yeh kaisi dosti thehri..
yeh kaisa waasta thehra...
tumhen masroof duniya main
meri khaatir fursat ka
koi lamha nahin milta
na pehli si woh qurbat hai
na ab milne ki chaahat hai
sitam kaisa hai yeh aakhir
tumse ab baat kerna bhi
mujhe lagta hai naa-haasil
tumhen ik harf likhna bhi
hua hai ab to na-mumkin
mager phir bhi mujhe tum se
mohabbat hai, mohabbat hai
mujhe yeh bhi khabar hai tum
yeh dil naa-shaad kar-dogay
karoge toh faqat itna...
mujhe barbaad kar-dogay