humko mita sake ye zamane mein dum nahi
humse zamana khud hai zamane se hum nahi
befayda alam nahi bekar ghum nahi
taufiq de khuda toh ye naimat bhi kam nahi
meri zuban pe shikva-e-ahl-e-sitam nahi
mujhko jaga diya yahi ehsaan kam nahi
ya Rab! hujum-e-dard ko de aur vus'atein
daaman to kya abhi meri ankhein bhi num nahi
zahid kuch aur ho na ho maikhane mein magar
kya kam ye hai ke shikva-e-dair-o-haram nahi
marg-e-jigar pe kyun teri ankhein hain ashk rez
ik saniha sahi magar itna bhi aham nahi
No comments:
Post a Comment