andaz hu_bahu teri awaz pa ka tha
dekha nikal ke ghar se to jhonka hawa ka tha
uss husn-e-ittefaq pe luut kar bhi shad hun
teri raza jo thi wo taqaza wafa ka tha
uss rishta-e-latif ke israr kya khule
tu samne tha aur tasaawur khuda ka tha
chup chup ke ro'un aur sar-e-anjuman hassu
mujhko ye mashwara mere dard aashna ka tha
tuta toh kitne aaine khanon pe zard padi
atka hua galay mein jo pathar sada ka tha