haal-e-dil maine jo duniya ko sunana chaha
mujhko har shakhs ne dil apna dikhana chaha
apni tasvir banane ke liye duniya mein
maine har rang pe ik rang chadhaana chaha
khaak-e-dil jauhar-e-aaina ke kaam aa hi gai
lakh duniya ne nighaahon se giraana chaha
shola-e-barq se gulshan ko bachane ke liye
maine har aag ko seene mein chupana chaha
apne aibon ko chupane ke liye duniya mein
maine har shakhs pe ilzaam lagaana chaha
gairat-e-mauj usse phenk gai shahil par
dubane vaale ne jab shor machana chaha