jo dil mein dabi hai usse awaaz karde
tu iss ishq mein achuta sa ijaaz karde
teri pohanch se duur koi manzil nahin
gar tu muqam-e-ishq sar afraaz kar de
sada-e-dil ke nigah tarjuman ho jaaye
ye dil kub is silsile ka aghaaz karde
majrooh tha par chaha hai majzoob ki tarha
meri parastish kisi taur khuda namaaz karde
shab-e-firaq kisi had tak to muhlat de
koi hai jo yeh raat jaage daraaz karde
jo dil mein duub kar ruh mein utar jaaye
koi khayal chand alfaaz tujhe mumtaz karde