaran kiye huye
vo aayenge toh aayenge junoon-e-shauq ubharene
vo jaayenge toh jaayenge tabaahiyan kiye huye
main unnki bhi nigah se chhupa ke unnko dekh lun
ki unnse bhi hai aaj rashk bad_guman kiye huye

ada jafri ki shayyiri

aakhiri tees aazamane ko
jii toh chaha tha muskurane ko
yaad itni bhi sakht_jaan toh nahin
ik gharaunda raha hai dahaane ko
sang_rezon mein dhal gaye aansuu
log hansate rahe dikhaane ko
zakhm-e-naghma bhi lau toh deta hai
ik diya rah gaya jalaane ko
jalane wale toh jal bujhe aakhir
kaun deta khabar zamaane ko
kitne majboor ho gaye honge
ankahi baat muunh pe laane ko
khul ke hansna toh sab ko aata hai
log tarsate rahe ik bahaane ko
reza reza bikhar gaya insan
dil ki viraaniyan jatane ko
hasarton ki panah_gaahon mein
kya thikaane hain sar chhupaane ko
haath kaanton se kar liye zakhmi
phuul baalon mein ik sajaane ko
aas ki baat ho ki saans 'ada'
ye khilaune hain tuut jaane ko