diwana banana hai toh diwana bana de
varna kahin taqdeer tamasha na bana de
ae dekhnewalon mujhe hass ke na dekho
tum ko bhi muhbbat kahin mujh sa na bana de
main dhoondh raha hun meri vo shamma kahan hai
jo bazm ki har cheez ko parwana bana de
aakhir koi surat bhi toh ho khaana-e-dil ki
kaaba nahin banta hai toh buut-khana bana de
'behzad' har ek jaam pe ek sajda-e-masti
har zarre ko sang-e-dar-e-jaana na bana de
No comments:
Post a Comment