samajh rahe hein magar bolne ke yara nahi
jo hum se mil ke bichad jaaye wo hamara nahi
bas ek sham assi aawaz di thi hijr ke sham
phir usske baad usse umar bhar pukara nahi
hawa kuch aisi chale hai ke tere wehshi ko
mizaaj pursi ba'd-e-saba gawara nahi
samundroon ko bhi hairat hui ke dubte waqt
kisi ko hum ne madad ke liye pukara nahi
vo hum nahi the toh phir kaun tha sar-e-bazar
jo keh raha tha ke bikna hamein gawara nahi
hum ahl-e-dil hain mohabat ki nisbaton ke amin
hamare paas zameenon ka goshwara nahi
No comments:
Post a Comment